Friends á hvíta tjaldið

Kvikmynd um ævintýri sexmenninganna Joey, Chandler, Monicu, Phoebe, Ross og Rachel verður framleidd innan tíðar. Þetta staðhæfir James Michael Tyler, sem fór með hlutverk Gunthers í Friends-þáttunum. „Myndin verður gerð. Ég er í góðu sambandi við fólkið og það eru allir spenntir," segir hann.

Velgengni Sex and the City-myndarinnar mun hafa sannfært peningamennina í Hollywood um að Friends-myndin muni ganga.

Fimm ár eru síðan síðasti þáttur Friends fór í loftið. Síðan hefur leikaraliðinu gengið misjafnlega að fóta sig, ekkert þeirra hefur að minnsta kosti náð að viðhalda þeim vinsældum sem þau nutu í Friends.