Fleiri leiðir til sigurs fyrir Joe Biden Margrét Helga Erlingsdóttir skrifar 4. nóvember 2020 14:37 Hulda Þórisdóttir, lektor við stjórnmálafræðideild HÍ, segir Joe Biden vera með fleiri leiðir til sigurs en Donald Trump. HÍ/Getty/Win Mcnamee Hulda Þórisdóttir, dósent í stjórnmálafræði, segir að staðan daginn eftir kosningar í Bandaríkjunum rími við það sem sérfræðingar í skoðanakönnunum vestan hafs, sem hún taki mark á, hafi sagt fyrir kosningar; að úrslitin myndi alls ekki ráðast strax morguninn eftir. „Að þetta myndi í fyrsta lagi ráðast daginn eftir, líklega ekki fyrr en á fimmtudag eða föstudag þegar áætlað er að talningu verði lokið í Pensylvaníu og, vel mögulega, ekki fyrr en miklu seinna ef ýmis málaferli fara í gang um hvaða atkvæði eru lögleg. Eins og er að koma í ljós nú eins og margir spáðu að Repúblikanar virðast ætla í þann slag.“ Enn á eftir að telja fjöldann allan af utankjörfundaratkvæðum og póstatkvæðum sem Hulda segir að séu líklegri til að falla Demókrötum í skaut. „Það er alþekkt að fólk sem býr í þéttbýli í borgunum er mun líklegra til að kjósa Demókrata heldur en þeir sem búa í dreifbýli og það er líka vitað að þeir sem búa í þéttbýli og borgum eru líklegri til að kjósa utan kjörfundar í ár, þannig að þetta tvennt fer saman“. Biden sé enn líklegri til sigurs Hulda, sem bjó í New York hvar hún lauk doktorsprófi í sálfræði árið 2007 og er í nánu samstarfi við prófessora í Bandaríkjunum, segir enn fremur að sérfræðingar í skoðanakönnunum hafi sagt fyrir kosningar að forskot Joes Biden væri það mikið í könnunum að það þyldi sama frávik í skoðanakönnunum og felldi Hillary Clinton, frambjóðanda Demókrata, árið 2016. „Þetta er það sem þeir eru tala um að sé að koma í ljós; -já það eru þarna frávik en forystan hans [Bidens] var það sterk að hann er enn þá mun líklegri til að sigra þegar uppi er staðið heldur en Trump, hann er með fleiri leiðir til sigurs. Ef Biden vinnur Arizona, Nevada, Michigan og Wisconsin, þá vinnur hann kosningarnar þó hann tapi Pensylvaniu, Georgíu og Norður-Karólínu. Trúir því að kerfið sé sterkara en ólýðræðisleg ummæli Trumps Hulda varð spurð út í ummæli Trumps í nótt þess efnis að hann vildi stöðva talningu greiddra atkvæða. „Eins og svo margt annað sem sitjandi forseti hefur gert þá á það sér ekki fordæmi og þetta er bara enn eitt dæmið um það að ég leyfi mér að trúa því að kerfið sé nú sterkara en þessi ummæli. Það er ekkert sem bendir til þess að kerfið sé að svigna undan einhverjum svona kröfum eins og er, þótt auðvitað séu einhver dómsmál í uppsiglingu um jaðaratkvæði, leiðrétt atkvæði og annað slíkt. En í heildarmyndinni er ekkert sem bendir til þess að það verði hætt allt í einu að telja. Það voru margir sem spáðu því að Trump myndi leika þennan leik á kosninganótt af því það var vitað að hann myndi standa tiltölulega sterkar þá en hann líklega myndi gera þegar búið verður að telja öll atkvæðin“. Áframhaldandi sundrung í Bandaríkjunum Það er afar mjótt á mununum og fær mann til að velta vöngum yfir bandarísku samfélagi í heild og hvert það stefni. Það virðist eins og þessi sundrung sé ekkert á undanhaldi, nema síður sé, og að þarna muni áfram búa tvær þjóðir í einu landi. Hvert er þitt mat? „Mitt mat er algjörlega samhljóða þínu mati. Þessar kosningar benda ekki á nokkurn hátt til þess að þessi skautun eða pólarísering í landinu sé að minnka og það mun líka taka langan tíma að vinda ofan af því og mögulega alls konar aðrar breytur; utanaðkomandi aðstæður, stórar breytur í efnahagsmálum og svo framvegis sem þurfa að koma til sögunnar. Samsetning bandarísku þjóðarinnar er að breytast, hvítt fólk verður sífellt lægra hlutfall af heildaríbúafjölda þannig að ef við bara horfum á það og horfum kannski fimmtíu ár fram í tímann þá má nú búast við að landslagið hafi breyst bara þess vegna en þangað til það gerist má búast við að ástandið muni vara ansi lengi.“ Hulda segir enn fremur að Bandaríkjamenn séu sérstaklega bundnir á klafa síns stjórnmálaflokks. „Þetta snýst um miklu meira en stjórnmálaskoðanir heldur líka lífsstíl og lífsviðhorf og raunar er það svo að það er ekkert virt lýðræðisríki þar sem er jafn lítil hreyfing er á kjósendum og í Bandaríkjunum. Fólk í rauninni haggast ekki. Þessir kjósendur sem verið er að slást um eru alveg merkilega lítið hlutfall af heildarfjölda kjósenda.“ Hulda ræddi um stöðuna í stjórnmálunum vestan hafs í hádegisfréttum Bylgjunnar.
