„Nú kemst ég að því hvernig er að deyja“ Jón Þór Stefánsson skrifar 28. desember 2023 13:56 Úr myndbandinu sem sýnir áreksturinn. Skjáskot tekið í þann mund sem gámurinn birtist Sigurjóni. Sigurjón Axel Litlu mátti muna þegar Sigurjón Axel Guðjónsson lenti í árekstri við stóran flutningabíl á hringveginum að kvöldi til þann 22. desember í síðustu viku. Myndband úr bíl hans sýnir áreksturinn. Þar sést þegar tengivagn vörubílsins birtast skyndilega á röngum vegarhelmingi og fer utan í bíl Sigurjóns. Betur fór en á horfðist, en Sigurjón slapp með smávægileg meiðsli. „Nú kemst ég að því hvernig er að deyja,“ segist Sigurjón hafa hugsað með sjálfum sér þegar það blasti við honum að hann væri að fara að lenda í árekstri við flutningabílinn. „Það var það eina sem ég hugsaði. Ég taldi engar líkur á því að ég myndi lifa þetta af. Svo var ég bara mjög hissa að ég væri á lífi.“ Í samtali við Vísi lýsir Sigurjón aðdraganda slyssins. Hann hafi verið á leiðinni norður á Ólafsfjörð í jólafrí og verið að keyra þjóðveg 1. Hann hafi verið að keyra langa aflíðandi brekku hjá Vatnsdal, sem er í um það bil tuttugu mínútna akstursfjarlægð frá Blönduósi, þegar slysið átti sér stað. Að sögn Sigurjóns var færðin góð og mínus átta stiga kuldi, þannig að það var tiltölulega lítil hálka. Skyggni var þó ekki með besta móti, bæði var dimmt og mikið kóf barst frá flutningabílum. „Það var fullt af flutningabílum á leiðinni. Lögreglan sagði mér eftir á að þeir hefðu aldrei séð jafn mikið af flutningabílum, í báðar áttir.“ Svo virðist sem að einn af átta hjólbörðum flutningabílsins hafi sprungið og það valdið því að tengivagninn losnaði líkt og sést á myndbandinu. Hélt að allt væri eðlilegt „Þegar ég mæti bílnum þá finnst mér eins og allt sé eðlilegt. Það er auðvitað mikið af ljósum framan á þessum flutningabílum. Hann er á sínum vegarhelmingi, en þegar ég fer úr lýsingunni þá birtist gámurinn úr myrkrinu,“ segir Sigurjón sem bætir við að myndbandið fangi sína upplifun vel, en honum hafi fundist þetta gerast hraðar í raunveruleikanum, enda bjóst hann ekki við gámnum. Sigurjón slapp ansi vel, en bíllinn fór illa úr árekstrinum.Sigurjón Axel Að mati Sigurjóns á Teslu-bíll hans, sem fór illa úr árekstrinum, stóran þátt í því að hann sé enn á lífi. Til að mynda valt bíllinn ekki við áreksturinn og þá er búnaður í bílnum sem gerði neyðarlínunni viðvart um slysið, bæði hvar það var og hversu margir voru í bílnum. Sigurjón er ekki viss um hvort hann hafi sjálfur sveigt frá flutningabílnum eða árekstrarvörn bílsins, en gera má ráð fyrir því að höggið hefði orðið enn þyngra hefði það ekki verið gert. Áhrif á jólin Líkt og áður segir slapp Sigurjón vel. Hann fékk þó sár á annan handlegginn, sem honum finnst í laginu eins og T-ið í Teslumerkinnu. „Þetta gæti orðið viral. Maður ætti kannski að senda þetta á Musk,“ segir hann og hlær. Annars slapp hann við það að fara á sjúkrahús, en gisti á hóteli á Sauðárkróki. Sigurjón segist hafa verið ansi „upptjúnaður“ eftir áreksturinn og því átt erfitt með svefn. Sárið minnir Sigurjón á sjálft Tesla-merkið.Sigurjón Axel Áreksturinn hafði talsverð áhrif á jólahald Sigurjóns. Hann var búinn að gera jólainnkaupin áður en hann fór í ferðina norður og í bílnum var mikið af jólagjöfum, og búnaði. „Það sprakk allavega ein einslíters rjómaferna yfir allan bílinn og mig. Ég var ekki alveg að fatta eftir áreksturinn hvaða hvíta efni var þarna alls staðar. Þegar við vorum að taka jólagjafirnar kom í ljós að sumar voru ansi sleipar.