Innlent

Fréttamynd

Seldu fleiri íbúðir en í meðalviku

Fleiri fasteignir seldust á höfuðborgarsvæðinu í síðustu söluviku fyrir jól en nemur meðalsölu síðustu tólf vikurnar sem á undan komu. 185 fasteignir seldust í síðustu viku og var meðalverð þeirra 23 milljónir króna, tæpum fjórum milljónum lægra en í meðalviku.

Innlent
Fréttamynd

Opið í Hlíðarfjalli í dag

Skíðasvæðið í Hlíðarfjalli opnar í hádeginu og verður opið til klukkan fimm. Klukkan tíu var hitastigið rétt undir frostmarki og starfsfólk Hlíðarfjalls segir að þrátt fyrir hlýindi undanfarinna daga sé mjög góður snór í skíðabrekkunum.

Innlent
Fréttamynd

Fáir bátar á sjó

Einn togari og ellefu bátar voru á sjó núna á tíunda tímanum að morgni annars í jólum. Mjög dregur úr sjósókn yfir jólin eins og annarri atvinnustarfsemi en til samanburðar má geta að venjulega eru um 200 skip og bátar á sjó undir hádegi í desember.

Innlent
Fréttamynd

Friðsamlegt síðustu nótt

Skemmtanahald næturinnar gekk friðsamlega fyrir sig samkvæmt upplýsingum frá lögregluembættum hringinn í kringum landið. Nokkur erill var hjá lögreglunni í Reykjavík en þar kom ekkert alvarlegt upp á og fangageymslur voru tómar í morgun.

Innlent
Fréttamynd

Krapasnjór á Hellisheiði og í Þrengslum

Nokkur krapasnjór er á Hellisheiði og í Þrengslum samkvæmt upplýsingum frá Vegagerðinni. Verið er að hreinsa snjó af vegum í Borgarfirði, Dölum og Norðurlandi vestra til Sauðárkróks og Siglufjarðar einnig um Öxnadalsheiði til Akureyrar.

Innlent
Fréttamynd

Innbrot í Apple-verslunina við Brautarholt

Innbrot var framið í Apple-versluninni við Brautarholt í dag. Lögreglu barst tilkynning um innbrotið klukkan tvö og þegar hún kom á vettvang kom í ljós að rúða var skrúfuð úr glugga búðarinnar í heilu lagi.

Innlent
Fréttamynd

Biskup trúir ekki á jólasveininn

Biskup Íslands, séra Karl Sigurbjörnsson, segist ekki trúa á jólasveininn. Hann lýsti þessu yfir í miðnæturmessu í Dómkirkjunni í gær en töluverð umræða skapaðist í þjóðfélaginu á dögunum þegar greint var frá því að Flóki Kristinsson, sókn­ar­prest­ur á Hvann­eyri, hafi sagt hópi sex ára barna að jólasveinninn væri ekki til.

Innlent
Fréttamynd

Rafmagn fór af í Kjós

Rafmagn fór af hluta húsa í Kjós um hálf sjö leytið í morgun. Talið var að það hafi farið af vegna þess að línur hafi slegist saman vegna veðurs. Viðgerðarflokkur frá Borgarnesi sá um viðgerðir sem lauk á tíunda tímanum. Aftaka veður var á staðnum og allar aðstæður mjög erfiðar.

Innlent
Fréttamynd

Fullt út úr dyrum í kirkjum landsins

Fullt var út úr dyrum við guðsþjónustur í flestum kirkjum landsins í gær. Í Grafarvogskirkju var gripið til þess ráðs að láta kórinn standa alla guðsþjónustuna til að sem flestir fengju sæti.

Innlent
Fréttamynd

Nokkur erill hjá lögreglunni í Reykjavík

Nokkur erill var hjá lögreglunni í Reykjavík í nótt. Ekki voru alls staðar haldin gleðileg jól og þurfti lögreglan að hafa afskipti vegna ófriðar í nokkrum heimahúsum sökum ölvunar.

Innlent
Fréttamynd

Ógnaði leigubílstjóra með loftbyssu

Maður um tvítugt var handtekinn eftir að hafa miðað gasbyssu á leigubílstjóra við Stórhöfða rétt eftir klukkan hálf þrjú í nótt. Þegar leigubílstjórinn tilkynnti lögreglu um atvikið hafði maðurinn haupið á brott. Þegar laganna verður mættu á staðinn til að ræða við leigubílstjórann birtist byssumaðurinn á nýjan leik.

Innlent
Fréttamynd

Nokkur erill í verslunum í morgun

Nú fer hver að verða síðastur að gera síðustu jólainnkaupin enda verður flestum verslunum lokað innan klukkustundar, en nokkur erill var í Kringlunni og miðbænum í morgun. En jólin reynast sumum erfið og þeim sem ekki hafa í nein hús að venda verður boðið upp á mat á fimm stöðum í bænum.

Innlent
Fréttamynd

Handteknir aftur vegna vopnastuldar

Tveir menn, sem lögreglan í Keflavík handtók á miðvikudag í tengslum við vopnastuldinn á Húsavík, voru handteknir aftur í gær eftir að lögreglumenn fundu þýfi og fíkniefni í fórum þeirra.

Innlent
Fréttamynd

Býst við að endurskoðun verði rædd á fundi

Forseti ASÍ segist fastlega gera ráð fyrir því að forsætisráðherra verði beðinn um að endurskoða úrskurð Kjaradóms á fundi sínum með fulltrúum vinnumarkaðarins á þriðjudag. Formaður Kjaradóms segir að dómnum sé falið vanþakklátt og vandasamt hlutverk. Nauðsynlegt sé að finna leið til að ákvarða laun kjörinna fulltrúa og æðstu embættismanna sem sæmileg sátt geti verið um.

