Fæddist með typpi á bakinu

Kínverskir læknar reyna nú að átta sig á læknisfræðilegri ráðgátu eftir að kínverskur drengur fæddist með tvö typpi. Annað typpið er staðsett á baki drengsins.

Drengurinn sem fæddist í Henan héraðinu í Kína gekkst undir þriggja tíma aðgerð í lok maí til þess að koma í veg fyrir að hann þyrfti að lifa með auka typpi á bakinu.

Typpið kom læknum mjög á óvart en talið er að í upphafi hafi drengurinn átt að eiga tvíburabróður sem aldrei hafi myndast í legi móður sinnar.

Drengurinn var hinsvegar við góða heilsu að öðru leyti og ber sig vel eftir aðgerðina.