Baldur býður sig fram Jón Þór Stefánsson skrifar 20. mars 2024 12:10 Baldur Þórhallsson tilkynnti um framboð sitt til embættis forseta Íslands í Bæjarbíói í dag. aðsend Baldur Þórhallsson, prófessor í stjórnmálafræði, hefur tilkynnt um framboð sitt til embættis forseta Íslands. Það gerði hann á opnum fundi í Bæjarbíói í Hafnarfirði rétt í þessu. „Við getum ekki lengur setið hjá og láta hvatningarorð sem vind um eyru þjóta. Við ætlum að svara kallinu hátt og skýrt, og taka slaginn,“ sagði Baldur í ræðu á fundinum. Það var eiginmaður hans Felix Bergsson sem kynnti hann á svið. „Þetta er mín sýn, okkar sýn. Við höfum hlustað. Og svarið er já. Ég hef ákveðið að gefa kost á mér til embættis forseta Íslands þann 1. júní næstkomandi,“ sagði Baldur. Fundurinn hófst á erindi fjölmiðlamannsins Felix Bergssonar, eiginmanns Baldurs.Vísir/Margrét „Ef þið trúið því að sveitastrákurinn frá Hellu, og bóndi hans, eigi erindi á Bessastaði, þá biðjum við um ykkar stuðning. Ef þið trúið því að forseti Íslands sé talsmaður þjóðarinnar, og að það sé ennþá svo miklu meira sem sameinar okkur en sundrar, þá biðjum við um ykkar stuðning.“ Baldur sagði að hann myndi sem forseti nýta dagskrárvaldið til fulls og forgangsraða mannréttindamálum og málefnum þeirra sem standa höllum fæti í samfélaginu og málefnum barna og ungmenna. Hann sagðist ætla að vera forseti allra. „Ef þið trúið því að lítið og öflugt ríki eins og okkar geti tryggt hagsmuni sína og haft áhrif á alþjóðasamfélagið, þá biðjum við um ykkar stuðning Auðmjúkir og til þjónustu reiðubúnir. Ef þið deilið þessari sýn með okkur, þá getum við látið þessa drauma verða að veruleika. Vinnum saman.“ Baldur Þórhallsson og Felix BergssonAðsend Í ræðu sinni fjallaði Baldur um hlutverk forseta og minntist á málskotsrétt hans. „Ef Alþingi fer af einhverjum orsökum fram úr sér og brýtur gegn samfélagssáttmálanum og þeim leikreglum sem við höfum haft í heiðri, þá verður forseti að vera tilbúinn að grípa inn og vísa málum beint til þjóðarinnar.“ Í þessu samhengi minntist Baldur á mál sem myndu takmarka tjáningarfrelsi, réttindi kvenna eða hinsegin fólks. „Þetta hljómar kannski, sem betur fer, eins og fjarstæðukenndar kringumstæður hérna á Íslandi. En einmitt þetta höfum við því miður séð í auknum mæli gerast í löndum í okkar heimshluta,“ sagði Baldur. „Við megum því aldrei sofna á verðinum,“ bætti hann við. Jafnframt talaði hann um að forseti Íslands ætti að tala fyrir friði og friðsamlegum lausnum deilumála. Baldur hefur sem fræðimaður fjallað mikið um stöðu smáþjóða, og hann ræddi þær í ræðu sinni. „Við smíðum kannski ekki ísbrjóta eins og stórþjóðirnar sem kljúfa ísbreiðurnar fyrir norðan okkur, en ef við höfum vilja, kjark og þor til að láta í okkur heyra, og ef við vinnum heimavinnuna okkar vel og vandlega, þá getum við verið ísbrjótur í þeim málaflokkum sem við kjósum að leggja áherslu á.