Skvísa þú ert með milljón dollara rödd
Kvikmyndin Órói hrifsaði til sín öll áhorfenda verðlaun fyrir íslenskar myndir í kvöld við verðlaunaafhendingu Kvikmyndir.is og Myndir mánaðarins sem fram fór í Egilshöll. Baldvin Zophoniasson var valinn besti leikstjórinn, Atli Óskar Fjalarsson besti leikarinn, Hreindís Ylva Garðarsdóttir Holm var valin besta leikkonan og Órói kvikmynd ársins. Við ræddum við leikarana Elías Helga Kofoed-Hansen sem lék Tedda í myndinni, Birnu Rún Eiríksdóttur með milljón dollara röddina en hún lék Grétu, fyrrnefndan vinningshafa kvöldsins, Atla, sem lék Gabríel og höfund Óróa, Ingibjörgu Reynisdóttur leikkonu. Hér má sjá myndir frá hátíðinni.
