Innlent

Litlu munaði að eldurinn færi upp um þakið á Laugavegi

Slökkviliðsmenn við störf á Laugavegi 84.
Slökkviliðsmenn við störf á Laugavegi 84. MYND/Vilhelm Gunnarsson

Slökkviliðinu á höfuðborgarsvæðinu tókst á síðustu stundu að koma í veg fyrir mikinn eldsvoða í íbúð á efstu hæð í húsi við Laugaveg 84 í gærkvöldi, en þar var orðin svonefnd yfirtendrun vegna hita þannig að andrúmsloftið innan dyra logaði. Fjórum reykköfurum tókst að skríða inn í mannlausa íbúðina og slá á eldinn og hitann þannig að greiðlega gekk að slökkva.

Ef eldur hefði náð að brjóta sig út úr íbúðinni er talið að þakið hefði orðið alelda á svipstundu og neistaflug staðið yfir nágrennið með ófyrirsjáanlegum afleiðingum, því hvasst var í veðri. Engan sakaði, en auk þess sem allt innanstokks í íbúðinni er ónýtt, urðu skemmdir í annari íbúð í húsinu. Eldsupptök eru ókunn.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


×