Euro-nördar gráta Haffa Haff 13. febrúar 2008 04:00 Haffi Haff er til í meira popp en nennir engu hálfkáki. Eurovision-nördar hafa látið í ljós óánægju sína með að Haffi Haff komst ekki áfram um síðustu helgi. „Hversu heimskir eru Íslendingar??? Það hefði verið séns að þeir ynnu Eurovision með Haffa Haff... þeir vilja augljóslega ekki vinna þessa keppni.“ Þetta skrifar „Omen2008“ á spjallsíðu Eurovision-nörda. Þar eru nánast allir sammála um að Ísland hafi gert stór mistök með því að kjósa ekki lag Svölu Björgvins sem Haffi söng, The Wiggle Wiggle Song, áfram í úrslitaþáttinn. „Þetta hljóta að vera mistök. Haffi Haff var bestur,“ skrifar „Plople“ og „Enginn Haffi? Er ykkur alvara? Þarna fór uppáhaldið mitt,“ skrifar „Jonngait“. „Já, er fólk að skrifa þetta?“ spyr Haffi, nokkuð uppveðraður. „Ég var nú alveg búinn að búa mig undir að detta út enda var ég viss um að Ho ho ho færi áfram og ég vissi líka að Ragnheiður Gröndal er vinsæl. Svo það er langt frá því að ég sé bitur og sár. Það hefði auðvitað verið gaman að fara áfram því ég hefði getað gert enn geðveikara atriði næst.“ Haffi, sem hafði aldrei sungið opinberlega fyrr, getur ekki verið annað en ánægður með viðtökurnar þótt hann hafi dottið út. „Þetta er rosaleg kynning fyrir mig og ég er stoltur af laginu og atriðinu. Kannski var þetta bara allt of mikið fyrir Ísland núna – alltof mikið „búmm!“ En ég er mjög upp með mér með viðtökurnar.“ Förðun er aðalstarf Haffa. Hann sér til dæmis um meikið í Bandinu hans Bubba. „Ég fékkst við listsköpun á yngri árum og væri mjög til í að pæla betur í því. Til dæmis að mála olíumyndir.“ Og Haffi er vitanlega til í meiri músik. „You better believe it,“ segir hann. „Ef einhver vill gera eitthvað sniðugt þá er bara að hafa samband. En ég nenni engu smádæmi. Það er annaðhvort heimsyfirráð eða dauði. Ég er bara þannig gaur.“ Þótt Euro-nördar gráti Haffa kemur maður í manns stað. Almenn ánægja virðist ríkja með Eurobandið, en hún er reyndar ekki einróma, og öll önnur lög fá líka jákvæða umsögn nördanna. Það virðist þó enn von fyrir Ísland þótt Haffi sé úr leik. En með hverjum skyldi Haffi halda? „Ég fíla Friðrik Ómar vin minn og finnst alveg kominn tími til að hann fari í Eurovision. Hann er í þessu alveg hundrað prósent, af öllu hjarta. Alveg eins og ég var. Ég sagði honum stundum hversu rosalega stoltur ég væri af því að taka þátt í sömu keppni og hann. Og hann sagði bara: „Æi, þegiðu maður!““ gunnarh@frettabladid.is Eurovision Mest lesið „Svo góð tilfinning að endurheimta sjálfa sig“ Tónlist Fékk að heyra að konur ættu ekki heima á sjó Lífið Kosningavökur frambjóðenda: Hvar verða mestu fagnaðarlætin? Lífið Segir brjóst myndast við mikla bjórdrykkju Lífið „Tilfinningaþrungið að fá að fylgja myndinni í flík sem þessari“ Tíska og hönnun Fréttatía vikunnar: Kosningar, eldgos og meistarar Lífið The Lazarus Project: Varúð, veldur svefnleysi Gagnrýni Bannaði Snorra að kjósa Arnar Þór Lífið Frambjóðendum gekk misvel í hraðaspurningum Lífið Erna Ómars er borgarlistamaður Reykjavíkur Menning Fleiri fréttir „Svo góð tilfinning að endurheimta sjálfa sig“ „Aldrei verið jafn stolt af mér“ Páll Óskar og Skrattar í fyrsta sinn á sama sviði „BOY BYE“ við þá röngu en „BOY HÆ“ við þann rétta Bauð pabba að syngja með sér um íslensku sumargaslýsinguna Bashar Murad kemur fram á endalokum LungA „Við ætlum bókstaflega að rífa þakið af húsinu“ Rífandi stemning og valdefldar tónlistarkonur Tónleikum Nicki Minaj aflýst vegna fíkniefnahandtöku Segir skásta staðinn í bænum í kirkjugarðinum Iceland Airwaves kynnir 22 ný bönd til leiks „Þægileg blanda af von og trega“ Kom fram sem stórstjarna „Drull sama hvað einhver apaköttur segir“ Laufey tók lagið hjá Jimmy Fallon „Svo hræðilega óyfirstíganlegt að ég þurfti að rífa plásturinn af“ „Þetta styrkti mig rosalega en þetta braut mig líka“ Gítarleikarinn Duane Eddy er látinn MANOWAR til Íslands í fyrsta sinn Sjá meira
