Erlent

Karadzic nýtur ekki friðhelgi

Óli Tynes skrifar
Radovan Karadzic, leiðtogi Serba í Bosníu.
Radovan Karadzic, leiðtogi Serba í Bosníu.

Dómarar við Stríðsglæpadómstól Sameinuðu þjóðanna höfnuðu því í dag að Radovan Karadzic leiðtogi Bosníuserba nyti friðhelgi.

Karadzic hefur verið ákærður í ellefu liðum fyrir stríðsglæpi og glæpi gegn mannkyninu. Hann var handtekinn á síðasta ári eftir ellefu ár í felum.

Karadzic heldur því fram að Richard Holbrook samningamaður Bandaríkjanna í Bosníu hafi lofað sér friðhelgi árið 1996, gegn því að hann hyrfi úr opinberu lífi. Holbrook hefur ítrekað neitað þessu.

Úrskurður dómaranna var sá að jafnvel þótt hægt væri að sanna að um þetta hefði náðst samkomulag þá skerti það lögsögu dómstólsins ekki á nokkurn hátt.

Úrskurður dómstólsins er endanlegur og bindur enda á tilraunir Karadzics til þess að losna undan ákærunum.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið