Bera fullkomið og listrænt traust til hvor annarrar Dóra Júlía Agnarsdóttir skrifar 10. janúar 2024 14:00 Valgerður Rúnarsdóttir og Snædís Lilja Ingadóttir eru danshöfundar verksins Árstíðirnar. Aðsend „Ég held að ég hafi verið tveggja ára þegar ég mætti í fyrsta danstímann. Mamma var með dansskóla svo ég var með í öllum tímum sem hún kenndi,“ segir Snædís Lilja Ingadóttir. Hún er danshöfundur verksins Árstíðirnar ásamt Valgerði Rúnarsdóttur en Íslenski dansflokkurinn frumsýnir verkið næstkomandi laugardag og er tilhlökkunin í hópnum orðin mikil. Eilíf hringrás jarðar í kringum sólina Er um að ræða dansverk í fjórum hlutum, vor, sumar, haust og vetur. Höfundar verksins hafa orðið fyrir áhrifum frá tónverki Antonio Vivaldi, Árstíðunum, og þeim fjölmörgu ballettum sem hafa verið skapaðir við það. „Þannig hefur hin eilífa hringrás jarðar í kringum sólina, hring eftir hring, orðið að leiðarstefi verksins. Hin endurtekna kóreógrafía náttúrunnar sem jafnframt er síbreytileg og óútreiknanleg. Samband mannsins við náttúruna og sína eigin innri náttúru,“ segir í fréttatilkynningu. Verkið er unnið af stórum hópi sviðslistafólks en rúmlega tuttugu fjölbreyttir dansarar flytja verkið. Verkið er samstarfi við Íslenska dansflokkinn og Forward Youth Company. Þá taka tveir leikarar þátt í verkinu auk starfsnema frá dansdeild LHÍ. Aðrir listrænir stjórnendur eru Áskell Harðarson tónskáld, Rebekka A. Ingimundar leikmyndahönnuður og Tanja Huld Levý Guðmundsdóttir búningahönnuður. MurMur Productions aðstoðar við framleiðslu. Mynd af æfingu á verkinu Árstíðirnar. Axel Sigurðsson „Man ekki eftir mér öðruvísi en dansandi“ Danslistakonurnar og höfundar verksins Snædís og Valgerður hafa unnið saman um árabil en byrjuðu báðar kornungar að dansa. „Ég byrjaði í ballettskóla Eddu Scheving þegar ég var fjögurra að verða fimm ára og man ekki eftir mér öðruvísi en dansandi,“ segir Valgerður og tekur Snædís undir: „Sama hjá mér, ég held ég hafi verið tveggja ára þegar ég mætti í fyrsta danstímann. Mamma var með dansskóla svo ég var með í öllum tímum sem hún kenndi, líka í kvennaleikfimi.“ Þær segja báðar mjög gott að vinna saman og segjast bera fullkomið traust til hvor annarrar. „Það er frábært að hafa félaga í sköpunarferlinu, þannig getur maður stöðugt verið að henda hugmyndum á milli, þær stækka, koma manni á óvart og verða að einhverju miklu skemmtilegra en ef maður væri einn að brasa.“ Bindur vonir við að danshús rísi hér á landi Þær sammælast um að framkvæmdarhlutinn sé hvað mest krefjandi hluti sköpunarferlisins ásamt fjármögnun og því að fá svigrúm til þess að vinna og þróa sig í listinni. „Það er margt í umhverfi listamanna hér á landi sem mætti taka til endurskoðunar og skoða, til dæmis í samanburði við nágrannalönd okkar. Það eru svo margir færir íslenskir danslistamenn og margir að vinna töluvert á alþjóðlegum vettvangi enda listgrein handan tungumála en stundum mætti kerfið okkar hlúa enn betur að þörfum þessara listamanna,“ segir Valgerður og tekur Snædís undir. „Það er margt gott en annað sem mætti bæta í umhverfi danslistamanna, það sem þeir þurfa til að dafna og þroskast er meðal annars tími og rými. Þannig bind ég miklar vonir við það að hér á landi rísi danshús í náinni framtíð, með því myndi danslist eignast eigið heimili sem myndi gjörbreyta landslagi þessarar listgreinar,“ segir Snædís. Danshöfundarnir segja að kerfið mætti hlúa enn betur að danslistamönnum. Í verkinu Árshátiðirnar eru yfir 20 fjölbreyttir dansarar á öllum aldri saman komnir. Axel Sigurðsson „Þetta stórbrotna líf með öllu sínu litrófi“ Sem áður segir sækja þær innblástur í tónlist Vivaldi en innblásturinn kemur þó víða til þeirra í listsköpuninni. „Það getur verið svo margt sem veitir innblástur. Umhverfið dag frá degi, fólkið sem verður á vegi manns, hversdagurinn og bara allt þetta stórbrotna líf með öllu sínu litrófi. Í þessu nýja verki sækjum við innblástur í árstíðirnar og hina eilífu hringrás þeirra, hvernig náttúran dansar, rytma hennar og mynstur.