Eurovision-nördar hafa látið í ljós óánægju sína með að Haffi Haff komst ekki áfram um síðustu helgi. „Hversu heimskir eru Íslendingar??? Það hefði verið séns að þeir ynnu Eurovision með Haffa Haff... þeir vilja augljóslega ekki vinna þessa keppni.“ Þetta skrifar „Omen2008“ á spjallsíðu Eurovision-nörda. Þar eru nánast allir sammála um að Ísland hafi gert stór mistök með því að kjósa ekki lag Svölu Björgvins sem Haffi söng, The Wiggle Wiggle Song, áfram í úrslitaþáttinn. „Þetta hljóta að vera mistök. Haffi Haff var bestur,“ skrifar „Plople“ og „Enginn Haffi? Er ykkur alvara? Þarna fór uppáhaldið mitt,“ skrifar „Jonngait“. „Já, er fólk að skrifa þetta?“ spyr Haffi, nokkuð uppveðraður. „Ég var nú alveg búinn að búa mig undir að detta út enda var ég viss um að Ho ho ho færi áfram og ég vissi líka að Ragnheiður Gröndal er vinsæl. Svo það er langt frá því að ég sé bitur og sár. Það hefði auðvitað verið gaman að fara áfram því ég hefði getað gert enn geðveikara atriði næst.“ Haffi, sem hafði aldrei sungið opinberlega fyrr, getur ekki verið annað en ánægður með viðtökurnar þótt hann hafi dottið út. „Þetta er rosaleg kynning fyrir mig og ég er stoltur af laginu og atriðinu. Kannski var þetta bara allt of mikið fyrir Ísland núna – alltof mikið „búmm!“ En ég er mjög upp með mér með viðtökurnar.“ Förðun er aðalstarf Haffa. Hann sér til dæmis um meikið í Bandinu hans Bubba. „Ég fékkst við listsköpun á yngri árum og væri mjög til í að pæla betur í því. Til dæmis að mála olíumyndir.“ Og Haffi er vitanlega til í meiri músik. „You better believe it,“ segir hann. „Ef einhver vill gera eitthvað sniðugt þá er bara að hafa samband. En ég nenni engu smádæmi. Það er annaðhvort heimsyfirráð eða dauði. Ég er bara þannig gaur.“ Þótt Euro-nördar gráti Haffa kemur maður í manns stað. Almenn ánægja virðist ríkja með Eurobandið, en hún er reyndar ekki einróma, og öll önnur lög fá líka jákvæða umsögn nördanna. Það virðist þó enn von fyrir Ísland þótt Haffi sé úr leik. En með hverjum skyldi Haffi halda? „Ég fíla Friðrik Ómar vin minn og finnst alveg kominn tími til að hann fari í Eurovision. Hann er í þessu alveg hundrað prósent, af öllu hjarta. Alveg eins og ég var. Ég sagði honum stundum hversu rosalega stoltur ég væri af því að taka þátt í sömu keppni og hann. Og hann sagði bara: „Æi, þegiðu maður!““ gunnarh@frettabladid.is
Eurovision Mest lesið „Svo góð tilfinning að endurheimta sjálfa sig“ Tónlist Fékk að heyra að konur ættu ekki heima á sjó Lífið Kosningavökur frambjóðenda: Hvar verða mestu fagnaðarlætin? Lífið Segir brjóst myndast við mikla bjórdrykkju Lífið „Tilfinningaþrungið að fá að fylgja myndinni í flík sem þessari“ Tíska og hönnun Fréttatía vikunnar: Kosningar, eldgos og meistarar Lífið The Lazarus Project: Varúð, veldur svefnleysi Gagnrýni Bannaði Snorra að kjósa Arnar Þór Lífið Frambjóðendum gekk misvel í hraðaspurningum Lífið Erna Ómars er borgarlistamaður Reykjavíkur Menning Fleiri fréttir „Svo góð tilfinning að endurheimta sjálfa sig“ „Aldrei verið jafn stolt af mér“ Páll Óskar og Skrattar í fyrsta sinn á sama sviði „BOY BYE“ við þá röngu en „BOY HÆ“ við þann rétta Bauð pabba að syngja með sér um íslensku sumargaslýsinguna Bashar Murad kemur fram á endalokum LungA „Við ætlum bókstaflega að rífa þakið af húsinu“ Rífandi stemning og valdefldar tónlistarkonur Tónleikum Nicki Minaj aflýst vegna fíkniefnahandtöku Segir skásta staðinn í bænum í kirkjugarðinum Iceland Airwaves kynnir 22 ný bönd til leiks „Þægileg blanda af von og trega“ Kom fram sem stórstjarna „Drull sama hvað einhver apaköttur segir“ Laufey tók lagið hjá Jimmy Fallon „Svo hræðilega óyfirstíganlegt að ég þurfti að rífa plásturinn af“ „Þetta styrkti mig rosalega en þetta braut mig líka“ Gítarleikarinn Duane Eddy er látinn MANOWAR til Íslands í fyrsta sinn Sjá meira