Dularfullur sjóður

Stærsti erlendi kröfuhafinn í gamla Glitni, sem á 95 prósent í Íslandsbanka, virðist hvorki vera með starfsfólk né síma, þótt finna megi heimilisfang í Dyflinni. Þetta er írskur sjóður sem stofnaður var á árinu og gerir hann 150 milljarða króna kröfur í þrotabú bankans. Skilanefnd og slitastjórn vita fátt.

Century Aluminum Company hækkaði um 3,42%

Century Aluminum Company, móðurfélag Norðuráls, hækkaði um 3,42% í tveggja milljóna króna viðskiptum í dag. Össur hækkaði um 0,72% og Marel um 0,63%. Bréf í Icelandair lækkuðu um 3,95% en viðskiptin námu einungis 97 þúsund krónum.

Landsbankinn lækkar vexti

Landsbankinn lækkar bæði inn- og útlánsvexti sína á morgun. Vextir óverðtryggðra inn- og útlána lækka um allt að eitt prósentustig og vextir verðtryggðra inn- og útlána um allt að hálft prósentustig.

Mikil velta á skuldabréfamarkaði í kjölfar vaxtalækkunar

Mikil velta var á skuldabréfamarkaði í kjölfar vaxtalækkunar Seðlabanka Íslands með bæði Íbúðabréf sem og Ríkisbréf og héldu Skuldabréfavísitölur GAMMA hækkun sinni áfram.

Nauðasamningar Atorku samþykktir

Kröfuhafar Atorku Group hf. samþykktu á fundi í dag frumvarp til nauðasamnings fyrir félagið með yfirgnæfandi meirihluta eða yfir 90% atkvæða. Félagið mun í kjölfarið óska eftir staðfestingu Héraðsdóms Reykjaness

Spænskur banki vill milljarða vegna föllnu bankanna

Spænski Aresbankinn hefur stefnt öllum bönkunum sem reistir voru á grunni föllnu bankanna þriggja vegna peningamarkaðsinnlána. Að auki stefnir hann Fjármálaeftirlitinu og Ríkissjóði Íslands. Fyrirtaka í málinu gegn Landsbankanum fór fram í dag.

Glitnir og Bjarni Ármannsson semja um endurgreiðslur

Glitnir banki og Bjarni Ármannsson, fyrrverandi forstjóri Glitnis banka, hafa gert samkomulag um endurgreiðslu yfirverðs í hlutabréfaviðskiptum hlutafélaga í eigu Bjarna við stjórn Glitnis banka við starfslok hans sem voru í apríl 2007.

SI: Fjárfesting í steinsteypu orðin álitlegur kostur

„Í ljósi lækkandi innlánsvaxta, hækkandi fjármagnstekjuskatts, nýrra laga um takmörkun á innistæðutryggingum og takmarkaðra fjárfestingakosta þá er ekki ólíklegt að ýmsir fari að líta á fjárfestingu í steinsteypu sem álitlegan fjárfestingakost."

Reykjavík rekin með 12 milljarða króna halla

Rekstrarhallinn hjá Reykjavíkurborg á fyrstu níu mánuðum ársins nemur 12 milljörðum kr. ef A og B hluti eru teknir saman. Þá hafa skuldir borgarinnar vaxið um tæpa 31 milljarða kr. en eignir hafa aukist um rúma 19 milljarða kr.

Launakröfum æðstu stjórnenda hafnað á grundvelli gjaldþrotalaga

Slitastjórn Glitnis ákvað að hafna launakröfum allra þeirra fyrrverandi starfsmanna bankans sem sátu í framkvæmdastjórn bankans. Steinunn Guðbjartsdóttir, formaður slitastjórnar, segir að ákvörðunin sé tekin á grundvelli 112. greinar gjaldþrotalaga. Þar segir eðal annars að þeir sem hafi haft með höndum framkvæmdastjórn félags eða stofnunar sem er til gjaldþrotaskipta geti gert launakröfu í þrotabú. Slitastjórn Landsbankans hefur hins vegar ekki tekið afstöðu til sama lagaákvæðis.

OR fékk viðurkenningu Orkusetursins fyrir góða vefsíðu

Í dag veitti Orkusetrið Orkuveitu Reykjavíkur (OR) viðurkenningu fyrir vefinn „Orkan mín" sem framúrskarandi lausn fyrir viðskiptavini.