“ Hann komst á áfangastað á Þorláksmessu, degi seinna en áætlað var. „Við vorum með einhver plön, en það breyttist allt. Við áttum miða á einhverja tónleika á Akureyri, en við fórum bara heim að vaska upp jólagjafirnar.“ Sigurjón segir að öryggisbúnaður bílsins hafi orðið til þess að ekki fór verr.Sigurjón Axel Þungaflutningar á mjóum vegum í vondu veðri Sigurjón segist hvorki vilja gagnrýna vöruflutningafyrirtækið eða ökumann flutningabílsins. Hann setur hins vega spurningarmerki við kerfið, og aðstæðurnar sem þetta gerist í. „Allir þessir þungaflutningar eru á þessum mjóu þjóðvegum úti á landi. Það er kannski eðlilegt þar sem eru breiðir vegir eins og á Reykjanesi eða yfir Hellisheiði. En annars eru þetta mjög mjóir vegir á milli Reykjavíkur og Akureyrar og miklir þungaflutningar þarna um þessa vegi,“ segir Sigurjón sem minnist einnig á að ekið sé í misgóðum skilyrðum. Hann spyr sig hvort stjórnvöld ættu að sjá til þess að hagkvæmara yrði að standa í þungaflutningum sjóleiðis frekar en bílleiðis. Bíllinn endað útaf veginum eftir áreksturinn.Sigurjón Axel Strax kominn á nýja Teslu Þegar fréttastofa náði tali af Sigurjóni var hann nýbúinn að sækja nýja Teslu í Reykjavík og er hæstánægður með hana. Hann segist ekki upplifa áreksturinn sem mikið áfall og óttast ekki að fara að keyra aftur. Ástæðan fyrir því að hans mati er að hann treysti bílnum. Sigurjón er kominn á nýja Teslu innan við viku eftir að slysið átti sér stað.Sigurjón Axel Umferðaröryggi Bílar Húnabyggð Fjallabyggð Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Forsetavaktin: Sjöundi forseti lýðveldisins verður kjörinn Innlent Jón Gnarr mjög bjartsýnn: „Fyrsti krúnurakaði rauðhærði forsetinn“ Innlent Tívolíbomba hefði getað skapað stórhættu Innlent „Unga fólkið er klárlega að velja okkar framboð“ Innlent „Við höfum ekki séð þetta á Íslandi áður“ Innlent Ólík sýn á hvort Ísland eigi að styðja vörn Úkraínumanna Innlent „Ég held að þetta verði mjög spennandi“ Innlent Fékk „gríðarlega góð“ viðbrögð eftir kappræðurnar Innlent Skili embættinu þannig að nýr forseti og þjóðin geti vel við unað Innlent „Væta í minni sveit boðaði heldur betur grósku“ Innlent Fleiri fréttir Mætti á kjörstað en fékk þau svör að hún væri búin að kjósa Ráðinn slökkviliðsstjóri á Suðurnesjum Skipuð í embætti fiskistofustjóra Kjörsókn utankjörfundar minni en 2020 Sársvekktur að hafa ekki getað kosið í Mývatnssveit Allt um æsispennandi forsetakosningar og leik ársins í fótboltanum Skili embættinu þannig að nýr forseti og þjóðin geti vel við unað Kosningarnar þær mest spennandi síðan 1980 Veðurspá slæm fyrir vikuna og bændur hvattir til að huga að búfénaði Slasaðist á buggy-bíl í Básum í Goðalandi Bláa lónið opnar aftur á morgun Sjómannadagsfjör á Skagaströnd Margir góðir frambjóðendur í boði Jón Gnarr mjög bjartsýnn: „Fyrsti krúnurakaði rauðhærði forsetinn“ „Held ég fari bara að sofa upp úr miðnætti“ Rolluhótel sárabót fyrir að missa gistiheimilið „Væta í minni sveit boðaði heldur betur grósku“ „Unga fólkið er klárlega að velja okkar framboð“ Kjörsókn víða ívið betri en í síðustu kosningum Fékk „gríðarlega góð“ viðbrögð eftir kappræðurnar Fólk kasti atkvæði sínu á stríðsbálið „Ég held að þetta verði mjög spennandi“ Forsetavaktin: Sjöundi forseti lýðveldisins verður kjörinn Tívolíbomba hefði getað skapað stórhættu Ólík sýn á hvort Ísland eigi að styðja vörn Úkraínumanna „Við útrýmum ekki ofbeldi með hatri“ Skítkast í „skrýtinni og óvæginni“ kosningabaráttu „Við höfum ekki séð þetta á Íslandi áður“ Mótmælin í dag þau hörðustu í mörg ár Sækja veikan jeppamann á Langjökli Sjá meira
