Úps

Konuna hans Davors Ivanovics langaði til að gefa honum skemmtilega afmælisgjöf. Davor var í viðskiptaferð í Zagreb í Króatíu á afmælisdaginn.

Eiginkonan bað stjórnanda uppáhalds útvarpsþáttarins hans að koma honum á óvart með því að hringja í hann hann og óska honum til hamingju.

Barbara Kolar var alveg til í það. Hún hringdi á hótelherbergi Davors en konan hans hún Jasna beið á annarri línu.

Þeim Barböru og Jösnu brá dálítið þegar kona svaraði í símann og sagði að Davor væri í sturtu. Þær biðu nú samt eftir honum.

Og þegar Davor kom í símann spurði Barbara hvaða kona hefði svarað í símann. Davor sagði að það hefði nú bara verið konan sín.

Þrátt fyrir bænir útvarpsfólksins um að segja ekkert argaði Jasna; -Með hverri ertu?

Og skelfingu lostinn argaði Davor á Barböru; -Af hverju gerðir þú mér þetta? Við eigum börn.

Mórallinn í þessari sögu er; -Tja, það verður hver að ákveða fyrir sig.