Fleiri fréttir

Titan Global sækir um lóð undir gagnaver á Grundartanga

Titan Global hefur sótt um lóð undir gagnaver á Grundartanga. Erindi Titan Global var rætt á fundi stjórnar Faxaflóahafna í morgun en Titan Global hefur formlega óskað eftir viðræðum um gerð og undirritun viljayfirlýsingar um úthlutun lóðarinnar.

Opinberum starfsmönnum hefur fjölgað um 27% frá árinu 2000

Opinberum starfsmönnum hefur fjölgað um 27% frá árinu 2000. Samtals voru stöðugildin 28.700 árið 2000 en voru orðin 37.400 talsins í apríl s.l. Hlutfallsleg aukning á tímabilinu er því 27%, 29% hjá ríkinu og 32% hjá sveitarfélögum.

Enn frost á fasteignamarkaðinum

Fjöldi þinglýstra kaupsamninga á höfuðborgarsvæðinu 13. nóvember til og með 19. nóvember 2009 var 47. Þar af voru 33 samningar um eignir í fjölbýli, 10 samningar um sérbýli og 4 samningar um annars konar eignir en íbúðarhúsnæði. Heildarveltan var 1.197 milljónir króna og meðalupphæð á samning 25,5 milljónir króna.

Havilland þjónustar Tortólufélag Gunnlaugs Sigmundssonar

„Eitt af félögunum sem Havilland sér nú um er GSSG Holding, stofnað í desember 2000 á heimilisfangi Kaupþings. Í félagið voru þá lagðar 260 milljónir króna. Eins og oft voru það tvö Tortólufélög í eigu Kaupþings sem stofnuðu félagið. Stjórnarmaður í félaginu var þá Gunnlaugur Sigmundsson sem var þingmaður Framsóknar 1995-1999 og hefur víða komið við í íslensku viðskiptalífi."

Nýtt nafn Kaupþings kynnt í dag

Tilkynnt verður um nýtt nafn Nýja Kaupþings banka í dag á starfsmannafundi sem boðað hefur verið til í Hafnarhúsinu klukkan fimm að því er heimildir fréttastofu herma. Bankinn fór í mikla stefnumótunarvinnu eftir bankahrunið með það fyrir augum að bæta laskaða ímynd sína.

Forstjóri Atlantic Petroleum hættir strax

Wilhelm Petersen forstjóri Atlantic Petroleum lætur af starfi sínu strax í dag samkvæmt tilkynningu frá félaginu til kauphallarinnar. Wilhelm mun verða félaginu innanhandar sem ráðgjafi næsta árið.

Vilhjálmur: Ekki verður fallist á neinar skattahækkanir 2011

Vilhjálmur Egilsson, framkvæmdastjóri SA bendir á að ríkisstjórnin hafi tæmt skattahækkunarpokann og ekki verði hægt að fallast á neinar frekari skattahækkanir vegna fjárlaga fyrir árið 2011. Þá þurfi að mæta allri aðlögunarþörfinni með lækkun útgjalda.

FME rannsakar 13 alþjóðleg fjársvikamál

Fjármálaeftirlitið (FME) rannsakar nú 13 alþjóðleg fjársvikamál, það er mál sem hafa tengingu utan Íslands. Gunnar Andersen forstjóri FME segir í samtali við Bloomberg að þessi mál verði rekin fyrir dómstólum í nokkrum löndum auk Íslands.

Tæplega 48% afþökkuðu greiðslujöfnun hjá ÍLS

Alls afþökkuðu tæp 48% einstaklinga greiðslujöfnun hjá Íbúðalánasjóði (ÍLS) en á miðnætti í gær rann út frestur til að afþakka greiðslujöfnun fasteignaveðlána vegna gjalddaga í desember. Öll slík lán voru nýlega með lögum sjálfkrafa sett í greiðslujöfnun.

Sexföldun á búferlaflutningi Íslendinga til Noregs

Samkvæmt upplýsingum frá Hagstofu Noregs hafa búferlaflutningar Íslendinga til Noregs sexfaldast í ár. Í umfjöllun vefsíðunnar e24.no segir að kreppan á Íslandi hefur valdið því að Íslendingar flytja til annarra landa í miklum mæli.

Seðlabankinn: Kúlulán fela vanskilavanda fyrirtækja

„Áætlað er að fjórðungur fyrirtækja sé í vanskilum. Það er þó sennilega vanmat, því að þriðjungur lána fyrirtækja eru kúlulán og vanskil kúlulána koma sjaldan í ljós fyrr en þau falla í gjalddaga vegna þess að venjulega þarf ekki að greiða vexti af þeim fyrr en þá."