“ Framboð Baldurs hefur legið í loftinu undanfarnar vikur. Facebook-hópur þar sem Baldur og Felix voru hvattir til að fara fram var settur á laggirnar í upphafi mánaðar. Meðlimir hópsins eru sem sakir standa rúmlega átján þúsund. Stofnandi hópsins er náinn vinur hjónanna Gunnar Helgason, en hann er meðlimur tvíeykisins Gunna og Felix. Síðustu vikur hefur hann verið duglegur að hvetja Baldur til að bjóða sig fram. „Ég ætla að blanda mér í baráttuna um Bessastaði. Nei. ég ætla ekki að bjóða mig fram. En ég er með áskorun. Áskorun til Baldurs og Felix. Ég vil fá Baldur Þórhallsson sem næsta forseta Íslands,“ skrifaði Gunnar í umræddan Facebook-hóp þann fjórða mars síðastliðinn. Baldur sem og Felix, höfðu þangað til í dag ekki viljað segja til um hvort þeir stefndu á Bessastaði. Heldur sögðust þeir vera að leggja við hlustir. „Ég hef verið mjög feiminn gagnvart þessu. Ég var það líka fyrir átta árum og vísaði því strax frá mér þá. Ég er náttúrulega bara sveitastrákur og hafði ekki séð mig í þessu hlutverki. Við Felix höfum jú verið að berjast fyrir grundvallarmannréttindum okkar og það er ekki nema nýtilkomið að einhver gæti ímyndað sér að samkynhneigt par gæti sest að á Bessastöðum,“ sagði Baldur í samtali við fréttastofu daginn eftir að Gunnar birti færslu sína. Fréttin hefur verið uppfærð. Forseti Íslands Forsetakosningar 2024 Háskólar Tengdar fréttir Gunni hvetur Baldur og Felix fram Gunnar Helgason skorar á stjórnmálafræðinginn Baldur Þórhallsson að bjóða sig fram til forseta. Þetta kemur fram í færslu á Facebook-hópi sem ber heitið Baldur og Felix – alla leið. Þegar þessi frétt er skrifuð eru rúmlega sjö hundruð meðlimir í hópnum. 4. mars 2024 23:28 Munu leggja enn betur við hlustir „Ég held að þetta verði að leiða til þess að við leggjum enn betur við hlustir.“ Þetta segir Baldur Þórhallsson stjórnmálafræðiprófessor eftir fund hóps fólks sem kom saman í gærkvöldi til að hvetja Baldur til að bjóða sig fram til forseta í komandi kosningum. 5. mars 2024 10:42 Baldur kannaði hug Akurnesinga varðandi forsetann Baldur Þórhallsson prófessor í stjórnmálafræði sem íhugar alvarlega framboð til forseta Íslands segist þurfa að taka stóra ákvörðun fljótlega. Hann kannaði hug Akurnesinga til framboðs á Skipaskaga í gærkvöldi. 11. mars 2024 10:16 Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Forsetavaktin: Sjöundi forseti lýðveldisins verður kjörinn Innlent Jón Gnarr mjög bjartsýnn: „Fyrsti krúnurakaði rauðhærði forsetinn“ Innlent Tívolíbomba hefði getað skapað stórhættu Innlent „Unga fólkið er klárlega að velja okkar framboð“ Innlent „Við höfum ekki séð þetta á Íslandi áður“ Innlent Ólík sýn á hvort Ísland eigi að styðja vörn Úkraínumanna Innlent „Ég held að þetta verði mjög spennandi“ Innlent Fékk „gríðarlega góð“ viðbrögð eftir kappræðurnar Innlent „Væta í minni sveit boðaði heldur betur grósku“ Innlent Skítkast í „skrýtinni og óvæginni“ kosningabaráttu Innlent Fleiri fréttir Ráðinn slökkviliðsstjóri á Suðurnesjum Skipuð í embætti fiskistofustjóra Kjörsókn utankjörfundar minni en 2020 Sársvekktur að hafa ekki getað kosið í Mývatnssveit Allt um æsispennandi