Skuldatryggingarálag ríkissjóðs rýkur upp um 60 punkta

Skuldatryggingarálag ríkissjóðs rauk upp um 60 punkta í morgun í kjölfar tilkynningar Seðlabankans um lækkun stýrivaxta. Stendur álagið nú í 461 punkti samkvæmt daglegu fréttabréfi Credit Market Analysis (CMA).

Samruni Torfagarðs, Íslenskrar vöruþróunar og Vogabæjar heimilaður

Samkeppniseftirlitið telur ekki ástæðu til þess að aðhafast vegna samruna Kaupfélags Skagfirðinga svf. öðru nafni Torfgarðs ehf., Íslenskrar vöruþróunar ehf. og Vogabæjar ehf.

Samkeppniseftirlitið segir einokun ríkja í mjólkuriðnaði

Samruni Kaupfélags Skagfirðinga (KS) og Mjólku er samkeppnishamlandi, en búvörulög koma í veg fyrir að Samkeppniseftirlitið geti gripið til aðgerða. Með samrunanum hefur myndast einokun í mjólkuriðnaði í skjóli búvörulaga.

Guðbjörg gerir tæplega 60 milljóna króna kröfu í Glitni

Kristinn ehf, félag í eigu Guðbjargar Matthíasdóttur, aðaleiganda Ísfélagsins í Vestmannaeyjum, gerir 58 milljóna króna kröfu í þrotabú Glitnis. Þetta kemur fram í kröfuhafalista sem fréttastofa hefur undir höndum. Sama félag seldi tæplega 2% hlut í bankanum í vikunni fyrir hrun bankans fyrir tæpa sex milljarða króna.

FME kannar hvort Magnús og stjórnendur Straums hafi brotið lög

Fjármálaeftirlitið ætlar að kanna hvort Magnús Þorsteinssson og stjórnendur Straums Burðaráss hafi brotið lög um verðbréfaviskipti þegar bankinn lánaði Magnúsi tæplega einn milljarð króna til að kaupa á hlut í Icelandic Group. Magnús viðurkenndi meint brot þegar hann bar vitni fyrir Héraðsdómi Norðurlands í síðustu viku.

Gera alvarlegar athugasemdir við skattabreytingar

Ýmis samtök atvinnulífsins gera alvarlegar athugasemdir við boðaðar skattabreytingar stjórnvalda. Telja þau að breytingarnar hafi í för með sér ýmislegt óhagræði og aukinn kostnað.

Heildarkröfur Bjarna rúmir fjórir milljarðar

Félög í eigu Bjarna Ármannssonar, fyrrverandi bankastjóra Glitnis, gera samtals 4,2 milljarða króna kröfu í þrotabú Glitnis. Í morgun sagði fréttastofa frá því að kröfur Bjarna næmu rúmum 200 milljónum en við nánari skoðun á kröfulýsingaskrá kom í ljós að þær eru mun hærri.

Peningastefnunefnd: Útboð innistæðubréfa virka

Í yfirlýsingu peningastefnunefndarinnar um vaxtaákvörðunina í morgun segir að útboð innstæðubréfa til 28 daga í því skyni að draga úr lausafé í umferð hafa skilað tilætluðum árangri.

Már: Forsendur fyrir áframhaldandi vaxtalækkunum

Már Guðmundsson seðlabankastjóri telur að forsendur séu fyrir áframhaldandi vaxtalækkunum. Eins og kunnugt er lækkaði peningastefnunefnd Seðlabankans stýrivexti sína um eitt prósentustig í morgun sem var töluvert meir en sérfræðingar höfðu spáð.

Meira jafnvægi er að komast á einkaneyslu landsmanna

Greining Íslandsbanka segir að nýlegar hagtölur bendi til þess að einkaneysla sé að komast í meira jafnvægi en hún hefur verið síðan fjármálakreppan skall á Ísland af fullum þunga í fyrrahaust.

Fyrrverandi starfsmenn gera 7,4 milljarða króna kröfu

Fyrrverandi starfsmenn Glitnis gera samtals 7,4 milljarða króna kröfu í þrotabú bankans. Þetta kemur fram í kröfuskránni sem fréttastofa hefur undir höndum.

