Fleiri fréttir

Mikilvægum þætti endurreisnar að ljúka

Kröfuhafar eignast 87 prósent í Arion banka og ríkið 13 prósent samkvæmt samkomulagi sem kynnt var í gær. Ríkið fær endurgreidda 66 milljarða af 72 milljarða framlagi í eigið fé bankans. Bankinn fær víkjandi lán frá ríkinu.

Spannar litróf atvinnulífsins

„Við teljum að eftir þrjú til fimm ár verði Kauphöllin búin að ná upp sínum fyrri styrk,“ segir Þórður Friðjónsson, forstjóri Kauphallarinnar.

Efnahagslífið á eðlilegu róli

„Efnahagslífið ætti að vera almennt komið í mjög þokkalegt ástand. Auðvitað eru óvissuþættir, sem maður ræður ekki við. En við ættum að verða búin með mesta skaflinn í ríkisfjármálum þótt ríkið verði enn nokkuð skuldsett,“ segir Gylfi Magnússon, efnahags- og viðskiptaráðherra, spurður um útlitið hér eftir fimm ár.

Fyrsta útskrift úr Viðskiptasmiðjunni

„Árangurinn hefur farið fram úr björtustu vonum. Þróunin á fyrirtækjum sem hafa farið í gegnum Viðskiptasmiðjuna hefur verið ótrúleg,“ segir Svanlaug Jóhannsdóttir, verkefnastjóri hjá Nýsköpunarmiðstöðinni Klaki.

Dregur úr ótta um afdrif Dúbaí

Sjeik Mohammed bin Rashid al-Maktoum, fursti í Dúbaí, segir að staða furstadæmisins sé sterk. Viðbrögð markaða við greiðslustöðvun eignarhaldsfélagsins Dúbaí World beri vott um skilningsleysi. „Þeir skilja ekki neitt,“ sagði furstinn þegar hann ræddi við blaðamenn í gær, samkvæmt vefútgáfu Financial Times.

Offjárfesting í Kína kallar á verndarstefnu

Kínversk stjórnvöld hafa undanfarið óspart látið fyrirtækjum í té bæði rausnarlega styrki og ódýrt lánsfé til þess að örva efnahagslíf landsins í miðri heimskreppunni. Þetta gæti þó reynst varhugaverð stefna.

Hrávöruverð hækkar

Helstu hrávöruverðsvísitölur hafa hækkað undanfarið. Að því er fram kemur í fréttabréfi IFS ráðgjafar þá hafa merki um meiri hagvöxt í Kína og aukin framleiðsla í heiminum stutt við hrávöruverð. „Skiptar skoðanir eru á meðal greinenda um hvort verð á einstaka hrávörum sé orðið of hátt, til dæmis áls, sykurs og mjöls,“ segir í fréttabréfinu.

Föst í viðjum lágt skráðrar krónu

„Ég hef lúmskan grun um að þótt það versta verði afstaðið á næsta ári þá verði ekki um snertilendingu að ræða,“ segir Snorri Jakobsson, sérfræðingur hjá IFS Greiningu.

Arion ætlar að auglýsa eftir bankastjóra - Finnur hættir

Arion banki mun á næstu dögum verða fyrstur stóru viðskiptabankanna til að auglýsa stöðu bankastjóra lausa til umsóknar. Í tilkynningu frá bankanum segir að ráðningarsamningur Finns Sveinbjörnssonar bankastjóra sé tímabundinn og rennur hann út næstkomandi áramót.

Arion í hendur kröfuhafa, ríkið fær 66 milljarða endurgreidda

Skilanefnd Kaupþings hefur að höfðu samráði við kröfuhafa og að teknu tilliti til ráðgjafar sérfræðinga ákveðið að Kaupþing og þar með kröfuhafar eignist 87% hlutafjár í Arion banka. 13% hlutafjár verða áfram í eigu ríkisins. Í samkomulaginu um eignarhald bankans felst að skilanefnd Kaupþings leggur fram 66 milljarða í stað ríkisins.

Gylfi Zoega: Hófleg lækkun stýrivaxta veikir ekki gengið

Gylfi Zoega hagfræðingur segir að reynslan hér á landi bendi ekki til þess að hóflegar vaxtalækkanir frá mjög háu vaxtastigi séu líklegar til þess að valda veikingu gjaldmiðils þegar fjármagnshreyfingar eru heftar. Þetta telur greining Íslandsbanka athyglisvert í ljósi þess að Gylfi á sæti í peningastefnunefnd.

