Ferja ekki fleiri farþega frá borði með þyrlu
Skipstjóri skemmtiferðaskipsins sem varð vélarvana við strendur Noregs í gær hefur tekið ákvörðun um að ferja ekki fleiri farþega frá borði með þyrlu, að minnsta kosti tímabundið. Tæplega fimm hundruð farþegum hefur verið komið í land með þyrlu af þeim tæplega 1400 sem voru um borð. Búist er við því að skipið komi til hafnar síðdegis í dag.