Hulda Þórisdóttir, dósent í stjórnmálafræði, segir að staðan daginn eftir kosningar í Bandaríkjunum rími við það sem sérfræðingar í skoðanakönnunum vestan hafs, sem hún taki mark á, hafi sagt fyrir kosningar; að úrslitin myndi alls ekki ráðast strax morguninn eftir. „Að þetta myndi í fyrsta lagi ráðast daginn eftir, líklega ekki fyrr en á fimmtudag eða föstudag þegar áætlað er að talningu verði lokið í Pensylvaníu og, vel mögulega, ekki fyrr en miklu seinna ef ýmis málaferli fara í gang um hvaða atkvæði eru lögleg. Eins og er að koma í ljós nú eins og margir spáðu að Repúblikanar virðast ætla í þann slag.“ Enn á eftir að telja fjöldann allan af utankjörfundaratkvæðum og póstatkvæðum sem Hulda segir að séu líklegri til að falla Demókrötum í skaut. „Það er alþekkt að fólk sem býr í þéttbýli í borgunum er mun líklegra til að kjósa Demókrata heldur en þeir sem búa í dreifbýli og það er líka vitað að þeir sem búa í þéttbýli og borgum eru líklegri til að kjósa utan kjörfundar í ár, þannig að þetta tvennt fer saman“. Biden sé enn líklegri til sigurs Hulda, sem bjó í New York hvar hún lauk doktorsprófi í sálfræði árið 2007 og er í nánu samstarfi við prófessora í Bandaríkjunum, segir enn fremur að sérfræðingar í skoðanakönnunum hafi sagt fyrir kosningar að forskot Joes Biden væri það mikið í könnunum að það þyldi sama frávik í skoðanakönnunum og felldi Hillary Clinton, frambjóðanda Demókrata, árið 2016. „Þetta er það sem þeir eru tala um að sé að koma í ljós; -já það eru þarna frávik en forystan hans [Bidens] var það sterk að hann er enn þá mun líklegri til að sigra þegar uppi er staðið heldur en Trump, hann er með fleiri leiðir til sigurs. Ef Biden vinnur Arizona, Nevada, Michigan og Wisconsin, þá vinnur hann kosningarnar þó hann tapi Pensylvaniu, Georgíu og Norður-Karólínu. Trúir því að kerfið sé sterkara en ólýðræðisleg ummæli Trumps Hulda varð spurð út í ummæli Trumps í nótt þess efnis að hann vildi stöðva talningu greiddra atkvæða. „Eins og svo margt annað sem sitjandi forseti hefur gert þá á það sér ekki fordæmi og þetta er bara enn eitt dæmið um það að ég leyfi mér að trúa því að kerfið sé nú sterkara en þessi ummæli. Það er ekkert sem bendir til þess að kerfið sé að svigna undan einhverjum svona kröfum eins og er, þótt auðvitað séu einhver dómsmál í uppsiglingu um jaðaratkvæði, leiðrétt atkvæði og annað slíkt. En í heildarmyndinni er ekkert sem bendir til þess að það verði hætt allt í einu að telja. Það voru margir sem spáðu því að Trump myndi leika þennan leik á kosninganótt af því það var vitað að hann myndi standa tiltölulega sterkar þá en hann líklega myndi gera þegar búið verður að telja öll atkvæðin“. Áframhaldandi sundrung í Bandaríkjunum Það er afar mjótt á mununum og fær mann til að velta vöngum yfir bandarísku samfélagi í heild og hvert það stefni. Það virðist eins og þessi sundrung sé ekkert á undanhaldi, nema síður sé, og að þarna muni áfram búa tvær þjóðir í einu landi. Hvert er þitt mat? „Mitt mat er algjörlega samhljóða þínu mati. Þessar kosningar benda ekki á nokkurn hátt til þess að þessi skautun eða pólarísering í landinu sé að minnka og það mun líka taka langan tíma að vinda ofan af því og mögulega alls konar aðrar breytur; utanaðkomandi aðstæður, stórar breytur í efnahagsmálum og svo framvegis sem þurfa að koma til sögunnar. Samsetning bandarísku þjóðarinnar er að breytast, hvítt fólk verður sífellt lægra hlutfall af heildaríbúafjölda þannig að ef við bara horfum á það og horfum kannski fimmtíu ár fram í tímann þá má nú búast við að landslagið hafi breyst bara þess vegna en þangað til það gerist má búast við að ástandið muni vara ansi lengi.