forsetakosningar og leik ársins í fótboltanum Skili embættinu þannig að nýr forseti og þjóðin geti vel við unað Kosningarnar þær mest spennandi síðan 1980 Veðurspá slæm fyrir vikuna og bændur hvattir til að huga að búfénaði Slasaðist á buggy-bíl í Básum í Goðalandi Bláa lónið opnar aftur á morgun Sjómannadagsfjör á Skagaströnd Margir góðir frambjóðendur í boði Jón Gnarr mjög bjartsýnn: „Fyrsti krúnurakaði rauðhærði forsetinn“ „Held ég fari bara að sofa upp úr miðnætti“ Rolluhótel sárabót fyrir að missa gistiheimilið „Væta í minni sveit boðaði heldur betur grósku“ „Unga fólkið er klárlega að velja okkar framboð“ Kjörsókn víða ívið betri en í síðustu kosningum Fékk „gríðarlega góð“ viðbrögð eftir kappræðurnar Fólk kasti atkvæði sínu á stríðsbálið „Ég held að þetta verði mjög spennandi“ Forsetavaktin: Sjöundi forseti lýðveldisins verður kjörinn Tívolíbomba hefði getað skapað stórhættu Ólík sýn á hvort Ísland eigi að styðja vörn Úkraínumanna „Við útrýmum ekki ofbeldi með hatri“ Skítkast í „skrýtinni og óvæginni“ kosningabaráttu „Við höfum ekki séð þetta á Íslandi áður“ Mótmælin í dag þau hörðustu í mörg ár Sækja veikan jeppamann á Langjökli VÍS þarf að bæta hluta jarðýtu í mannskæðu vinnuslysi Sjá meira
„Við getum ekki lengur setið hjá og láta hvatningarorð sem vind um eyru þjóta. Við ætlum að svara kallinu hátt og skýrt, og taka slaginn,“ sagði Baldur í ræðu á fundinum. Það var eiginmaður hans Felix Bergsson sem kynnti hann á svið. „Þetta er mín sýn, okkar sýn. Við höfum hlustað. Og svarið er já. Ég hef ákveðið að gefa kost á mér til embættis forseta Íslands þann 1. júní næstkomandi,“ sagði Baldur. Fundurinn hófst á erindi fjölmiðlamannsins Felix Bergssonar, eiginmanns Baldurs.Vísir/Margrét „Ef þið trúið því að sveitastrákurinn frá Hellu, og bóndi hans, eigi erindi á Bessastaði, þá biðjum við um ykkar stuðning. Ef þið trúið því að forseti Íslands sé talsmaður þjóðarinnar, og að það sé ennþá svo miklu meira sem sameinar okkur en sundrar, þá biðjum við um ykkar stuðning.“ Baldur sagði að hann myndi sem forseti nýta dagskrárvaldið til fulls og forgangsraða mannréttindamálum og málefnum þeirra sem standa höllum fæti í samfélaginu og málefnum barna og ungmenna. Hann sagðist ætla að vera forseti allra. „Ef þið trúið því að lítið og öflugt ríki eins og okkar geti tryggt hagsmuni sína og haft áhrif á alþjóðasamfélagið, þá biðjum við um ykkar stuðning Auðmjúkir og til þjónustu reiðubúnir. Ef þið deilið þessari sýn með okkur, þá getum við látið þessa drauma verða að veruleika. Vinnum saman.“ Baldur Þórhallsson og Felix BergssonAðsend Í ræðu sinni fjallaði Baldur um hlutverk forseta og minntist á málskotsrétt hans. „Ef Alþingi fer af einhverjum orsökum fram úr sér og brýtur gegn samfélagssáttmálanum og þeim leikreglum sem við höfum haft í heiðri, þá verður forseti að vera tilbúinn að grípa inn og vísa málum beint til þjóðarinnar.