Sautján ára á 153 km hraða

Sautján ára stúlka var tekin fyrir hraðakstur á Reykjanesbraut, sunnan Hafnarfjarðar, í nótt en bíll hennar mældist á 153 km hraða miðað við klukkustund. Á þessum hluta vegarins er 90 km hámarkshraði en aðspurð um aksturslagið sagðist stúlkan hafa verið að flýta sér í bæinn.

Hún hefur ekki áður komið við sögu hjá lögreglu. Nokkrir aðrir voru teknir fyrir hraðakstur í umdæminu í gær en brot þeirra voru ekkert í líkingu við það sem hér segir frá. Lögreglan á höfuðborgarsvæðinu greindi frá þessu.