Innlent

Tugir leikskólakennara mættir

Fjöldi leikskólakennarar er mættur í hús Orkuveitu Reykjavíkur þar sem launaráðstefna sveitarfélaganna er í þann mund að hefjast. Með nærveru sinni vilja leikskólakennarar þrýsta á um að kjör þeirra verði bætt.

Innlent 20.1.2006 12:49

Öllu laxeldi hætt í Mjóafirði

Dótturfélag Samherja og Síldarvinnslunnar í Neskaupstað hefur ákveðið að hætta öllu laxeldi í Mjóafirði, en þar er nú yfir helmingur alls laxeldis í landinu. Vísbendingar eru um að laxeldið sé að taka aðra kollsteypu.

Innlent 20.1.2006 12:11

Hörð samkeppni Íslendinga erlendis

Allt stefnir í harða samkeppni íslenskra fyrirtækja á fasteignamarkaðnum á meginlandi Evrópu þar sem Baugur og Straumur-Burðarás munu takast á.

Innlent 20.1.2006 12:22

Sammála um að hætta viðræðum

Iðnaðarráðherra, fjármálaráðherra, borgarstjórinn í Reykjavík og bæjarstjórinn á Akureyri hafa sent frá sér sameiginlega yfirlýsingu um að ekki séu lengur forsendur fyrir frekari viðræðum um kaup ríkisins á hlut Reykjavíkur og Akureyrar í Landsvirkjun.

Innlent 20.1.2006 12:29

Lést í bílslysi

Stúlkan sem lést þegar bíll hennar fór út af Hnífsdalsvegi og hafnaði úti í sjó í gærdag hét Þórey Guðmundsdóttir. Þórey var fædd árið 1988 og hefði hún orðið átján ára í mars. Þórey var til heimilis að Garðavegi í Hnífsdal. Lögreglan á Ísafirði rannsakar tildrög slyssins.

Innlent 20.1.2006 12:26

Íslensk stúlka hætt komin

Íslensk stúlka var hætt komin þegar henni var haldið í gíslingu í Naíróbí í Keníu í um tvær klukkustundir. Fimm menn réðust inn á heimilið sem hún bjó á, vopnaðir byssum og ógnuðu heimilisfólki.

Innlent 20.1.2006 12:03

Safnast saman fyrir utan launamálaráðstefnu

Leikskólakennarar á höfuðborgarsvæðinu ætla að safnast saman fyrir utan hús Orkuveitu Reykjavíkur eftir hádegi í dag, við upphaf launamálaráðstefnu sveitarfélaganna, til að leggja áherslu á kröfur sínar um bætt launakjör. Miklar vonir eru bundnar við að á ráðstefnunni náist samkomulag um laun leikskólakennara og ófaglærðra starfsmanna leikskólanna.

Innlent 20.1.2006 12:02

Mikil hækkun á Avion við skráningu

Verðmæti Avion Group jókst um tæpa tuttugu milljarða króna á fyrstu mínútunum eftir opnun Kauphallar Íslands í morgun. Avion er lang stærsta fyrirtækið sem skráð hefur verið í Kauphöllina en skráning þess hófst þar í morgun.

Innlent 20.1.2006 11:56

Mál Bubba gegn 365 tekið fyrir

Mál Bubba Morthens gegn 365 prentmiðlum og Garðari Erni Úlfarssyni vegna umfjöllunar tímaritsins Hér og nú um Bubba var tekið fyrir í Héraðsdómi Reykjavíkur í morgun. Lögmenn lögðu fram gögn í morgun og þeim gefst frekari tími til að afla gagna áður en málsmeðferð hefst.

Innlent 20.1.2006 11:50

Skoða hvernig efla megi starfsnám

Menntamálaráðherra hefur skipað átta manna nefnd sem á að skoða leiðir til að efla starfsnám. Meðal þess sem á að skoða er hvernig stuðla megi að aukinni aðsókn í starfsnám og tryggja fjölbreytt námsframboð. Formaður nefndarinnar er Jón B. Stefánsson, skólameistari Fjöltækniskóla Íslands.

Innlent 20.1.2006 10:11

Vill veiðibann á loðnuna

Loðnuveiðar á að stöðva og setja á veiðibann strax, sagði Magnús Þór Hafsteinsson, varaformaður Frjálslynda flokksins, við upphaf þingfundar. Hann sagði ástand loðnustofnsins grafalvarlegt og vildi að hætt yrði að veiða það litla sem finndist við loðnuleit.

