„Já, við erum að fara á Super Bowl – bróðir minn er að fara að spila“ Eiríkur Stefán Ásgeirsson skrifar 11. febrúar 2022 12:01 Teresa og Judah i flugvélinni á leiðinni á Super Bowl þar sem Johnny Hekker, bróðir Judah, er að fara að spila. Samsett/E.Stefán og Getty Eins og gefur að skilja þá ríkir mikil spenna fyrir Super Bowl, úrslitaleik NFL-deildarinnar, sem fer fram í Los Angeles á sunnudag. Á flugvellinum í Seattle mátti sjá þó nokkuð af áhugafólki um NFL, klætt fatnaði merktu sínu liði. Super Bowl vikan er í augum margra í Bandaríkjunum hápunktur íþróttaársins hér vestanhafs, jafnvel þótt þeirra lið hafi helst úr lestinni á leiðinni. Það kom mér því ekkert sérstaklega á óvart að sjá að mér hafði verið úthlutað sæti í flugvélinni frá Seattle til Los Angeles við hliðina á pari sem var skilmerkilega merkt Los Angeles Rams – öðru liðanna sem keppir til úrslita í ár. Rams mætir Cincinnati Bengals í leiknum á sunnudag. View this post on Instagram A post shared by NFL (@nfl) Reyndi að fela hversu hissa ég var „Góðan daginn,“ sagði konan og brosti fyrir aftan grímuna. Ég heilsaði á móti og spurði hvort þau væru nokkuð á leiðinni á leikinn. Ég átti satt best að segja ekki von á því enda ekki á allra færi að verða sér út um miða á þennan risavaxna viðburð. „Jú, við erum að fara. En þú?“ Ég reyndi að fela hversu hissa ég var að fá þetta svar og svaraði spurningunni játandi. Ég sagði þeim að ég væri fjölmiðlamaður frá Íslandi og færi á leikinn í þeim tilgangi að fjalla um leikinn. Ég laumaði þó að þeim að ég væri líka stuðningsmaður Cincinnati Bengals. „Oh. En allt í góðu,“ sagði hún og brosti. „Við höldum með hinu liðinu. Ég heiti Teresa og þetta er Judah.“ En var ekki erfitt að fá miða á leikinn, spyr ég. „Bróðir minn er að fara að spila í leiknum,“ sagði Judah þá. „Við erum að fara allir bræðurnir og foreldrar okkar.“ Þetta voru upplýsingar sem ég reiknaði ekki með að fá í fangið. Hver er bróðir þinn, spurði ég og reyndi að sýna sömu stillingu og hann gerði. „Hann er sparkarinn (e. punter) í Rams,“ sagði hann. „Johnny Hekker heitir hann.“ Einn sá besti í sinni stöðu Johnny Hekker er einn besti leikmaður deilarinnar í sinni stöðu. Hann hefur fjórum sinnum verið valinn í úrvalslið deildarinnar og er að fara í Super Bowl í annað sinn á ferlinum. Hekker hefur átt magnaðan feril og er á sínu tíunda ári í deildinni – öll sem leikmaður Rams. Hann á nokkur met, þar á meðal lengsta spark í sögu Super Bowl. Það afrekaði hann fyrir þremur árum, er Rams tapaði fyrir New England Patriots. Þeir eru alls fimm bræðurnir í fjölskyldunni. Johnny er yngstur en „hann er stærstur af þeim öllum,“ bendir Teresa á. Judah er í miðjunni og spilaði sjálfur fótbolta (þennan evrópska sem við þekkjum öllu betur) á sínum yngri áður, bæði í háskóla og sem hálfatvinnumaður heima í Seattle. Judah sagði að hann hefði verið fínasti sparkari og hefði örugglega náð langt ef hann hefði helgað sig íþróttinni. En hann valdi fótboltann og nýtur þess nú að horfa á litla bróður spila. Ekki síst þar sem að hann er nú á leiðinni í Super Bowl öðru sinni á síðastliðnum fjórum tímabilum. View this post on Instagram A post shared by Johnny Hekker (@jhekk) Ekkert