Leikstýrði tónlistarmyndbandi við lag pabba síns Boði Logason skrifar 5. desember 2023 10:15 Feðginin Margrét og Einar eru listamennirnir á bakvið lagið og myndbandið. Aðsend Vísir frumsýnir í dag nýtt tónlistarmyndband við lagið Sérhver jól með þér. Lagið er nýjasta afurð hljómsveitarinnar Löðurs. Leikstjóri myndbandsins er Margrét Einarsdóttir, dóttir Einars Arnar Jónssonar einn af forsprökkum Löðurs, en fyrir þremur árum stofnaði hún eigið framleiðslufyrirtæki, Kvísl Productions. Í samtali við Vísi segir Einar Örn að það hafi legið beint við að fá dóttur sína til að framleiða og leikstýra myndbandinu. „Lagið fjallar um þessa tilfinningu að vera allt í einu kominn með litla fjölskyldu og halda jól með þeim í fyrsta skipti. Margrét var mín besta jólagjöf og því var textinn við lagið auðsaminn. Það þurfti ekki að búa til neina sögu, hún var þegar skrifuð. Svo eru náttúrlega algjör forréttindi að fá tækifæri til að vinna með börnunum sínum,“ segir Einar Örn. Auk þess að reka Kvísl Productions er Margrét markvörður Hauka í Olís deildinni í handbolta, kennir í Norðlingaskóla og nemur fjármálastærðfræði í HÍ. Hún segir það ákveðið púsluspil að halda öllum boltum á lofti, sem svo má að orði komast, en handboltinn gangi fyrir. Margrét Einarsdóttir er markvörður Hauka í Olís deildinni. Samhliða handboltanum rekur hún framleiðslufyrirtæki.Hulda Margrét „Það gengur vel hjá okkur í Haukum og framundan eftir áramótin er mikilvægasti kaflinn á tímabilinu. Þegar handboltaferlinum og náminu lýkur er markmiðið að helga sig kvikmyndabransanum,“ segir hún. Sigurður Sigurjónsson leikur aðalhlutverkið í myndbandinu ásamt Baldri Einarssyni, bróður Margrétar og Freyju Kjartansdóttur. Einnig koma fram Bríet Vignisdóttir 4 ára og Lilja Ingvadóttir 5 mánaða. Einar Örn segir að það hafi verið algjör draumur að vinna með Sigga Sigurjóns. „Ég lagði áherslu á að skipuleggja tökudaginn vel og hver sena var vel undirbúin. Tökurnar gengu því afskaplega vel og allir leikararnir frábærir, hvort sem þeir voru sextíu og níu ára eða fimm mánaða.“ Sérhver jól með þér er fimmta lagið sem Löður sendir frá sér. Einar Örn er helst þekktur fyrir hljómborðsleik með Í svörtum fötum, en hann samdi einmitt Jólin eru að koma sem hljómsveitin gaf út árið 2001. „Löður er vettvangur sem ég nýti til að gefa út mitt eigið efni – oftast stórar ballöður með strengjasveit og tilheyrandi. Hljómsveitin hefur einnig leikið á fjölmörgum árshátíðum og þá hef ég fengið Dag Sigurðsson, Ernu Hrönn og fleiri til að syngja með okkur. Þar fer nú minna fyrir ballöðunum – og meira fyrir alþekktum slögurum,“ segir hann að lokum. Jól Tónlist Mest lesið „Svo góð tilfinning að endurheimta sjálfa sig“ Tónlist Fékk að heyra að konur ættu ekki heima á sjó Lífið Segir brjóst myndast við mikla bjórdrykkju Lífið Fréttatía vikunnar: Kosningar, eldgos og meistarar Lífið „Tilfinningaþrungið að fá að fylgja myndinni í flík sem þessari“ Tíska og hönnun The Lazarus Project: Varúð, veldur svefnleysi Gagnrýni Erna Ómars er borgarlistamaður Reykjavíkur Menning Frambjóðendum gekk misvel í hraðaspurningum Lífið Af vængjum fram: Grínaðist alltaf með að láta húðflúra einstefnuskilti á rassgatið Lífið Ghost of Tsushima: Kominn út á PC og enn geggjaður Leikjavísir Fleiri fréttir „Svo góð tilfinning að endurheimta sjálfa sig“ „Aldrei verið jafn stolt af mér“ Páll Óskar og Skrattar í fyrsta sinn á sama sviði „BOY BYE“ við þá röngu en „BOY HÆ“ við þann rétta Bauð pabba að syngja með sér um íslensku sumargaslýsinguna Bashar Murad kemur fram á endalokum LungA „Við ætlum bókstaflega að rífa þakið af húsinu“ Rífandi stemning og valdefldar tónlistarkonur Tónleikum Nicki Minaj aflýst vegna fíkniefnahandtöku Segir skásta staðinn í bænum í kirkjugarðinum Iceland Airwaves kynnir 22 ný bönd til leiks „Þægileg blanda af von og trega“ Kom fram sem stórstjarna „Drull sama hvað einhver apaköttur segir“ Laufey tók lagið hjá Jimmy Fallon „Svo hræðilega óyfirstíganlegt að ég þurfti að rífa plásturinn af“ „Þetta styrkti mig rosalega en þetta braut mig líka“ Gítarleikarinn Duane Eddy er látinn MANOWAR til Íslands í fyrsta sinn Sjá meira