OECD: Lífsnauðsyn að koma ríkisfjármálum á réttan kjöl

Aðgerðir til að koma ríkisfjármálunum á réttan kjöl eru sagðar lífsnauðsynlegar í Íslandskafla nýrrar hagspár Efnahags- og framfarastofnunarinnar (OECD). Lögð er áhersla á að þær verði að fullu komnar til framkvæmda hið fyrsta til þess að rekstur ríkissjóðs verði sjálfbær á ný.

Fjármálafurstar flykkjast úr landi í öruggt skjól

Bankastjórar og aðrir kaupsýslumenn sem voru í fararbroddi útrásarinnar hafa nú flutt lögheimili erlendis þar sem þeir dveljast í öruggu skjóli frá riftunarkröfum skilanefnda föllnu bankanna. Skilanefndirnar vilja að ráðherra beiti sér fyrir lagabreytingum.

Einn í peningastefnunefnd vildi óbreytta vexti

Á síðasta fundi peningastefnunefndar Seðlabanka Ísland lagði Már Guðmundsson, seðlabankastjóri til að innlánsvextir yrðu lækkaðir um 0,5 prósentur í 9,0% og að hámarksfjárhæð í vikulegum útboðum innstæðubréfa til 28 daga yrði aukin úr 25 milljarða krónum í 30 milljarða króna með 9,5% lágmarksvöxtum og 10,25% hámarksvöxtum, sem felur í sér 0,25 prósentna hækkun hámarksvaxta.

Atlantic Airways hækkaði mest

Færeyska flugfélagið Atlantic Airways hækkaði mest í Kauphöllinni í dag eða um 1,43%. Viðskipti með bréf í félaginu voru þó sáralítil. Össur hækkaði um 0,37% og Marel um 0,15%.

Hafnir landsins innheimta ekki farþegaskatt fyrir ríkissjóð

„Stjórn Hafnasambands Íslands mótmælir harðlega öllum hugmyndum um upptöku nýs skatts á ferðamenn á Íslandi og hækkun vitagjalds, en hvort tveggja mun leiða til aukinnar gjaldtöku af farþegum og útgerðum skemmtiferðaskipa sem leggja leið sína til landsins."

Viðskiptaráð sér jákvæð tíðindi í skattabreytingum

„Jákvæðu tíðindin við útfærsluna sem kynnt var í gær felast í þeirri staðreynd að heildaraukning skattheimtu er minni en upphaflega var gert ráð fyrir. Samanlagðar tekjur af almennum tekjuskatti einstaklinga og fjármagnstekjur eru þannig áætlaðar 117 milljarðar kr. í stað upphaflegra áætlunar um 143 milljarða kr. skattheimtu. Einnig hafa áætlanir um auðlinda- og orkuskatt verið endurskoðaðar til lækkunar."

Baldur þarf sjálfur að bera kyrrsetninguna undir dómstóla

Rannsókn á máli Baldurs Guðlaugssonar, fyrrverandi ráðuneytisstjóra, er langt komin. Baldur þarf sjálfur að bera ákvörðun um kyrrsetningu eigna sinna undir dómstóla vilji hann hnekkja henni. Baldur er hæst setti embættismaður Íslendinga sem hefur verið til rannsóknar af ákæruvaldi vegna gruns um brot.

Engin bankaafgreiðsla á Hofsósi

Engin bankaafgreiðsla er á Hofsósi eftir að útibú Nýja Kaupþings lokar þar. Þetta kemur fram í ályktun byggðarráðs Skagafjarðar sem mótmælir áformum um lokun bankaútibúsins.

FÍS: Alvarlegar athugasemdir við skattahugmyndir

Félag íslenskra stórkaupmanna (FÍS) gerir alvarlegar athugasemdir við skattahugmyndir ríkisstjórnarinnar sem kynntar voru í gær og þá sérstaklega það sem snýr að tryggingagjaldi og fjölgun skattþrepa virðisaukaskatts.

Nýir skattar hækka höfuðstól íbúðalána um 15-16 milljarða

Skattabreytingarnar sem kynntar hafa verið munu leiða til 15-16 milljarða kr. hækkunar á höfuðstól íbúðalána landsmanna á komandi mánuðum. Þegar frá líður mun hækkun á beinum og óbeinum sköttum þó verða til þess að minnka verðbólguþrýsting vegna neikvæðra áhrifa á innlenda eftirspurn.

OECD: Kreppan dýpri og langvarandi hérlendis

Kreppan hér á landi verður bæði dýpri og meira langvarandi en að meðaltali í aðildarríkjum OECD samkvæmt spá stofnunarinnar. Verður samdrátturinn að meðaltali 3,5% í ár í aðildarríkjum OECD á þessu ári.