“ Hulda segir enn fremur að Bandaríkjamenn séu sérstaklega bundnir á klafa síns stjórnmálaflokks. „Þetta snýst um miklu meira en stjórnmálaskoðanir heldur líka lífsstíl og lífsviðhorf og raunar er það svo að það er ekkert virt lýðræðisríki þar sem er jafn lítil hreyfing er á kjósendum og í Bandaríkjunum. Fólk í rauninni haggast ekki. Þessir kjósendur sem verið er að slást um eru alveg merkilega lítið hlutfall af heildarfjölda kjósenda.“ Hulda ræddi um stöðuna í stjórnmálunum vestan hafs í hádegisfréttum Bylgjunnar.
Forsetakosningar í Bandaríkjunum Bandaríkin Donald Trump Fréttaskýringar Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Forsetavaktin: Sjöundi forseti lýðveldisins verður kjörinn Innlent Fólk hafi kosið taktískt gegn Katrínu Innlent Batt á sig klút til heiðurs Höllu Innlent Bein útsending: Kosningasjónvarp Stöðvar 2 Innlent Augljóst að kjósendur vilja konu sem næsta forseta Innlent Telur fylgið hafa farið á dreifingu vegna fjölda frambjóðenda Innlent Segir klútabyltinguna vera hafna Innlent Hópur ungmenna réðst á starfsmann veitingastaðar Innlent Segir allt stefna í að Halla Tómasdóttir verði forseti Innlent Fyrstu tölur úr Suðvesturkjördæmi: Minnsti munurinn á Höllu og Katrínu hingað til Innlent Fleiri fréttir Hópur ungmenna réðst á starfsmann veitingastaðar Batt á sig klút til heiðurs Höllu Fólk hafi kosið taktískt gegn Katrínu Augljóst að kjósendur vilja konu sem næsta forseta Segir allt stefna í að Halla Tómasdóttir verði forseti Fyrstu tölur úr Suðvesturkjördæmi: Minnsti munurinn á Höllu og Katrínu hingað til Katrín ávarpaði stuðningsmenn: „Ég sé ekki eftir þessu“ Telur fylgið hafa farið á dreifingu vegna fjölda frambjóðenda Fyrstu tölur úr Norðvesturkjördæmi: Halla Tómasdóttir efst Fyrstu tölur úr Reykjavík norður: Halla Tómasdóttir er efst Katrín sér ekki eftir framboði sínu Fyrstu tölur úr Reykjavík suður: Halla Tómasdóttir með flest atkvæði Telur taktíska kosningu hafa unnið gegn sér Segir klútabyltinguna vera hafna Fyrstu tölur úr Suðurkjördæmi: Halla Tómasdóttir með flest atkvæði Fyrstu tölur úr Norðausturkjördæmi: Halla Tómasdóttir efst Halla Hrund: „Þetta ferðalag mun binda okkur saman út ævina“ Bein útsending: Kosningasjónvarp Stöðvar 2 Alls konar dýnamík geti komið inn við myndun tveggja turna Beið í klukkustund eftir að fá að kjósa „Galið! Kosningar eru greinilega ekki fyrir öll!“ Mætti á kjörstað en fékk þau svör að hún væri búin að kjósa Ráðinn slökkviliðsstjóri á Suðurnesjum Skipuð í embætti fiskistofustjóra Kjörsókn utankjörfundar minni en 2020 Sársvekktur að hafa ekki getað kosið í Mývatnssveit Allt um æsispennandi forsetakosningar og leik ársins í fótboltanum Skili embættinu þannig að nýr forseti og þjóðin geti vel við unað Kosningarnar þær mest spennandi síðan 1980 Veðurspá slæm fyrir vikuna og bændur hvattir til að huga að búfénaði Sjá meira