leyndarmál að þeir eru ekki stærstu stjörnurnar Það er ekkert leyndarmál að sparkarar eru ekki stærstu stjörnurnar í deildinni. En Hekker er stjarna meðal sparkaranna. Hann hefur ósjaldan verið notaður sem vopn í blekkingarkerfum. Í stað þess að sparka boltanum til hins liðsins, sem er hlutverk „pöntarans“, kemur hann andstæðingnum á óvörum með því að kasta boltanum á samherja, ná endurnýjun og koma sókninni aftur inn í leikinn. Hann á meira að segja snertimarkssendingu á ferilsskránni. Það var sannarlega óvænt en afar skemmtileg ánægja að kynnast þeim Teresu og Judah. Ég óskaði þeirra manni að sjálfsögðu góðs gengis. „Vonandi fær hann að pönta í hverri einustu sókn Rams,“ bætti ég við og brosti. Super Bowl fer fram á sunnudagskvöld klukkan 23.30 og verður í beinni útsendingu á Stöð 2 Sport. Upphitun hefst klukkan 22.00 og verður fjallað um leikinn næstu daga á miðlum Sýnar. NFL Mest lesið Fann gamlan vin í leit sinni að nýju og breyttu lífi Körfubolti Bellingham talaði um sig í þriðju persónu eftir leik: Sjáðu sigurmarkið Fótbolti Annað ljótt brot á Caitlin Clark orðið að fjölmiðlafári Körfubolti Einn óvæntasti sigur EM staðreynd Fótbolti Eru að reyna að kaupa kærustuparið Enski boltinn Njarðvík yfirgefur Ljónagryfjuna og fær nýjan heimavöll afhentan í sumar Körfubolti Norðurlandamethafinn útskrifuð með BS gráðu í læknisfræði Sport Frábær mörk og óvæntur stórsigur Rúmena á Úkraínumönnum Fótbolti Mbappé með ákall til kjósenda í Frakklandi Fótbolti Neffati um Íslandsævintýrið: Grófur fótbolti í íslensku deildinni Íslenski boltinn Fleiri fréttir Verðlaunapottur upp á 60 milljónir dollara á heimsmeistaramóti í rafíþróttum Í tveggja leikja bann fyrir tæklinguna ljótu á Gündoğan Sverðfiskur í Boston og Andri Már fer á leik næturinnar Í beinni: Austurríki-Frakkland | Mbappé mætir til leiks Einn óvæntasti sigur EM staðreynd Annað ljótt brot á Caitlin Clark orðið að fjölmiðlafári Man City sagt ekki ætla að styrkja sig með nýjum leikmönnum Sjáðu mörkin þegar Rúmenar léku sér að Íslandsbönunum Missti af útskriftinni sinni af því að hún var of upptekin við að vinna leik Frábær mörk og óvæntur stórsigur Rúmena á Úkraínumönnum Mbappé með ákall til kjósenda í Frakklandi Sagður vilja losna frá Napoli en félagið segir nei Norðurlandamethafinn útskrifuð með BS gráðu í læknisfræði Kossaskandall Rubiales ekki fyrir rétt fyrr en í febrúar Neffati um Íslandsævintýrið: Grófur fótbolti í íslensku deildinni Sjáðu Öglu skora úr horni, sjálfsmark sem bjargaði stigi og markaveislu Vals UEFA gerir allt til þess að rússneski fáninn sjáist ekki í dag Anna Júlía Íslandsmeistari í holukeppni Eru að reyna að kaupa kærustuparið DeChambeau hljóp um og leyfði áhorfendum að snerta bikarinn Bellingham talaði um sig í þriðju persónu eftir leik: Sjáðu sigurmarkið Snorri Dagur og Einar Margeir unnu báðir sinn riðil á EM í morgun Fann gamlan vin í leit sinni að nýju og breyttu lífi Ten Hag: Ekkert leyndarmál að aðrir komu til greina en sá besti var nú þegar í starfinu Njarðvík yfirgefur Ljónagryfjuna og fær nýjan heimavöll afhentan í sumar Dagskráin í dag: Celtics geta orðið meistarar í kvöld Mcllroy missti sigur úr greipum sér og DeChambeau vann opna bandaríska Vonarstjarna Bayern München framlengir við félagið Barcelona tók titlafernu og fór taplaust í gegnum tímabilið Bellingham skoraði eina markið í sigri Englands gegn Serbíu Sjá meira