“ Í þessu samhengi minntist Baldur á mál sem myndu takmarka tjáningarfrelsi, réttindi kvenna eða hinsegin fólks. „Þetta hljómar kannski, sem betur fer, eins og fjarstæðukenndar kringumstæður hérna á Íslandi. En einmitt þetta höfum við því miður séð í auknum mæli gerast í löndum í okkar heimshluta,“ sagði Baldur. „Við megum því aldrei sofna á verðinum,“ bætti hann við. Jafnframt talaði hann um að forseti Íslands ætti að tala fyrir friði og friðsamlegum lausnum deilumála. Baldur hefur sem fræðimaður fjallað mikið um stöðu smáþjóða, og hann ræddi þær í ræðu sinni. „Við smíðum kannski ekki ísbrjóta eins og stórþjóðirnar sem kljúfa ísbreiðurnar fyrir norðan okkur, en ef við höfum vilja, kjark og þor til að láta í okkur heyra, og ef við vinnum heimavinnuna okkar vel og vandlega, þá getum við verið ísbrjótur í þeim málaflokkum sem við kjósum að leggja áherslu á.“ Framboð Baldurs hefur legið í loftinu undanfarnar vikur. Facebook-hópur þar sem Baldur og Felix voru hvattir til að fara fram var settur á laggirnar í upphafi mánaðar. Meðlimir hópsins eru sem sakir standa rúmlega átján þúsund. Stofnandi hópsins er náinn vinur hjónanna Gunnar Helgason, en hann er meðlimur tvíeykisins Gunna og Felix. Síðustu vikur hefur hann verið duglegur að hvetja Baldur til að bjóða sig fram. „Ég ætla að blanda mér í baráttuna um Bessastaði. Nei. ég ætla ekki að bjóða mig fram. En ég er með áskorun. Áskorun til Baldurs og Felix. Ég vil fá Baldur Þórhallsson sem næsta forseta Íslands,“ skrifaði Gunnar í umræddan Facebook-hóp þann fjórða mars síðastliðinn. Baldur sem og Felix, höfðu þangað til í dag ekki viljað segja til um hvort þeir stefndu á Bessastaði. Heldur sögðust þeir vera að leggja við hlustir. „Ég hef verið mjög feiminn gagnvart þessu. Ég var það líka fyrir átta árum og vísaði því strax frá mér þá. Ég er náttúrulega bara sveitastrákur og hafði ekki séð mig í þessu hlutverki. Við Felix höfum jú verið að berjast fyrir grundvallarmannréttindum okkar og það er ekki nema nýtilkomið að einhver gæti ímyndað sér að samkynhneigt par gæti sest að á Bessastöðum,“ sagði Baldur í samtali við fréttastofu daginn eftir að Gunnar birti færslu sína. Fréttin hefur verið uppfærð.
Forseti Íslands Forsetakosningar 2024 Háskólar Tengdar fréttir Gunni hvetur Baldur og Felix fram Gunnar Helgason skorar á stjórnmálafræðinginn Baldur Þórhallsson að bjóða sig fram til forseta. Þetta kemur fram í færslu á Facebook-hópi sem ber heitið Baldur og Felix – alla leið. Þegar þessi frétt er skrifuð eru rúmlega sjö hundruð meðlimir í hópnum. 4. mars 2024 23:28 Munu leggja enn betur við hlustir „Ég held að þetta verði að leiða til þess að við leggjum enn betur við hlustir.“ Þetta segir Baldur Þórhallsson stjórnmálafræðiprófessor eftir fund hóps fólks sem kom saman í gærkvöldi til að hvetja Baldur til að bjóða sig fram til forseta í komandi kosningum. 5. mars 2024 10:42 Baldur kannaði hug Akurnesinga varðandi forsetann Baldur Þórhallsson prófessor í stjórnmálafræði sem íhugar alvarlega framboð til forseta Íslands segist þurfa að taka stóra ákvörðun fljótlega. Hann kannaði hug Akurnesinga til framboðs á Skipaskaga í gærkvöldi. 