Útflutningstekjur af fiskeldi tvöfaldast í 5 milljarða til 2015

Landssamband fiskeldisstöðva áætlar að framleiðsla í fiskeldi hérlendis muni tvöfaldast fram til ársins 2015. Verðmæti útflutnings á fiskeldisafurðum nam um 2,5 milljörðum kr. árið 2008 og verður sennilega meira í ár sökum gengisfalls krónunnar. Samkvæmt því má áætla að útflutningsverðmætið verði komið vel yfir 5 milljarða kr. eftir fimm ár.

Engin desemberuppbót greidd til atvinnulausra

Vegna fyrirspurna vill Greiðslustofa Vinnumálastofnununar koma því á framfæri að ekki er greidd desemberuppbót úr atvinnuleysistryggingasjóði. Greiðslur verða því með hefðbundnu sniði þessi mánaðamótin.

Hagnaður N1 rúmlega 900 milljónir

Hagnaður olíufélagsins N1 nam 923 milljónum kr. fyrir skatta á fyrstu níu mánuðum ársins.Þetta kemur fram í yfirliti á heimasíðu félagsins. Á sama tímabili í fyrra var tap á rekstrinum upp á rúmlega 2,1 milljarð kr.

Skilanefndir hafa kostað FME rúmlega 300 milljónir

Skilanefndir bankanna hafa kostað Fjármálaeftirlitið (FME) 318,9 milljónir kr. frá falli bankanna í fyrra. Þetta kemur fram í svari Gylfa Magnússonar efnahags- og viðskiptaráðherra í fyrirspurn Vigdísar Hauksdóttur þingkonu Framsóknarflokksins.

Hrun innflutnings skýrir afganginn á vöruskiptum

Á fyrstu tíu mánuðum ársins hefur innflutningur til landsins minnkað um 43% á föstu gengi miðað við sama tímabil í fyrra. Þetta hrun í innflutningnum skýrir að stórum hluta mikinn afgang í vöruskiptum við útlönd.

Kröfuhafar bjartsýnir á horfur hér á landi

Erlendir kröfuhafar gamla Kaupþings hafa samþykkt að taka 87 prósenta hlut í Arion banka og mun íslenska ríkið eiga þau þrettán prósent sem út af standa, samkvæmt heimildum Fréttablaðsins. Niðurstaðan verður kynnt í dag.

Björgólfur: Erfiðasta ár í sögu flugsins

Tap Icelandair Group á fyrstu níu mánuðum ársins eftir skatta nemur 1 milljarði króna, en hagnaðurinn var 3,1 milljarður króna á sama tíma í fyrra. Þetta kemur fram í árshlutareikningi sem birtur er á vef Kauphallarinnar. Hagnaður eftir skatta á þriðja ársfjórðungi var hins vegar 4,0 milljarðar króna en hagnaður var 4,4 milljarðar

Heildarviðskipti í Kauphöllinni tæpir 15 milljarðar

Úrvalsvísitalan (OMX16) hækkaði lítillega í dag eða um 0,21 prósent og stendur nú í 778,73 stigum. Heildarviðskipti í kauphöllinni í dag voru tæpir fimmtán milljarðar. Þar af var verslað með skuldabréf fyrir fjórtán og hálfan milljarð.

Rafholt þjónustuaðili á Reykjanesi

Fyrirtækið Míla ehf., sem rekur fjarskiptanet allra landsmanna, hefur ákveðið að gera breytingar á starfsemi fyrirtækisins á Reykjanesi. Breytingarnar felast í því að samið hefur verið Rafholt ehf. um að vera þjónustuaðili á svæðinu.

Íbúða- og ríkisbréf seld fyrir rúma fjóra milljarða

Sala á íbúðabréfum og ríkisbréfum fór fram hjá Lánamálum ríkisins klukkan tíu í dag. Útboðinu var þannig háttað að öll samþykkt tilboð buðust bjóðendum á sama verði og ákvarðaði lægsta samþykkta verð söluverð. Þetta kemur fram í tilkynningu til Kauphallar Íslands.

Framkvæmdir hefjast við vatnsverksmiðjuna á Rifi

Umhverfis- og skipulagsnefnd Snæfellsbæjar hefur samþykkt teikningar að sjö þúsund fermetra vatnsátöppunarverksmiðju Iceland Glacier Products á Rifi á Snæfellsnesi. Fyrirtækið, sem er í eigu hollenska athafnamannsins Otto Spork, framleiðir átappað vatn á flöskum undir merkjum Iceland Glacier Water.

Vilja kaupa lóðir Milestone í Tyrklandi

Áhugasamir kaupendur eru komnir að lóðum í Tyrklandi sem fyrirtæki í eigu Milestone á hlut í. Verðmæti lóðanna hleypur á hundruðum milljóna króna.

Bankar eiga ekki að hugsa eins og Samkeppniseftirlitið

Þorsteinn Þorsteinsson, framkvæmdastjóri Bankasýslu ríkisins, segir það ekki vera verkefni banka að hugsa eins Samkeppniseftirlitið og ákveða hvort fyrirtækjum sé skipt upp eða ekki. Þetta kom fram í hádegisfréttum Ríkisútvarpsins.