Á flugvellinum í Seattle mátti sjá þó nokkuð af áhugafólki um NFL, klætt fatnaði merktu sínu liði. Super Bowl vikan er í augum margra í Bandaríkjunum hápunktur íþróttaársins hér vestanhafs, jafnvel þótt þeirra lið hafi helst úr lestinni á leiðinni. Það kom mér því ekkert sérstaklega á óvart að sjá að mér hafði verið úthlutað sæti í flugvélinni frá Seattle til Los Angeles við hliðina á pari sem var skilmerkilega merkt Los Angeles Rams – öðru liðanna sem keppir til úrslita í ár. Rams mætir Cincinnati Bengals í leiknum á sunnudag. View this post on Instagram A post shared by NFL (@nfl) Reyndi að fela hversu hissa ég var „Góðan daginn,“ sagði konan og brosti fyrir aftan grímuna. Ég heilsaði á móti og spurði hvort þau væru nokkuð á leiðinni á leikinn. Ég átti satt best að segja ekki von á því enda ekki á allra færi að verða sér út um miða á þennan risavaxna viðburð. „Jú, við erum að fara. En þú?“ Ég reyndi að fela hversu hissa ég var að fá þetta svar og svaraði spurningunni játandi. Ég sagði þeim að ég væri fjölmiðlamaður frá Íslandi og færi á leikinn í þeim tilgangi að fjalla um leikinn. Ég laumaði þó að þeim að ég væri líka stuðningsmaður Cincinnati Bengals. „Oh. En allt í góðu,“ sagði hún og brosti. „Við höldum með hinu liðinu. Ég heiti Teresa og þetta er Judah.“ En var ekki erfitt að fá miða á leikinn, spyr ég. „Bróðir minn er að fara að spila í leiknum,“ sagði Judah þá. „Við erum að fara allir bræðurnir og foreldrar okkar.“ Þetta voru upplýsingar sem ég reiknaði ekki með að fá í fangið. Hver er bróðir þinn, spurði ég og reyndi að sýna sömu stillingu og hann gerði. „Hann er sparkarinn (e. punter) í Rams,“ sagði hann. „Johnny Hekker heitir hann.“ Einn sá besti í sinni stöðu Johnny Hekker er einn besti leikmaður deilarinnar í sinni stöðu. Hann hefur fjórum sinnum verið valinn í úrvalslið deildarinnar og er að fara í Super Bowl í annað sinn á ferlinum. Hekker hefur átt magnaðan feril og er á sínu tíunda ári í deildinni – öll sem leikmaður Rams. Hann á nokkur met, þar á meðal lengsta spark í sögu Super Bowl. Það afrekaði hann fyrir þremur árum, er Rams tapaði fyrir New England Patriots. Þeir eru alls fimm bræðurnir í fjölskyldunni. Johnny er yngstur en „hann er stærstur af þeim öllum,“ bendir Teresa á. Judah er í miðjunni og spilaði sjálfur fótbolta (þennan evrópska sem við þekkjum öllu betur) á sínum yngri áður, bæði í háskóla og sem hálfatvinnumaður heima í Seattle. Judah sagði að hann hefði verið fínasti sparkari og hefði örugglega náð langt ef hann hefði helgað sig íþróttinni. En hann valdi fótboltann og nýtur þess nú að horfa á litla bróður spila. Ekki síst þar sem að hann er nú á leiðinni í Super Bowl öðru sinni á síðastliðnum fjórum tímabilum. View this post on Instagram A post shared by Johnny Hekker (@jhekk) Ekkert leyndarmál að þeir eru ekki stærstu stjörnurnar Það er ekkert leyndarmál að sparkarar eru ekki stærstu stjörnurnar í deildinni. En Hekker er stjarna meðal sparkaranna. Hann hefur ósjaldan verið