Nýr þáttur í bígerð

Fólk með Sirrý hefur undanfarin fimm ár verið einhver allra vinsælasti spjallþáttur í íslensku sjónvarpi. Núna finnst þáttastjórnandanum, Sigríði Arnardóttur, vera orðið tímabært að breyta til en síðasti Fólk-þátturinn fer í loftið 21. desember.

Níu báta fækkun á tveimur árum

Sú var tíðin að útgerð og fiskverkun var blómleg á Stöðvarfirði. Nú er aðeins ein lítil fiskverkun eftir; Skútuklöpp í eigu þeirra Guðna Brynjars Ársælssonar, Páls Óskarssonar, Grétars Arnþórssonar og útgerðarinnar Lukku ehf. Skútuklöpp er fimm ára gamalt fyrirtæki, saltaði lengst af fisk og stundar tilraunaeldi á þorski. Nú er saltfiskverkunin að mestu fyrir bí, vegna gengismála.

Úlpan hafin til flugs

Hafnfirska rokksveitin Úlpa heldur útgáfutónleika á fimmtudag vegna annarrar plötu sinnar, Attempted Flight by Winged Men, sem kom nýverið út á vegum 12 Tóna. Fyrsta plata Úlpu, Mea Culpa, kom út fyrir fjórum árum og því hafa margir beðið nýju plötunnar með mikilli eftirvæntingu.

Clint heiðraður í bak og fyrir

Clint Eastwood ætti ekki að fara varhluta af heiðursverðlaunum á næstunni. Samtök kvikmyndaleikstjóra (DGA) ætla að afhenda honum viðurkenningu fyrir framlag sitt til kvikmyndagerðar og samtök framleiðanda (PGA) ætla að heiðra hann með sams konar hætti. Athafnirnar fara fram með sex daga millibili í byrjun næsta árs.

Goðsögnin lifir áfram

Aldarfjórðungur er í dag liðinn frá því Bítillinn fyrrverandi John Lennon var myrtur fyrir utan Dakóta-bygginguna í New York. Lennon var aðeins fertugur þegar ódæðið var framið. Sökudólgurinn var Mark Chapman, sem fyrr um daginn hafði fengið eiginhandaráritun hjá goðinu.

Leiðarvísir að Stuart Price

Egeland tekur sér frí

Velgegni skáldsögunnar Við enda hringsins eftir norska rithöfundinn Tom Egeland hefur orðið til þess að hann getur tekið sér árs frí frá starfi sínu sem fréttastjóri sjónvarpsstöðvarinnar TV2 í Noregi og mun því einbeita sér að ritstörfum á næstunni. Við enda hringsins kom út í íslenskri þýðingu fyrir skömmu. Hún þykir minna um margt á Da Vinci lykilinn eftir Dan Brown en Egeland skrifaði hana tveimur árum áður en Da Vinci lykillinn kom út.

Gibson hefur nóg á sinni könnu

Mel Gibson hefur í fyrsta skipti tjáð sig um sitt næsta verkefni sem ber heitið ­Apoc­alypto.­ Mikil leynd hefur hvílt yfir henni en eftir velgengni The Passion of Christ getur Mel Gibson gert hvað sem er... og þá þýðir það hvað sem er. Það hefur til að mynda enginn kippt sér upp við það að Apocalypto á að gerast fyrir sex hundruð árum hjá Mayum og mun víst varpa ljósi á hið undarlega hrun menningarþjóðarinnar áður en Spánverjar námu land í Mið-Ameríku.

Félagsmiðstöðvar fá gefins eintök

Rokksveitin Pan hefur í tilefni jólanna ákveðið að gefa plötu sína Virgins, sem kom út fyrr á árinu, öllum félagsmiðstöðvum á höfuðborgarsvæðinu. Þær eru um fjörutíu talsins.

Breytt Sienna

Leikkonan Sienna Miller hefur tekið til í fataskápnum sínum því hún segist skammast sín fyrir fötin sem hún gekk eitt sinn í. Hún segir það einnig koma sér mjög á óvart hversu margar konur herma eftir fatastíl hennar þar sem hún telur sig hafa litið hræðilega út.

Þriðja táknið til Bandaríkjanna

Bókaforlagið Veröld hefur gengið frá samningum um útgáfu á Þriðja tákninu eftir Yrsu Sigurðardóttur og næstu bók hennar, sem enn er óskrifuð, í Bandaríkjunum og Kanada. David Highfill, útgáfustjóri hjá HarperCollins, tryggði sér útgáfuréttinn eftir uppboð milli bandarískra bókaforlaga sem stóð í nær tvær vikur.

Vaughn slapp með skrekkinn

Rómantík og ribbaldar

Það styttist enn frekar í stórmyndina King Kong sem frumsýnd verður miðvikudaginn 14. desember. Fram að því ætlar Reese Witherspoon að stytta okkur stundirnar með því að ganga aftur og þeir John Cusack og Billy Bob Thornton komast í hann krappan þegar þeir reyna svíkja fé út úr glæpaforingja í Wichita.

Ósátt við Alþingi

Sjálfstæðir leikhópar eru afar ósáttir við afgreiðslu alþingis á úthlutun aukafjárveitingar upp á tíu milljónir sem fer til Borgarleikhússins í staðinn fyrir að renna til starfsemi sjálfstæðu leikhópanna.