Bjarni krefst samtals 210 milljóna úr þrotabúi Glitnis

Bjarni Ármannsson krefst samtals 210 milljóna króna úr þrotabúi Glitnis banka, samkvæmt kröfuhafalista bankans sem fréttastofa hefur undir höndum. Kröfuna gerir Bjarni í gegnum tvö félög sín, 130 milljónir í gegnum Sjávarsýn ehf. og 80 milljónir í gegnum Landsýn ehf. Kröfurnar eru tilkomnar vegna skuldabréfa.

Tæplega 80% brottfluttra Íslendinga snúa aftur heim

Allt að 79% íslenskra ríkisborgara sem flytja búferlum til útlanda snúa aftur til Íslands eftir að meðaltali 2,4 ára dvöl. Erlendir ríkisborgarar sem fara af landi brott snúa til baka í mun minna mæli, eins og við má búast, en 17% þeirra hafa þó snúið til baka eftir innan við ársdvöl erlendis.

Skilanefnd Glitnis veit engin deili á stærsta erlenda kröfuhafanum

Skilanefnd Glitnis veit engin deili á Burlington Loan Management sem er stærsti erlendi kröfuhafi bankans samkvæmt kröfuhafaskrá sem sett var á netið í gærkvöldi. Samtals nema kröfur Burlington hátt í 150 milljarða kr.

Félag í eigu Bjarna krefst 130 milljóna úr búi Glitnis

Sjávarsýn ehf., félag í eigu Bjarna Ármannssonar, gerir 129,5 milljóna króna kröfu í þrotabú Glitnis. Þetta kemur fram í kröfuskrá bankans sem birt var kröfuhöfum í nótt. Krafan fellur undir almennar kröfur. Bjarni var bankastjóri Glitnis til ársins 2007.

Landsbankinn með hæstu kröfurnar í Glitni

Landsbankinn gerir hæstu kröfurnar í Glitni af innlendum aðilum eða samtals tæplega 140 milljarða kr. Hinsvegar á Glitnir í Lúixemborg stærstu einstöku kröfuna en hún hljóðar upp á 126,4 milljarða kr.

Stýrivextir lækka um eitt prósentustig

Vextir á viðskiptareikningum innlánsstofnana lækka um 0,5 prósentur í 8,5%, samkvæmt ákvörðunar Peningastefnunefndar Seðlabanka Íslands.

Burlington Loan Management er stærsti erlendi kröfuhafi Glitnis

Írska fjármálafyrirtækið Burlington Loan Management er stærsti erlendi kröfuhafi Glitnis samkvæmt kröfuhafaskrá bankans. Heildarkröfur Burlington nema hátt í 150 milljörðum kr.

Birna gerir 12,5 milljóna kröfu í þrotabú Glitnis

Birna Einarsdóttir, bankastjóri Íslandsbanka, er ein af fjölmörgum fyrrverandi starfsmönnum Glitnis sem gerir kröfu í þrotabú bankans. Samkvæmt kröfuhafalista Glitnis sem fréttastofa hefur undir höndum nema kröfur Birnu rétt tæpum 12,5 milljónum króna.

Tæplega 8.700 kröfum lýst í þrotabú Glitnis

Allir sem sátu í framkvæmdastjórn Glitnis, fram að gjaldþroti bankans fyrir rúmu ári, gera kröfur í þrotabú hans en tæplega 8.700 kröfum var lýst í búið, samkvæmt tilkynningu frá Slitastjórn Glitnis í gærkvöldi.

Fjárfestar kjósa ríkisskjólið

Fjárfestar hafa fengið góða ávöxtun á íslensk skuldabréf á þessu ári, eða allt frá átján til 21 prósents að meðaltali. Þetta á við um alla skuldabréfaflokka, að sögn Magnúsar Harðarsonar, forstöðumanns viðskiptasviðs Kauphallarinnar.

Samstaða um fjárhagsáætlun

114 milljóna króna afgangur verður á rekstri A hluta Dalvíkurbyggðar á næsta ári. Að teknu tilliti til halla á B hlutanum verður afgangur bæjarfélagsins 95 milljónir, samkvæmt fjárhagsáætlun 2010.

Vandræðaástand skapast um áramótin vegna nýja skattkerfisins

Garðar Valdimarsson, fyrrverandi ríkisskattstjóri, óttast að vandræðaástand muni skapast um áramótin þegar farið verði að greiða laun eftir nýju skattkerfi. „Þetta eru gríðarlega miklar breytingar vegna þessa að við höfum verið með eitt skattþrep undanfarin ár," segir Garðar en rætt var við hann í seinnifréttum Ríkissjónvarpsins.

