Svifflug fyrir alla 21. júní 2004 00:01 Á leiðinni austur frá höfuðborginni liggur vegurinn framhjá Sandskeiði þar sem oft má sjá hljóðlausar flugvélar á sveimi. Engan mótor er að finna í þessum vélum og því ekki talað um þær sem flugvélar heldur svifflugur. Fjölmargir stunda svifflug hér á landi þó svo ekki fari hátt um það en ef til vill er það sökum þess að hjóðlausar svifflugurnar draga ekki að sér mikla athygli er þær svífa um loftin. Svifflugfélag Íslands er með aðsetur sitt við Sandskeið og eftir tvö ár verður það sjötíu ára og er það elsta svifflugfélag Evrópu. "Allir eru velkomnir hingað til okkar á Sandskeið í prufu flug og tökum við á móti fólki öll kvöld þegar vel viðrar. Óþarfi er fyrir fólk að gera boð á undan sér," segir Kristján Sveinbjörnsson formaður Svifflugfélagsins og tvöfaldur Íslandsmeistari í svifflugi. "Það geta allir lært að fljúga svifflugu en lágmarksaldur er 15 ár til að fljúga einn án kennara en hægt að byrja námið aðeins 14 ára," segir Kristján sem kennir svifflug hjá félaginu við Sandskeið. "Margir hefja flugnám sitt á svifflugi og hefur það marga kosti í för með sér auk þess sem hægt er að hefja það á unga aldri. "Svifflug virkar þannig að svifflugan er toguð upp af spili eða flugvél í allt að 600 metra hæð. Best er þegar vindurinn blæs á fjöllin því þá er hægt að nota uppstreymið til að klifra og engin takmörk fyrir því hversu lengi er hægt að haldast á lofti. Hún þarf ekki á uppstreymi að halda til að svífa en ef það er algert logn er ekki hægt að halda henni lengi á lofti og þá svífur hún fljótlega aftur til jarðar," segir Kristján, en svifflug segir hann vera íþrótt sem fólk þurfi ekki að óttast og auðvelt sé fyrir hvern sem er að ná tökum á því. Þótt svifflug sé tímafrek íþrótt þá segir Kristján þetta vera það skemmtilegasta sem hægt er að gera við tíma sinn og félagar hans í svifflugfélaginu taka undir þau orð allir sem einn auk þess sem þeir segja þetta mjög gott fyrir heilsuna því það losar um streitu. Flugmaðurinn sem er aleinn í loftinu og kyrrðinni lætur allt stress og áhyggjur líða úr sér í frelsinu sem fylgir því að svífa og þegar hann kemur aftur niður á jörðina svífur hann áfram innra með sér. Heilsa Mest lesið Ofboðslega stolt af dóttur sinni Lífið Klæddu sig upp sem frambjóðendur Lífið Myndaveisla: Rosaleg stemming í kosningavökunum Lífið Bannaði Snorra að kjósa Arnar Þór Lífið Tvöföld veisla hjá Gnarr feðgum Lífið „Svo góð tilfinning að endurheimta sjálfa sig“ Tónlist Fékk að heyra að konur ættu ekki heima á sjó Lífið „Nú er þessi sprettur á enda“ Lífið Krakkatían: Forsetaefni, Disney og tónlist Lífið Herra Hnetusmjör og Sara selja íbúðina Lífið Fleiri fréttir Erna Ómars er borgarlistamaður Reykjavíkur „Svolítið eins og að standa nakinn inni í vita“ Líf og fjör á Grímunni Ást Fedru og Saknaðarilmur fengu fern Grímuverðlaun hver Margrét Helga hlýtur heiðursverðlaun Grímunnar „Leikmyndin er auðvitað algjört rusl“ Gríman 2024: Saknaðarilmur hlaut flestar tilnefningar Barbara Hannigan stjórnar Sinfóníuhljómsveitinni Bergur Þór nýr leikhússtjóri Leikfélags Akureyrar Nóbelsverðlaunahafinn Alice Munro er látin Fjögurra ára rússíbanareið að baki Sjá meira