Verði krafan samþykkt rennur hún til velferðamála

Fyrrum framkvæmdarstjóri Landsbankans, Yngvi Örn Kristinsson, hefur gefið út yfirlýsingu vegna launakröfu sem hann og fleiri fyrrum starfsmenn Landsbankans hafa gert í þrotabú Landsbankans. Hann gerir 229 milljón króna kröfu í þrotabúið.

Rúmlega 38% lántakenda ÍLS afþakka greiðslujöfnun

Um kl. 9:30 í morgun höfðu 18.657 einstaklingar afþakkað greiðslujöfnun á 30.514 lánum hjá Íbúðalánasjóði (ÍLS). Þetta eru 38,5% allra lántakenda hjá Íbúðalánasjóði og 37,4% af fjölda lána.

OECD: Reiknar með 7% atvinnuleysi næsta ár

Í nýrri skýrslu OECD um horfurnar í efnahagsmálum heimsins (Economic Outlook) reiknar stofnunin með að atvinnuleysi á Íslandi verði um 7% á næsta ári en minnki svo í 6,4% árið 2011. OECD telur að niðursveiflan á Íslandi haldi áfram þar til snemma á næsta ári.

Grundartangi á sléttu með álverðið í 1.275 dollurum á tonnið

Mike Bless fjármálastjóri Century Aluminium, móðurfélags Norðuráls, segir að félaginu hafi tekist að reka álver sitt á Grundartanga á sléttu þegar álverðið fór niður í 1.275 dollara á tonnið í mars s.l. Þetta hafi verið hægt vegna þess hve raforkuverðið á Íslandi er hagstætt félaginu.

FME sektar SP-Fjármögnun og Sparisjóð Mýrarsýslu

Fjármálaeftirlitið (FME) hefur sektað SP-Fjármögnun og Sparisjóð Mýrarsýslu fyrir brot á lögum um verðbréfaviðskipti. SP-Fjármögnun var sektuð um 400.000 kr. og Sparisjóður Mýrarsýslu um 700.000 kr.

Helguvík hefji starfsemi snemma árs 2012

Century Aluminum gerir ráð fyrir að álbræðsla hefjist í álveri fyrirtækisins í Helguvík snemma árs 2012. Þetta kom fram í ræðu fjármálastjóra fyrirtækisins Mike Bless á ráðstefnu fjárfesta í ál- og námavinnslu sem fram fór í gær.

Lífsýnasafnið ekki til sölu

Saga Investments býður 1,7 milljarða króna fyrir Íslenska erfðagreiningu. Erlendir fjölmiðlar segja DeCode hafa runnið út á tíma. Þeir hafa áhyggjur af lífsýnabanka Íslenskrar erfðagreiningar.

Fasteignafélag N1 skuldum hlaðið

Umtak, félag sem heldur utan um fasteignir olíufélagsins N1, skuldaði 13,5 milljarða króna í lok árs 2007. Í lok ársins átti félagið eignir á móti skuldum, eða fyrir tæpa 14,4 milljarða króna.

Skuldabréfið ófundið

Skilanefnd Glitnis hefur enn ekki fundið hvar skuldabréfakrafa upp á 140 milljarða króna liggur í bókhaldi þrotabús gamla bankans.

FME sektar Bakkabræður

Fjármálaeftirlitið hefur sektað Bakkabræður um fimm milljónir króna vegna brots á lögum um verðbréfaviðskipti.

Steypustöðin í opið söluferli

Fyrirtækjaráðgjöf Íslandsbanka hefur verið falið að annast ráðgjöf og formlegt ferli sem lýtur að mögulegri sölu á Steypustöðinni ehf., sem er í dag að fullu í eigu dótturfélags Íslandsbanka hf.

Samtök ferðaþjónustunnar ósátt með skattahækkanir

Ferðaþjónustufyrirtækin hafa fyrir löngu gert samninga um verð fyrir árið 2010. Þess vegna er ótækt að hækka skatta á þau fyrirvaralaust, að mati Samtaka ferðaþjónustunnar. Samkvæmt tillögum ríkisstjórnarinnar í dag verða alsverðar hækkanir á sköttum og gjöldum í ferðaþjónustu.

Móðurfélag Norðuráls hækkaði um 4,36%

Century Aluminum Company, móðurfélag Norðuráls, hækkaði um 4,36% í Kauphöllinni í dag. Össur hækkaði um 0,37% og Marel hækkaði um 0,15%. Ekkert félag lækkaði. Viðskipti með Century Aluminum Company námu reyndar einungis um 332 þúsund krónum. Krónan stóð í stað.

Sjá næstu 50 fréttir

Mest lesið