Kaupþingsdómurinn sendir sterk skilaboð

Dómstólar virðast með dómnum vilja marka þáttaskil og senda sterk skilaboð út í þjóðfélagið. Þetta segir Jónatan Þórmundsson, sérfræðingur í refsirétti og fyrrverandi ríkissaksóknari, um 8 mánaða fangelsisdóm yfir tveimur fyrrverandi starfsmönnum Kaupþings.

Össur hækkaði 2,21%

Össur hækkaði um 2,21% í dag í viðskiptum sem námu samtals tæpum 23 milljónum króna. Marel hækkaði um 1,45% og Century Aluminum Company lækkaði um 1,87%.

Heildarvelta á skuldabréfamarkaði nam rúmum 11 milljörðum í dag

Mesti hluti veltunnar á skuldabréfamarkaði í dag var með Íbúðabréf (HFF) eða um 8,6ma og þar af 3,6 milljarðar með HFF 2014.

LÍÚ: Reglur sjávarútvegsráðherra brot á samningi við ESB

Framkvæmdastjóri LÍÚ, Friðrik J. Arngrímsson, segir nýjar reglur sjávarútvegsráðherra um 5% álag til aflamarks á útflutning ísfisks frá og með 1. janúar næstkomandi fela í sér mismunun. Þær séu jafnframt brot á samningi Íslands og ESB um bættan markaðsaðgang fyrir sjávarafurðir.

Nauðungarsölum á fasteignum í Reykjavík fjölgar um 25% í ár

Í lok nóvember höfðu 205 fasteignir verið seldar nauðungarsölu hjá sýslumanninum í Reykjavík á árinu 2009. Allt árið í fyrra voru þessar nauðungarsölur 161 talsins þannig að þeim hefur fjölgað um ríflega 25% á milli áranna.

Dómsniðurstaðan vonbrigði fyrir verjanda

„Dómsniðurstaðan er vonbrigði og við erum að skoða hvort við áfrýjum," segir Hákon Þorsteinsson, lögmaður Stefnis Agnarssonar, fyrrverandi verðbréfamiðlara hjá Kaupþingi.

Aukin sókn í leiguhúsnæði, samningum fjölgar um 47%

Alls var þinglýst 764 leigusamningum nú í nóvembermánuði sem eru 12% aukning frá sama mánuði í fyrra. Á milli ára í heild er um 47% aukningu að ræða. Þessi aukning er í takt við þá þróun sem hefur verið á árinu sem lýsir sér í aukinni sókn í leiguhúsnæði.

Heimildir til starfsloka- og kaupaukasamninga takmarkaðar

Heimildir fjármálafyrirtækja til að gera starfslokasamninga og svokallaða kaupaukasamninga við starfsmenn og stjórnendur sína verða takmarkaðar, nái frumvarp um breytingar á lögum um starfsemi fjármálafyrirtækja fram að ganga.

Jólaverslunin virðist fara rólega af stað í ár

Jólaverslunin virðist fara rólega af stað. Sala á fötum og skóm jókst í nóvember frá mánuðinum á undan en samdráttur varð í öðrum vöruflokkum á föstu verðlagi. Þó ber að hafa í huga að í október voru fimm helgar en í nóvember voru þær fjórar.

Minni landflótti erlendra ríkisborgara en vænta mátti

„Það hefur vakið undrun margra hversu lítið innflytjendum hér á landi hefur fækkað núna í kreppunni. Um síðustu áramót voru 28.644 innflytjendur hér á landi eða 9% mannfjöldans. Á fyrstu níu mánuðum ársins fluttu 3.538 erlendir ríkisborgarar frá landinu en 2.793 til landsins þannig að innflytjendum hefur fækkað um 745 á tímabilin, eða um 2,6%."

Saksóknari: Mikilvægt að fá efnislega niðurstöðu í málið

„Það er aldrei gaman að menn fái dóma, en það er ágætt að Héraðsdómur féllst á málatilbúnað okkar í þessu máli,“ segir Helgi Magnús Gunnarsson, yfirmaður Efnahagsbrotadeildar Ríkislögreglustjóra.