notaður sem vopn í blekkingarkerfum. Í stað þess að sparka boltanum til hins liðsins, sem er hlutverk „pöntarans“, kemur hann andstæðingnum á óvörum með því að kasta boltanum á samherja, ná endurnýjun og koma sókninni aftur inn í leikinn. Hann á meira að segja snertimarkssendingu á ferilsskránni. Það var sannarlega óvænt en afar skemmtileg ánægja að kynnast þeim Teresu og Judah. Ég óskaði þeirra manni að sjálfsögðu góðs gengis. „Vonandi fær hann að pönta í hverri einustu sókn Rams,“ bætti ég við og brosti. Super Bowl fer fram á sunnudagskvöld klukkan 23.30 og verður í beinni útsendingu á Stöð 2 Sport. Upphitun hefst klukkan 22.00 og verður fjallað um leikinn næstu daga á miðlum Sýnar.
NFL Mest lesið Fann gamlan vin í leit sinni að nýju og breyttu lífi Körfubolti Bellingham talaði um sig í þriðju persónu eftir leik: Sjáðu sigurmarkið Fótbolti Annað ljótt brot á Caitlin Clark orðið að fjölmiðlafári Körfubolti Einn óvæntasti sigur EM staðreynd Fótbolti Eru að reyna að kaupa kærustuparið Enski boltinn Njarðvík yfirgefur Ljónagryfjuna og fær nýjan heimavöll afhentan í sumar Körfubolti Norðurlandamethafinn útskrifuð með BS gráðu í læknisfræði Sport Frábær mörk og óvæntur stórsigur Rúmena á Úkraínumönnum Fótbolti Mbappé með ákall til kjósenda í Frakklandi Fótbolti Neffati um Íslandsævintýrið: Grófur fótbolti í íslensku deildinni Íslenski boltinn Fleiri fréttir Verðlaunapottur upp á 60 milljónir dollara á heimsmeistaramóti í rafíþróttum Í tveggja leikja bann fyrir tæklinguna ljótu á Gündoğan Sverðfiskur í Boston og Andri Már fer á leik næturinnar Í beinni: Austurríki-Frakkland | Mbappé mætir til leiks Einn óvæntasti sigur EM staðreynd Annað ljótt brot á Caitlin Clark orðið að fjölmiðlafári Man City sagt ekki ætla að styrkja sig með nýjum leikmönnum Sjáðu mörkin þegar Rúmenar léku sér að Íslandsbönunum Missti af útskriftinni sinni af því að hún var of upptekin við að vinna leik Frábær mörk og óvæntur stórsigur Rúmena á Úkraínumönnum Mbappé með ákall til kjósenda í Frakklandi Sagður vilja losna frá Napoli en félagið segir nei Norðurlandamethafinn útskrifuð með BS gráðu í læknisfræði Kossaskandall Rubiales ekki fyrir rétt fyrr en í febrúar Neffati um Íslandsævintýrið: Grófur fótbolti í íslensku deildinni Sjáðu Öglu skora úr horni, sjálfsmark sem bjargaði stigi og markaveislu Vals UEFA gerir allt til þess að rússneski fáninn sjáist ekki í dag Anna Júlía Íslandsmeistari í holukeppni Eru að reyna að kaupa kærustuparið DeChambeau hljóp um og leyfði áhorfendum að snerta bikarinn Bellingham talaði um sig í þriðju persónu eftir leik: Sjáðu sigurmarkið Snorri Dagur og Einar Margeir unnu báðir sinn riðil á EM í morgun Fann gamlan vin í leit sinni að nýju og breyttu lífi Ten Hag: Ekkert leyndarmál að aðrir komu til greina en sá besti var nú þegar í starfinu Njarðvík yfirgefur Ljónagryfjuna og fær nýjan heimavöll afhentan í sumar Dagskráin í dag: Celtics geta orðið meistarar í kvöld Mcllroy missti sigur úr greipum sér og DeChambeau vann opna bandaríska Vonarstjarna Bayern München framlengir við félagið Barcelona tók titlafernu og fór taplaust í gegnum tímabilið Bellingham skoraði eina markið í sigri Englands gegn Serbíu Sjá meira