„Nú kemst ég að því hvernig er að deyja,“ segist Sigurjón hafa hugsað með sjálfum sér þegar það blasti við honum að hann væri að fara að lenda í árekstri við flutningabílinn. „Það var það eina sem ég hugsaði. Ég taldi engar líkur á því að ég myndi lifa þetta af. Svo var ég bara mjög hissa að ég væri á lífi.“ Í samtali við Vísi lýsir Sigurjón aðdraganda slyssins. Hann hafi verið á leiðinni norður á Ólafsfjörð í jólafrí og verið að keyra þjóðveg 1. Hann hafi verið að keyra langa aflíðandi brekku hjá Vatnsdal, sem er í um það bil tuttugu mínútna akstursfjarlægð frá Blönduósi, þegar slysið átti sér stað. Að sögn Sigurjóns var færðin góð og mínus átta stiga kuldi, þannig að það var tiltölulega lítil hálka. Skyggni var þó ekki með besta móti, bæði var dimmt og mikið kóf barst frá flutningabílum. „Það var fullt af flutningabílum á leiðinni. Lögreglan sagði mér eftir á að þeir hefðu aldrei séð jafn mikið af flutningabílum, í báðar áttir.“ Svo virðist sem að einn af átta hjólbörðum flutningabílsins hafi sprungið og það valdið því að tengivagninn losnaði líkt og sést á myndbandinu. Hélt að allt væri eðlilegt „Þegar ég mæti bílnum þá finnst mér eins og allt sé eðlilegt. Það er auðvitað mikið af ljósum framan á þessum flutningabílum. Hann er á sínum vegarhelmingi, en þegar ég fer úr lýsingunni þá birtist gámurinn úr myrkrinu,“ segir Sigurjón sem bætir við að myndbandið fangi sína upplifun vel, en honum hafi fundist þetta gerast hraðar í raunveruleikanum, enda bjóst hann ekki við gámnum. Sigurjón slapp ansi vel, en bíllinn fór illa úr árekstrinum.Sigurjón Axel Að mati Sigurjóns á Teslu-bíll hans, sem fór illa úr árekstrinum, stóran þátt í því að hann sé enn á lífi. Til að mynda valt bíllinn ekki við áreksturinn og þá er búnaður í bílnum sem gerði neyðarlínunni viðvart um slysið, bæði hvar það var og hversu margir voru í bílnum. Sigurjón er ekki viss um hvort hann hafi sjálfur sveigt frá flutningabílnum eða árekstrarvörn bílsins, en gera má ráð fyrir því að höggið hefði orðið enn þyngra hefði það ekki verið gert. Áhrif á jólin Líkt og áður segir slapp Sigurjón vel. Hann fékk þó sár á annan handlegginn, sem honum finnst í laginu eins og T-ið í Teslumerkinnu. „Þetta gæti orðið viral. Maður ætti kannski að senda þetta á Musk,“ segir hann og hlær. Annars slapp hann við það að fara á sjúkrahús, en gisti á hóteli á Sauðárkróki. Sigurjón segist hafa verið ansi „upptjúnaður“ eftir áreksturinn og því átt erfitt með svefn. Sárið minnir Sigurjón á sjálft Tesla-merkið.Sigurjón Axel Áreksturinn hafði talsverð áhrif á jólahald Sigurjóns. Hann var búinn að gera jólainnkaupin áður en hann fór í ferðina norður og í bílnum var mikið af jólagjöfum, og búnaði. „Það sprakk allavega ein einslíters rjómaferna yfir allan bílinn og mig. Ég var ekki alveg að fatta eftir áreksturinn hvaða hvíta efni var þarna alls staðar. Þegar við vorum að taka jólagjafirnar kom í ljós að sumar voru ansi sleipar.“ Hann komst á áfangastað á Þorláksmessu, degi seinna en áætlað var. „Við vorum með einhver plön, en það breyttist allt. Við áttum miða á einhverja tónleika á Akureyri, en við fórum bara heim að vaska upp jólagjafirnar.