Dekabank undirbýr málsókn gegn íslenska ríkinu

Þýski bankinn Dekabank undirbýr nú málssókn á hendur íslenska ríkinu vegna neyðarlaganna en með þeim urðu innstæður að forgangskröfum. Lögfræðingar á vegum bankans, segja tilhugsunina að fara í mál gegn ríki skelfilega þar sem það gæti opnað fyrir aðrar lögsóknir sem væru miklu hærri en þeir fimm milljarðar dollarar sem Ísland skuldar nú þegar Bretlandi og Hollandi.

Lítið eftir af símapeningunum

Sex og hálfur milljarður, af 67, er eftir af símapeningunum.Sú upphæð liggur í Seðlabankanum og verður greidd til ríkissjóðs að ári.

Stjórnarformaður OR: Fullyrðingar um milljarða tap rangar

Það mat sem lagt er á viðskipti með hlut Orkuveitu Reykjavíkur í HS Orku í árshlutauppgjöri OR er í samræmi við alþjóðlega reikningsskilastaðla. Fullyrðingar um margra milljarða króna væntanlegt tap OR af viðskiptunum eru rangar. Þetta kemur fram í fréttatilkynningu frá Guðlaugi G. Sverrissyni, stjórnarformanni OR.

Síminn kærir auglýsingar Vodafone

Margrét Stefánsdóttir, upplýsingafulltrúi Símans, segir að fyrirtækið hafi ákveðið að kæra auglýsingar Vodafone þar sem því er haldið fram að viðskiptavinir geti lækkað símreikning með því að koma í viðskipti hjá Vodafone.

Síminn tók verðauglýsingu úr umferð

Síminn ákvað í gær að taka úr umferð útvarpsauglýsingu sem byggir á reiknivél Póst og fjarskiptastofnunar. Fréttastofa Stöðvar 2 og Vísis sagði frá því á miðvikudaginn að ódýrast væri að vera í áskrift hjá Símanum og byggði fréttina á reiknivél Póst og fjarskiptastofnunar. Síminn auglýsti svo í útvarpi og byggði auglýsinguna á sömu tölum og komu fram í fréttinni.

Gros kostar um fimm milljónir

Seðlabankinn greiðir þann umframkostnað sem hlýst af því að útlendingurinn Daniel Gros situr í bankaráði bankans. Nemur kostnaðurinn um fimm milljónum króna á ári og hlýst af ferðalögum, þýðingum skjala og túlkun á fundum.

Hlutafjárútboði Marel lokið

Stjórn Marel Food Systems hf. (Marel) ákvað að taka tilboðum að upphæð 7 milljarðar króna, sem jafngildir 38 milljónum evra, eftir velheppnað hlutafjárútboð á meðal fagfjárfesta sem lauk í dag samkvæmt tilkynningu frá fyrirtækinu.

Yfirlýsing frá útibússtjóra Byrs vegna Exeter

Auður Arna Eiríksdóttir, útibússtjóri Byrs í Borgartúni vill koma á framfæri eftirfarandi leiðréttingu vegna fréttaflutnings síðastliðna daga í tengslum við skoðun á lánveitingum Byrs til Exeter Holdings og tengdum viðskiptagjörningum:

Century Aluminum lækkaði mest í dag

Century Aluminum Company lækkaði mest allra fyrirtækja í Kauphöllinni í dag, eða um 2,67%. Viðskipti með bréf í félaginu námu um 3,7 milljónum. Marel lækkaði um 2,09og Össur lækkaði um 1,87%. Krónan hækkaði um 0,2%.

Skuldatryggingarálagið á ríkissjóð rýkur upp

Skuldatryggingarálagið á ríkissjóð hefur rokið upp í dag eins og raunar hjá mörgum öðrum þjóðum. Það stendur nú í 427 punktum samkvæmt mælingu Credit Market Analysis (CMA) og hefur ekki verið hærra síðan í haust.

Orkuveitan ætlar að framkvæma fyrir 18 milljarða

Orkuveita Reykjavíkur mun standa að framkvæmdum fyrir 18 milljarða króna á næsta ári, samkvæmt fjárhagsáætlun fyrirtækisins. Fjárhagsáæltunin var samþykkt á fundi stjórnar OR í dag.

Spölur tapaði 129 milljónum á rekstrarárinu

Tap Spalar ehf eftir skatta fyrir rekstarárið 1. október 2008 til 30. september 2009 nam kr. 129 milljónum kr. en tap á tímabilinu 1. október 2007 til 30. september 2008 nam 220 milljónum kr.

Sjá næstu 50 fréttir

Mest lesið