11. mars 2024 10:16 Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Forsetavaktin: Sjöundi forseti lýðveldisins verður kjörinn Innlent Jón Gnarr mjög bjartsýnn: „Fyrsti krúnurakaði rauðhærði forsetinn“ Innlent Tívolíbomba hefði getað skapað stórhættu Innlent „Unga fólkið er klárlega að velja okkar framboð“ Innlent „Við höfum ekki séð þetta á Íslandi áður“ Innlent Ólík sýn á hvort Ísland eigi að styðja vörn Úkraínumanna Innlent „Ég held að þetta verði mjög spennandi“ Innlent Fékk „gríðarlega góð“ viðbrögð eftir kappræðurnar Innlent „Væta í minni sveit boðaði heldur betur grósku“ Innlent Skítkast í „skrýtinni og óvæginni“ kosningabaráttu Innlent Fleiri fréttir Ráðinn slökkviliðsstjóri á Suðurnesjum Skipuð í embætti fiskistofustjóra Kjörsókn utankjörfundar minni en 2020 Sársvekktur að hafa ekki getað kosið í Mývatnssveit Allt um æsispennandi forsetakosningar og leik ársins í fótboltanum Skili embættinu þannig að nýr forseti og þjóðin geti vel við unað Kosningarnar þær mest spennandi síðan 1980 Veðurspá slæm fyrir vikuna og bændur hvattir til að huga að búfénaði Slasaðist á buggy-bíl í Básum í Goðalandi Bláa lónið opnar aftur á morgun Sjómannadagsfjör á Skagaströnd Margir góðir frambjóðendur í boði Jón Gnarr mjög bjartsýnn: „Fyrsti krúnurakaði rauðhærði forsetinn“ „Held ég fari bara að sofa upp úr miðnætti“ Rolluhótel sárabót fyrir að missa gistiheimilið „Væta í minni sveit boðaði heldur betur grósku“ „Unga fólkið er klárlega að velja okkar framboð“ Kjörsókn víða ívið betri en í síðustu kosningum Fékk „gríðarlega góð“ viðbrögð eftir kappræðurnar Fólk kasti atkvæði sínu á stríðsbálið „Ég held að þetta verði mjög spennandi“ Forsetavaktin: Sjöundi forseti lýðveldisins verður kjörinn Tívolíbomba hefði getað skapað stórhættu Ólík sýn á hvort Ísland eigi að styðja vörn Úkraínumanna „Við útrýmum ekki ofbeldi með hatri“ Skítkast í „skrýtinni og óvæginni“ kosningabaráttu „Við höfum ekki séð þetta á Íslandi áður“ Mótmælin í dag þau hörðustu í mörg ár Sækja veikan jeppamann á Langjökli VÍS þarf að bæta hluta jarðýtu í mannskæðu vinnuslysi Sjá meira
Gunni hvetur Baldur og Felix fram Gunnar Helgason skorar á stjórnmálafræðinginn Baldur Þórhallsson að bjóða sig fram til forseta. Þetta kemur fram í færslu á Facebook-hópi sem ber heitið Baldur og Felix – alla leið. Þegar þessi frétt er skrifuð eru rúmlega sjö hundruð meðlimir í hópnum. 4. mars 2024 23:28
Munu leggja enn betur við hlustir „Ég held að þetta verði að leiða til þess að við leggjum enn betur við hlustir.“ Þetta segir Baldur Þórhallsson stjórnmálafræðiprófessor eftir fund hóps fólks sem kom saman í gærkvöldi til að hvetja Baldur til að bjóða sig fram til forseta í komandi kosningum. 5. mars 2024 10:42
Baldur kannaði hug Akurnesinga varðandi forsetann Baldur Þórhallsson prófessor í stjórnmálafræði sem íhugar alvarlega framboð til forseta Íslands segist þurfa að taka stóra ákvörðun fljótlega. Hann kannaði hug Akurnesinga til framboðs á Skipaskaga í gærkvöldi. 11. mars 2024 10:16