“ Sigurjón segir að öryggisbúnaður bílsins hafi orðið til þess að ekki fór verr.Sigurjón Axel Þungaflutningar á mjóum vegum í vondu veðri Sigurjón segist hvorki vilja gagnrýna vöruflutningafyrirtækið eða ökumann flutningabílsins. Hann setur hins vega spurningarmerki við kerfið, og aðstæðurnar sem þetta gerist í. „Allir þessir þungaflutningar eru á þessum mjóu þjóðvegum úti á landi. Það er kannski eðlilegt þar sem eru breiðir vegir eins og á Reykjanesi eða yfir Hellisheiði. En annars eru þetta mjög mjóir vegir á milli Reykjavíkur og Akureyrar og miklir þungaflutningar þarna um þessa vegi,“ segir Sigurjón sem minnist einnig á að ekið sé í misgóðum skilyrðum. Hann spyr sig hvort stjórnvöld ættu að sjá til þess að hagkvæmara yrði að standa í þungaflutningum sjóleiðis frekar en bílleiðis. Bíllinn endað útaf veginum eftir áreksturinn.Sigurjón Axel Strax kominn á nýja Teslu Þegar fréttastofa náði tali af Sigurjóni var hann nýbúinn að sækja nýja Teslu í Reykjavík og er hæstánægður með hana. Hann segist ekki upplifa áreksturinn sem mikið áfall og óttast ekki að fara að keyra aftur. Ástæðan fyrir því að hans mati er að hann treysti bílnum. Sigurjón er kominn á nýja Teslu innan við viku eftir að slysið átti sér stað.Sigurjón Axel
Umferðaröryggi Bílar Húnabyggð Fjallabyggð Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Forsetavaktin: Sjöundi forseti lýðveldisins verður kjörinn Innlent Jón Gnarr mjög bjartsýnn: „Fyrsti krúnurakaði rauðhærði forsetinn“ Innlent Tívolíbomba hefði getað skapað stórhættu Innlent „Unga fólkið er klárlega að velja okkar framboð“ Innlent „Við höfum ekki séð þetta á Íslandi áður“ Innlent Ólík sýn á hvort Ísland eigi að styðja vörn Úkraínumanna Innlent „Ég held að þetta verði mjög spennandi“ Innlent Fékk „gríðarlega góð“ viðbrögð eftir kappræðurnar Innlent Skili embættinu þannig að nýr forseti og þjóðin geti vel við unað Innlent „Væta í minni sveit boðaði heldur betur grósku“ Innlent Fleiri fréttir Mætti á kjörstað en fékk þau svör að hún væri búin að kjósa Ráðinn slökkviliðsstjóri á Suðurnesjum Skipuð í embætti fiskistofustjóra Kjörsókn utankjörfundar minni en 2020 Sársvekktur að hafa ekki getað kosið í Mývatnssveit Allt um æsispennandi forsetakosningar og leik ársins í fótboltanum Skili embættinu þannig að nýr forseti og þjóðin geti vel við unað Kosningarnar þær mest spennandi síðan 1980 Veðurspá slæm fyrir vikuna og bændur hvattir til að huga að búfénaði Slasaðist á buggy-bíl í Básum í Goðalandi Bláa lónið opnar aftur á morgun Sjómannadagsfjör á Skagaströnd Margir góðir frambjóðendur í boði Jón Gnarr mjög bjartsýnn: „Fyrsti krúnurakaði rauðhærði forsetinn“ „Held ég fari bara að sofa upp úr miðnætti“ Rolluhótel sárabót fyrir að missa gistiheimilið „Væta í minni sveit boðaði heldur betur grósku“ „Unga fólkið er klárlega að velja okkar framboð“ Kjörsókn víða ívið betri en í síðustu kosningum Fékk „gríðarlega góð“ viðbrögð eftir kappræðurnar Fólk kasti atkvæði sínu á stríðsbálið „Ég held að þetta verði mjög spennandi“ Forsetavaktin: Sjöundi forseti lýðveldisins verður kjörinn Tívolíbomba hefði getað skapað stórhættu Ólík sýn á hvort Ísland eigi að styðja vörn Úkraínumanna „Við útrýmum ekki ofbeldi með hatri“ Skítkast í „skrýtinni og óvæginni“ kosningabaráttu „Við höfum ekki séð þetta á Íslandi áður“ Mótmælin í dag þau hörðustu í mörg ár Sækja veikan jeppamann á Langjökli Sjá meira