Á leiðinni austur frá höfuðborginni liggur vegurinn framhjá Sandskeiði þar sem oft má sjá hljóðlausar flugvélar á sveimi. Engan mótor er að finna í þessum vélum og því ekki talað um þær sem flugvélar heldur svifflugur. Fjölmargir stunda svifflug hér á landi þó svo ekki fari hátt um það en ef til vill er það sökum þess að hjóðlausar svifflugurnar draga ekki að sér mikla athygli er þær svífa um loftin. Svifflugfélag Íslands er með aðsetur sitt við Sandskeið og eftir tvö ár verður það sjötíu ára og er það elsta svifflugfélag Evrópu. "Allir eru velkomnir hingað til okkar á Sandskeið í prufu flug og tökum við á móti fólki öll kvöld þegar vel viðrar. Óþarfi er fyrir fólk að gera boð á undan sér," segir Kristján Sveinbjörnsson formaður Svifflugfélagsins og tvöfaldur Íslandsmeistari í svifflugi. "Það geta allir lært að fljúga svifflugu en lágmarksaldur er 15 ár til að fljúga einn án kennara en hægt að byrja námið aðeins 14 ára," segir Kristján sem kennir svifflug hjá félaginu við Sandskeið. "Margir hefja flugnám sitt á svifflugi og hefur það marga kosti í för með sér auk þess sem hægt er að hefja það á unga aldri. "Svifflug virkar þannig að svifflugan er toguð upp af spili eða flugvél í allt að 600 metra hæð. Best er þegar vindurinn blæs á fjöllin því þá er hægt að nota uppstreymið til að klifra og engin takmörk fyrir því hversu lengi er hægt að haldast á lofti. Hún þarf ekki á uppstreymi að halda til að svífa en ef það er algert logn er ekki hægt að halda henni lengi á lofti og þá svífur hún fljótlega aftur til jarðar," segir Kristján, en svifflug segir hann vera íþrótt sem fólk þurfi ekki að óttast og auðvelt sé fyrir hvern sem er að ná tökum á því. Þótt svifflug sé tímafrek íþrótt þá segir Kristján þetta vera það skemmtilegasta sem hægt er að gera við tíma sinn og félagar hans í svifflugfélaginu taka undir þau orð allir sem einn auk þess sem þeir segja þetta mjög gott fyrir heilsuna því það losar um streitu. Flugmaðurinn sem er aleinn í loftinu og kyrrðinni lætur allt stress og áhyggjur líða úr sér í frelsinu sem fylgir því að svífa og þegar hann kemur aftur niður á jörðina svífur hann áfram innra með sér.
Heilsa Mest lesið Ofboðslega stolt af dóttur sinni Lífið Klæddu sig upp sem frambjóðendur Lífið Myndaveisla: Rosaleg stemming í kosningavökunum Lífið Bannaði Snorra að kjósa Arnar Þór Lífið Tvöföld veisla hjá Gnarr feðgum Lífið „Svo góð tilfinning að endurheimta sjálfa sig“ Tónlist Fékk að heyra að konur ættu ekki heima á sjó Lífið „Nú er þessi sprettur á enda“ Lífið Krakkatían: Forsetaefni, Disney og tónlist Lífið Herra Hnetusmjör og Sara selja íbúðina Lífið Fleiri fréttir Erna Ómars er borgarlistamaður Reykjavíkur „Svolítið eins og að standa nakinn inni í vita“ Líf og fjör á Grímunni Ást Fedru og Saknaðarilmur fengu fern Grímuverðlaun hver Margrét Helga hlýtur heiðursverðlaun Grímunnar „Leikmyndin er auðvitað algjört rusl“ Gríman 2024: Saknaðarilmur hlaut flestar tilnefningar Barbara Hannigan stjórnar Sinfóníuhljómsveitinni Bergur Þór nýr leikhússtjóri Leikfélags Akureyrar Nóbelsverðlaunahafinn Alice Munro er látin Fjögurra ára rússíbanareið að baki Sjá meira