Leikstjóri myndbandsins er Margrét Einarsdóttir, dóttir Einars Arnar Jónssonar einn af forsprökkum Löðurs, en fyrir þremur árum stofnaði hún eigið framleiðslufyrirtæki, Kvísl Productions. Í samtali við Vísi segir Einar Örn að það hafi legið beint við að fá dóttur sína til að framleiða og leikstýra myndbandinu. „Lagið fjallar um þessa tilfinningu að vera allt í einu kominn með litla fjölskyldu og halda jól með þeim í fyrsta skipti. Margrét var mín besta jólagjöf og því var textinn við lagið auðsaminn. Það þurfti ekki að búa til neina sögu, hún var þegar skrifuð. Svo eru náttúrlega algjör forréttindi að fá tækifæri til að vinna með börnunum sínum,“ segir Einar Örn. Auk þess að reka Kvísl Productions er Margrét markvörður Hauka í Olís deildinni í handbolta, kennir í Norðlingaskóla og nemur fjármálastærðfræði í HÍ. Hún segir það ákveðið púsluspil að halda öllum boltum á lofti, sem svo má að orði komast, en handboltinn gangi fyrir. Margrét Einarsdóttir er markvörður Hauka í Olís deildinni. Samhliða handboltanum rekur hún framleiðslufyrirtæki.Hulda Margrét „Það gengur vel hjá okkur í Haukum og framundan eftir áramótin er mikilvægasti kaflinn á tímabilinu. Þegar handboltaferlinum og náminu lýkur er markmiðið að helga sig kvikmyndabransanum,“ segir hún. Sigurður Sigurjónsson leikur aðalhlutverkið í myndbandinu ásamt Baldri Einarssyni, bróður Margrétar og Freyju Kjartansdóttur. Einnig koma fram Bríet Vignisdóttir 4 ára og Lilja Ingvadóttir 5 mánaða. Einar Örn segir að það hafi verið algjör draumur að vinna með Sigga Sigurjóns. „Ég lagði áherslu á að skipuleggja tökudaginn vel og hver sena var vel undirbúin. Tökurnar gengu því afskaplega vel og allir leikararnir frábærir, hvort sem þeir voru sextíu og níu ára eða fimm mánaða.“ Sérhver jól með þér er fimmta lagið sem Löður sendir frá sér. Einar Örn er helst þekktur fyrir hljómborðsleik með Í svörtum fötum, en hann samdi einmitt Jólin eru að koma sem hljómsveitin gaf út árið 2001. „Löður er vettvangur sem ég nýti til að gefa út mitt eigið efni – oftast stórar ballöður með strengjasveit og tilheyrandi. Hljómsveitin hefur einnig leikið á fjölmörgum árshátíðum og þá hef ég fengið Dag Sigurðsson, Ernu Hrönn og fleiri til að syngja með okkur. Þar fer nú minna fyrir ballöðunum – og meira fyrir alþekktum slögurum,“ segir hann að lokum.
Jól Tónlist Mest lesið „Svo góð tilfinning að endurheimta sjálfa sig“ Tónlist Fékk að heyra að konur ættu ekki heima á sjó Lífið Segir brjóst myndast við mikla bjórdrykkju Lífið Fréttatía vikunnar: Kosningar, eldgos og meistarar Lífið „Tilfinningaþrungið að fá að fylgja myndinni í flík sem þessari“ Tíska og hönnun The Lazarus Project: Varúð, veldur svefnleysi Gagnrýni Erna Ómars er borgarlistamaður Reykjavíkur Menning Frambjóðendum gekk misvel í hraðaspurningum Lífið Af vængjum fram: Grínaðist alltaf með að láta húðflúra einstefnuskilti á rassgatið Lífið Ghost of Tsushima: Kominn út á PC og enn geggjaður Leikjavísir Fleiri fréttir „Svo góð tilfinning að endurheimta sjálfa sig“ „Aldrei verið jafn stolt af mér“ Páll Óskar og Skrattar í fyrsta sinn á sama sviði „BOY BYE“ við þá röngu en „BOY HÆ“ við þann rétta Bauð pabba að syngja með sér um íslensku sumargaslýsinguna Bashar Murad kemur fram á endalokum LungA „Við ætlum bókstaflega að rífa þakið af húsinu“ Rífandi stemning og valdefldar tónlistarkonur Tónleikum Nicki Minaj aflýst vegna fíkniefnahandtöku Segir skásta staðinn í bænum í kirkjugarðinum Iceland Airwaves kynnir 22 ný bönd til leiks „Þægileg blanda af von og trega“ Kom fram sem stórstjarna „Drull sama hvað einhver apaköttur segir“ Laufey tók lagið hjá Jimmy Fallon „Svo hræðilega óyfirstíganlegt að ég þurfti að rífa plásturinn af“ „Þetta styrkti mig rosalega en þetta braut mig líka“ Gítarleikarinn Duane Eddy er látinn MANOWAR til Íslands í fyrsta sinn Sjá meira