Innlent 20.1.2006 10:44

Félagsráðgjafar felldu samning

Félagsráðgjafar felldu nýgerðan kjarasamning sinn við Reykjavíkurborg með miklum meirihluta í atkvæðagreiðslu sem lauk nú í vikunni. Kosningaþátttaka var um 90 prósent og greiddu nær allir atkvæði gegn samningnum.

Innlent 20.1.2006 10:40

Opið aðra hvora helgi í vetur

Ákveðið hefur verið að hafa opið í Kerlingarfjöllum aðra hvora helgi í vetur til að mæta eftirspurn frá vélsleða- og jeppamönnum. Þetta hefur mælst vel fyrir og nú þegar liggja fyrir margar bókanir.

Lífið 20.1.2006 10:19

Mótmæla trúnaðarkvöð

Stjórnarandstæðingar mótmæltu því á fundi menntamálanefndar Alþingis í morgun að þeir yrðu að heita trúnaði gegn því að fá afhent afrit af bréfaskiptum mennta- og fjármálaráðuneytisins við Eftirlitsstofnunar EFTA vegna athugunar stofnunarinnar á Ríkisútvarpinu.

Innlent 20.1.2006 10:04

Víða óveður og ófærð

Óveður og ófærð gera ökumönnum erfitt fyrir víða um land samkvæmt upplýsingum frá Vegagerðinni. Ófært er um Klettsháls, Eyrarfjall og Öxi. Á Mörðrudalsöræfum og á Vopnafjarðarheiði er þungfært og óveður og þungfært á Breiðdalsheiði.

Innlent 20.1.2006 09:37

Fannst meðvitundarlaus í Bláfjöllum

Stúlka fannst meðvitundarlaus laust fyrir klukkan tíu í gærkvöld, í efstu brekkunni við elstu stólalyftuna í Bláfjöllum, og var þegar kallað á sjúkrabíl sem flutti hana á Slysadeild Landsspítalans.

Innlent 20.1.2006 08:39

Styðja biskup Íslands

Samvinnuhópur tuttugu kristinna trúfélaga og nítján einstaklinga hefur sent frá sér yfirlýsingu þar sem lýst er yfir stuðningi við Biskup Íslands og harmað fráhvarf kristinna siðferðisgilda sem ríkisstjórn Íslands sýnir með frumvarpi til laga um réttarstöðu samkynhneigðra. Í yfirlýsingunni segir að hjónaband sé sáttmáli á milli einnar konu og eins karls og minnt er á rétt barns til að þekkja báða foreldra sína.

Innlent 20.1.2006 08:00

Næst lægst verðbólga hér

Pólland er eina ríkið á Evrópska efnahagssvæðinu þar sem verðbólga er lægri en á Íslandi samkvæmt samræmdri vísitölu neysluverðs. Verðbólgan mælist samkvæmt þessu eitt prósent á Íslandi frá desember 2004 til desember 2005 en 0,8 prósent í Póllandi.

Innlent 20.1.2006 09:14

Upplýstu sex fíkniefnamál

Sex fíkniefnamál og vopnalagabrot komu upp í sameiginlegu átaki lögreglunnar í Kópavogi og Hafnarfirði í nótt. Við leit í tveimur húsum og á fólki fannst amfetamín, kókaín, hass og marijúana, en lögregla gefur ekki upp hversu mikið. Þá var lagt hald á rafstuðbyssu, hnífa og kylfur.

Innlent 20.1.2006 08:34

Haldið í gíslingu í tvo tíma

Tvítugri íslenskri stúlku var haldið í tvo tíma í gíslingu í Naíróbí í Kenýa ásamt fleira fólki á föstudaginn fyrir viku. Fimm vopnaðir ræningjar réðust þá inn í húsið og ógnuðu fólki með skotvopnum meðan þeir hrifsuðu til sín skartgripi og verðmæti, engum skotum var þó hleypt af.

Innlent 20.1.2006 07:27

Tildrög slyssins rannsökuð í dag

Rannsóknanefnd bílslysa er væntanleg til Ísafjarðar í dag til að rannsaka tildrög banaslyss, sem varð á Óshlíðarvegi á milli Ísafjarðar og Hnífsdals síðdegis í gær, þegar ung kona missti stjórn á bíl sínum í flug hálku með þeim afleiðingum að bíllinn hafanði ofan í sjó.