“ Aðspurðar að lokum hvort þær eigi sér sína uppáhalds árstíð segir Valgerður: „Ég elska fjölbreytileika árstíðanna, þær hafa allar sinn sjarma en ætli umbreytingin á milli þeirra, þegar ein tekur við af annarri, séu ekki mín uppáhalds augnablik. Eflaust hefur það áhrif að vera alin upp á Íslandi þar sem maður getur jafnvel mátt búast við nokkrum mismunandi árstíðum yfir daginn og þrífst þannig í einhvers konar kaos.“ Sumarið stendur svo upp úr hjá Snædísi. „Mér líður dásamlega í góðu veðri og miklum hita. Það er eitthvað svo dásamlegt við náttúruna þegar hún er öll í blóma, þegar nýtt líf sprettur, að því er virðist, úr engu. Þetta er algjörlega magnað vistkerfi sem við erum partur af hérna á jörðinni, sem við verðum líka að passa að hlúa að.“ Innblástur er sóttur í árstíðirnar og hina eilífu hringrás þeirra.Axel Sigurðsson Hér má nálgast nánari upplýsingar um sýninguna. Leikhús Dans Menning Mest lesið „Svo góð tilfinning að endurheimta sjálfa sig“ Tónlist Fékk að heyra að konur ættu ekki heima á sjó Lífið Kosningavökur frambjóðenda: Hvar verða mestu fagnaðarlætin? Lífið Bannaði Snorra að kjósa Arnar Þór Lífið Segir brjóst myndast við mikla bjórdrykkju Lífið Ofboðslega stolt af dóttur sinni Lífið „Tilfinningaþrungið að fá að fylgja myndinni í flík sem þessari“ Tíska og hönnun Fréttatía vikunnar: Kosningar, eldgos og meistarar Lífið The Lazarus Project: Varúð, veldur svefnleysi Gagnrýni Frambjóðendum gekk misvel í hraðaspurningum Lífið Fleiri fréttir Erna Ómars er borgarlistamaður Reykjavíkur „Svolítið eins og að standa nakinn inni í vita“ Líf og fjör á Grímunni Ást Fedru og Saknaðarilmur fengu fern Grímuverðlaun hver Margrét Helga hlýtur heiðursverðlaun Grímunnar „Leikmyndin er auðvitað algjört rusl“ Gríman 2024: Saknaðarilmur hlaut flestar tilnefningar Barbara Hannigan stjórnar Sinfóníuhljómsveitinni Bergur Þór nýr leikhússtjóri Leikfélags Akureyrar Nóbelsverðlaunahafinn Alice Munro er látin Fjögurra ára rússíbanareið að baki Sjá meira
Eilíf hringrás jarðar í kringum sólina Er um að ræða dansverk í fjórum hlutum, vor, sumar, haust og vetur. Höfundar verksins hafa orðið fyrir áhrifum frá tónverki Antonio Vivaldi, Árstíðunum, og þeim fjölmörgu ballettum sem hafa verið skapaðir við það. „Þannig hefur hin eilífa hringrás jarðar í kringum sólina, hring eftir hring, orðið að leiðarstefi verksins. Hin endurtekna kóreógrafía náttúrunnar sem jafnframt er síbreytileg og óútreiknanleg. Samband mannsins við náttúruna og sína eigin innri náttúru,“ segir í fréttatilkynningu. Verkið er unnið af stórum hópi sviðslistafólks en rúmlega tuttugu fjölbreyttir dansarar flytja verkið. Verkið er samstarfi við Íslenska dansflokkinn og Forward Youth Company. Þá taka tveir leikarar þátt í verkinu auk starfsnema frá dansdeild LHÍ. Aðrir listrænir stjórnendur eru Áskell Harðarson tónskáld, Rebekka A. Ingimundar leikmyndahönnuður og Tanja Huld Levý Guðmundsdóttir búningahönnuður. MurMur Productions aðstoðar við framleiðslu. Mynd af æfingu á verkinu Árstíðirnar. Axel Sigurðsson „Man ekki eftir mér öðruvísi en dansandi“ Danslistakonurnar og höfundar verksins Snædís og Valgerður hafa unnið saman um árabil en byrjuðu báðar kornungar að dansa. „Ég byrjaði í ballettskóla Eddu Scheving þegar ég var fjögurra að verða fimm ára og man ekki eftir mér öðruvísi en dansandi,“ segir Valgerður og tekur Snædís undir: „Sama hjá mér, ég held ég hafi verið tveggja ára þegar ég mætti í fyrsta danstímann. Mamma var með dansskóla svo ég var með í öllum tímum sem hún kenndi, líka í kvennaleikfimi.