Innlent
Fréttamynd

Enn hægt að kaupa jólatré

Þeir borgarbúar sem eiga eftir að kaupa jólatré og óttast að allt sé uppselt geta tekið jólagleði sína á ný því enn er hægt að fá jólatré á nokkrum stöðum. Þær fregnir bárust í gær að öll tré væru að verða uppseld og brugðust því margir skjótt við og urðu sér úti um tré. Óformleg athugun fréttastofunnar í morgun leiðir hins vegar í ljós að enn er hægt að verða sér úti um tré.

Innlent
Fréttamynd

Lögregla stjórnar umferð við kirkjugarða

Það er fastur liður í jólhaldi flestra borgarbúa að vitja látinna ættingja og vina í kirkjugörðum. Mikil umferð er þó á aðfangadag og jóladag og því mun lögregla aðstoða við að halda umferð greiðri fyrir gesti garðanna.

Innlent
Fréttamynd

Sjúkraflugvél áfram á Ísafirði

Sjúkraflugvél verður áfram staðsett á Ísafirði en til stóð að hún myndi hafa aðstöðu á Akureyri frá og með áramótum. Eftir því sem fram kemur á fréttavef Bæjarins besta hafði fulltrúi heilbrigðis- og tryggingamálaráðuneytis samband við Halldór Halldórsson bæjarstjóra Ísafjarðarbæjar í gær og staðfesti þetta.

Innlent
Fréttamynd

Mikill mannfjöldi í mibænum í gærkvöld

Mikill mannfjöldi var í miðborg Reykjavíkur í gærkvöldi og góð stemming. Veður var gott og að sögn löreglunnar fót allt vel fram. Verslunareigendur við Laugaveginn munu hafa verið hæstánægðir með þetta lokaskot á jólaverslunina.

Innlent
Fréttamynd

Stórhríð á utanverðu Snæfellsnesi

Stórhríð er á utanverðu Snæfellsnesi. Í tilkynningu Vegagerðarinnar segir að óveður sé á milli Grundarfjarðar og Hellissands. Þungfært sé og stórhríð á Fróðárheiði. Á vegum á Vesturlandi er annars hálka.

Innlent
Fréttamynd

Umhverfissinnar áfrýja skyrslettudómi

Dómsmál Ólafur Páll Sigurðs­son, sem ásamt Örnu Ösp Magnúsar­dóttur hefur verið dæmdur fyrir að sletta grænlituðu skyri á ráðstefnugesti á Hótel Nordica í sumar, segir líklegt að dómnum verið áfrýjað. "Frestur til þess er ekki liðinn þar sem enn á eftir að birta okkur dóminn," segir hann.

Innlent
Fréttamynd

Bíður eftir að komast í endurhæfingu

Björn Hafsteinsson strætisvagnabílstjóri, sem missti báða fæturna í umferðarslysi í ágúst, er kominn í jólaskap og bíður eftir að komast í endurhæfingu eftir áramótin.

Innlent
Fréttamynd

Gríðarlegur áhugi á flugfélögum

Hlutabréf í FL-Group hækkuðu um fjögur komma átta prósent í dag. Bréf í félaginu hafa meira en tvöfaldað sig á síðustu 12 mánuðum. Þá er gríðarlegur áhugi á öðru flugfélagi, Avion Group, en hlutafjárútboði félagsins lauk í dag.

Innlent
Fréttamynd

Fengu kæsta skötu í leikskólanum

Börnin á leikskólanum Urðarhóli í Kópavogi fengu öllu lyktmeiri mat í hádeginu í dag en þau eru vön. Þar var, líkt og svo víða, boðið upp á skötu á Þorláksmessunni. Viðbrögð barnanna voru mismunandi. Sum biðu spennt eftir að fá fisk diskinn sinn en önnur virtust full efasemda um þetta lyktsterka sjávarmeti.

Innlent
Fréttamynd

Nautgriparækt rekin með bullandi tapi

Nautakjötsframleiðendur hafa litlar eða engar tekjur haft af búum sínum og halda þetta ekki út miklu lengur nema samkeppnisstaða þeirra verði bætt. Landbúnaðarráðherra segir það koma til greina að því gefnu að forystumenn bænda séu hlynntir styrkjum til þeirra.

Innlent
Fréttamynd

Friðargangan að hefjast

Árleg friðarganga friðarhreyfinga í Reykjavík hefst nú klukkan sex. Búist var við að um fimm þúsund manns myndu mæta í gönguna en ófriðurinn í Írak og fleiri stöðum í heiminum er mörgum tilefni til að krefja ráðmenn heimsins um friðsamlegar lausnir deilumála. Þá verða einnig farnar friðargöngur á Akureyri og á Ísafirði í kvöld.

Innlent
Fréttamynd

Einn á sjúkrahús eftir harðan árekstur á Akureyri

Einn var fluttur á sjúkrahús eftir nokkuð harðan árekstur á gatnamótum Tryggvabrautar og Hjalteyrargötu á Akureyri skömmu eftir hádegi í dag. Að sögn lögreglu var maðurinn ekki talinn alvarlega meiddur en þó var talið æskilegt að hann gengist undir læknisskoðun.

Innlent
Fréttamynd

Vilja að Alþingi komi saman milli jóla og nýárs

Þingmenn stjórnarandstöðuflokkanna eru reiðubúnir að koma saman til fundahalda milli jóla og nýárs vegna nýgengins úrskurðar Kjaradóms um laun æðstu embættismanna. Þessu er lýst yfir í bréfi sem formenn stjórnarandstöðuflokkanna sendu forsætisráðherra í dag.

Innlent

Mest lesið