Innlent 20.1.2006 08:30

28 milljarða hagnaður Baugs

Baugur Group hagnaðist um 28 milljarða króna eftir skatta á síðasta ári. Þar af eru fimmtán milljarðar króna í formi innleysts hagnaðar. Eignir Baugs í árslok voru bókfærðar á 145 milljarða króna og eigið fé var 62,9 milljarðar.

Innlent 20.1.2006 07:11

Gefur ekki upp hvort fleiri gætu tengst málinu

Lögfræðingur Landspítalans vill ekki tjá sig um það hvort fleiri geti tengst meintu fjármálamisferli á glasafrjóvgunardeild Landspítalans á árunum 2002 til 2004. Málið er til rannsóknar hjá Ríkislögreglustjóra. Upphæðin sem um ræðir hleypur á milljónum króna.

Innlent 19.1.2006 22:56

Ný heilsugæslustöð

Ný heilsugæslustöð sem þjónar um níu þúsund íbúum í Voga- og Heimahverfi var vígð í dag. Jón Kristjánsson heilbrigðisráðherra afhenti húsnæði Heilsugæslustöðvarinnar í Glæsibæ að viðstöddu fjölmenni.

Innlent 19.1.2006 22:16

Þorrinn hefst með Bóndadegi á morgun

Þorrinn hefst á morgun með tilheyrandi þorramat og þorrablótum. Bóndadagur markar upphaf Þorrans en samkvæmt hefðinni eiga karlmenn að vakna árla morguns og hoppa um hálfnaktir á einum fæti í kringum hús sitt.

Innlent 19.1.2006 22:08

Meint fjármálamisferli á Landspítalanum í rannsókn

Meint fjármálamisferli á glasafrjóvgunardeild Landspítalans er til rannsóknar hjá ríkislögreglustjóra. Frá þessu var greint í kvöldfréttum Ríkissjónvarpsins. Einum starfsmanni hefur verið vikið úr starfi vegna gruns um að hafa verið viðriðinn málið.

Innlent 19.1.2006 20:18

Talsmaður neytenda mætir deildarstjóranum

Í næstu viðureign í spurningaþættinum Meistaranum, sem sýndur verður á Stöð 2 kvöld mætast þeir Stefán Már Halldórsson deidlarstjóri starfskjaradeildar Landsvirkjunar og Gísli Tryggvason talsmaður neytenda.

Lífið 18.1.2006 12:51

Lýsa yfir áhyggjum af stöðu leikskólamála í borginni

Samtökin Börnin okkar, sem eru samtök foreldrafélaga leikskóla í Reykjavík, lýsa yfir áhyggjum sínum vegna þeirrar stöðu sem komin er upp í leikskólum borgarinnar. Eins og greint var frá í gær komst samráðshópur um kjaramál leikskólakennara, sem skipaður var til að koma með hugmyndir að lausnum fyrir launamálaráðstefnu sveitarfélaganna á morgun, ekki að neinni niðurstöðu og því er hugsanlegt að margir leikskólakennarar segi upp á næstunni.

Innlent 19.1.2006 14:10

Lóðaúthlutun á Akranesi og í Borgarbyggð þrefaldast á milli ára

Lóðaúthlutun undir íbúðir á Akranesi og í Borgarbyggð ríflega þrefaldaðist á milli áranna 2004 og 2005 eftir því sem fram kemur í svari Árna Magnússonar fjármálaráðherra við fyrirspurn Kjartans Ólafssonar þingmanns og Skessuhorn greinir frá. Lóðum undir 86 íbúðir var úthlutað árið 2004 en 279 lóðum í fyrra.

Innlent 19.1.2006 13:13

Reyna að finna starfsfólk með óhefðbundinni leið

Viðvarandi mannekla veldur því að draga ekki er hægt að taka inn nýja vistmenn á dvalarheimilið Hrafnistu í Reykjavík. Forsvarsmenn stofnunarinnar hafa farið heldur óhefðbundna leið til að vekja áhuga fólks á störfum á heimilinu og fólk allt niður í tíu ára hefur sýnt áhuga á störfunum.

Innlent 19.1.2006 12:29