“ Þær segja báðar mjög gott að vinna saman og segjast bera fullkomið traust til hvor annarrar. „Það er frábært að hafa félaga í sköpunarferlinu, þannig getur maður stöðugt verið að henda hugmyndum á milli, þær stækka, koma manni á óvart og verða að einhverju miklu skemmtilegra en ef maður væri einn að brasa.“ Bindur vonir við að danshús rísi hér á landi Þær sammælast um að framkvæmdarhlutinn sé hvað mest krefjandi hluti sköpunarferlisins ásamt fjármögnun og því að fá svigrúm til þess að vinna og þróa sig í listinni. „Það er margt í umhverfi listamanna hér á landi sem mætti taka til endurskoðunar og skoða, til dæmis í samanburði við nágrannalönd okkar. Það eru svo margir færir íslenskir danslistamenn og margir að vinna töluvert á alþjóðlegum vettvangi enda listgrein handan tungumála en stundum mætti kerfið okkar hlúa enn betur að þörfum þessara listamanna,“ segir Valgerður og tekur Snædís undir. „Það er margt gott en annað sem mætti bæta í umhverfi danslistamanna, það sem þeir þurfa til að dafna og þroskast er meðal annars tími og rými. Þannig bind ég miklar vonir við það að hér á landi rísi danshús í náinni framtíð, með því myndi danslist eignast eigið heimili sem myndi gjörbreyta landslagi þessarar listgreinar,“ segir Snædís. Danshöfundarnir segja að kerfið mætti hlúa enn betur að danslistamönnum. Í verkinu Árshátiðirnar eru yfir 20 fjölbreyttir dansarar á öllum aldri saman komnir. Axel Sigurðsson „Þetta stórbrotna líf með öllu sínu litrófi“ Sem áður segir sækja þær innblástur í tónlist Vivaldi en innblásturinn kemur þó víða til þeirra í listsköpuninni. „Það getur verið svo margt sem veitir innblástur. Umhverfið dag frá degi, fólkið sem verður á vegi manns, hversdagurinn og bara allt þetta stórbrotna líf með öllu sínu litrófi. Í þessu nýja verki sækjum við innblástur í árstíðirnar og hina eilífu hringrás þeirra, hvernig náttúran dansar, rytma hennar og mynstur.“ Aðspurðar að lokum hvort þær eigi sér sína uppáhalds árstíð segir Valgerður: „Ég elska fjölbreytileika árstíðanna, þær hafa allar sinn sjarma en ætli umbreytingin á milli þeirra, þegar ein tekur við af annarri, séu ekki mín uppáhalds augnablik. Eflaust hefur það áhrif að vera alin upp á Íslandi þar sem maður getur jafnvel mátt búast við nokkrum mismunandi árstíðum yfir daginn og þrífst þannig í einhvers konar kaos.“ Sumarið stendur svo upp úr hjá Snædísi. „Mér líður dásamlega í góðu veðri og miklum hita. Það er eitthvað svo dásamlegt við náttúruna þegar hún er öll í blóma, þegar nýtt líf sprettur, að því er virðist, úr engu. Þetta er algjörlega magnað vistkerfi sem við erum partur af hérna á jörðinni, sem við verðum líka að passa að hlúa að.“ Innblástur er sóttur í árstíðirnar og hina eilífu hringrás þeirra.Axel Sigurðsson Hér má nálgast nánari upplýsingar um sýninguna.
Leikhús Dans Menning Mest lesið „Svo góð tilfinning að endurheimta sjálfa sig“ Tónlist Fékk að heyra að konur ættu ekki heima á sjó Lífið Kosningavökur frambjóðenda: Hvar verða mestu fagnaðarlætin? Lífið Bannaði Snorra að kjósa Arnar Þór Lífið Segir brjóst myndast við mikla bjórdrykkju Lífið Ofboðslega stolt af dóttur sinni Lífið „Tilfinningaþrungið að fá að fylgja myndinni í flík sem þessari“ Tíska og hönnun Fréttatía vikunnar: Kosningar, eldgos og meistarar Lífið The Lazarus Project: Varúð, veldur svefnleysi Gagnrýni Frambjóðendum gekk misvel í hraðaspurningum Lífið Fleiri fréttir Erna Ómars er borgarlistamaður Reykjavíkur „Svolítið eins og að standa nakinn inni í vita“ Líf og fjör á Grímunni Ást Fedru og Saknaðarilmur fengu fern Grímuverðlaun hver Margrét Helga hlýtur heiðursverðlaun Grímunnar „Leikmyndin er auðvitað algjört rusl“ Gríman 2024: Saknaðarilmur hlaut flestar tilnefningar Barbara Hannigan stjórnar Sinfóníuhljómsveitinni Bergur Þór nýr leikhússtjóri Leikfélags Akureyrar Nóbelsverðlaunahafinn Alice Munro er látin Fjögurra ára rússíbanareið að baki Sjá meira