Spilar jólalög í kántrísveiflu

Kántrísveit Baggalúts efnir til útgáfutónleika á Nasa í kvöld vegna plötunnar Pabbi þarf að vinna. Á tónleikunum mun sveitin spila kraumandi sveitatónlist með þjóðlegu aðventuívafi. Tónleikarnir hefjast klukkan rúmlega 22.00. Sérstakur leynigestur verður Rúnar Júlíusson.

Tónleikar til heiðurs Rabba

Vinir, vandamenn og velunnarar Rafns Jónssonar heitins, eða Rabba, halda tónleika á Grand Rokki í kvöld til að heiðra minningu hans. Rabbi, sem lést síðasta sumar, hefði orðið 51 árs í dag.

Treflunum steypt af stóli í nýjum þætti á Sirkus

Sjónvarpsstöðin Sirkus auglýsti á dögunum eftir hugmyndum að íslenskum sjónvarpsþáttum. Viðbrögðin létu ekki á sér standa en stöðinni bárust 140 hugmyndir frá fólki á öllum aldri í allskonar formi. Einn þáttur á þó eflaust eftir að vekja mikla athygli þegar hann birtist á skjánum en í upphafi næsta árs mun Egill Gilzenegger ásamt félögum sínum af heimasíðunni kallarnir.is, þeim Hjöbba Ká og Partý Hanza, vera með þátt sem á sér engan líkan að sögn kraftajötunsins.

Dagskrárgerðarmenn breyttu Einari Áskeli í melludólg

Geimsteinn lendir í Borgarleikahúsinu

Ómetanlegur stuðningur

Auglýsa allt of mikið

Bandaríska söngkonan Whitney Houston hefur gagnrýnt ungar söngkonur á borð við Christinu Aguilera, Beyoncé Knowles og Britney Spears fyrir að vera of ginkeyptar fyrir því að leika í auglýsingum.

Tónlistin endurheimt fyrir útgáfutónleika

Tregablandin fegurð Helga

Um næstu helgi lýkur sýningu Helga Þorgils Friðjónssonar í Listasafninu á Akureyri. Sýningunni, sem ber heitið Tregablandin fegurð, er ætlað að veita yfirlit yfir feril Helga á undanförnum árum og hefur að geyma mörg af hans áhrifamestu málverkum, auk vatnslitamynda og skúlptúra. Helgi Þorgils hefur skipað sér í hóp okkar merkustu listmálara með afar sérstöku myndmáli og tækni sem orðið hefur æ fágaðri og hnitmiðaðri eftir því sem árin hafa liðið.

Nornatími á Norðurlöndum

JPV Útgáfa hefur gengið frá sölu á útgáfurétti sakamálasögunnar Tíma nornarinnar, eftir Árna Þórarinsson, til Danmerkur, Noregs, Svíþjóðar og Finnlands. Jóhann Páll Valdimarsson, útgefandi bókarinnar, segir útgefendur víða um heim hafa haft bókina til skoðunar undanfarið en þegar það fréttist að hún hefði hlotið tilnefningu til Íslensku bókmenntaverðlaunanna brugðust norrænir útgefendur skjótt við.

Veiðimaðurinn Uma

Bandaríska leikkonan Uma Thurman er í veiðihug. Hún hefur þó ekki í hyggju að fá sér skotleyfi heldur hyggst Kill Bill-leikkonan ná sér í kærasta. Hún hefur verið að hitta hóteleigandann Andre Balazs en tekur skýrt fram í viðtölum að hún sé ekki bundin í báða skó.

Miðasala að hefjast

Miðasala á tónleika Katie Melua sem verða í Laugardalshöll 31. mars hefst á fimmtudag. Melua er ein vinsælasta söngkona heims um þessar mundir. Hún þykir einn helsti vonar­neisti popp- og djasstónlistar og hefur þegar skipað sér í röð söluhæstu kvenna heims, aðeins 21 árs að aldri.

Íslenskir Stónsarar á Gauknum

Hinir íslensku Stónsarar koma fram á Gauki á Stöng á morgun fimmtudag. Tilefnið er útkoma nýrrar bókar um Rolling Stones í þýðingu Birgis Baldurssonar. Er sveitin skipuð einvalaliði en þýðandinn sjálfur mun lemja húðirnar.

Stúfur aftur til byggða

Jólasafnplötunni Stúfur sem út kom fyrir síðustu jól hefur nú verið dreift á ný. Allur ágóði af sölu plötunnar rennur óskiptur til Mæðrastyrksnefndar, en í fyrra söfnuðust um hundrað þúsund krónur. Hærra hlutfall af sölunni gengur til Mæðrastyrksnefndar því unnið hefur verið upp í alla kostnaðarliðina. KB Banki og Tónastöðin styrktu útgáfu plötunnar.

Eminem á toppinn

Ný safnplata frá rapparanum Eminem, Curtain Call - The Hits, fór beint á topp breska metsölulistans eftir aðeins tvo daga á lista. Skákaði hún þar plötu Madonnu, Confessions on a Dance Floor, sem hefur notið mikilla vinsælda upp á síðkastið. Þetta er fjórða platan í röð frá Eminem sem fer beint á topp breska listans.

Vill skoða nýja víddir

Ásgeir Kolbeinsson hefur sagt stöðu sinni lausri sem dagskrárstjóri FM 957 en þetta staðfesti hann í samtali við Fréttablaðið. Uppsögnin kom starfsfólki og stjórnendum stöðvarinnar nokkuð í opna skjöldu þar sem hún hefur verið að auka við vinsældir sínar jafnt og þétt á undanförnum mánuðum.

Frostrósir 2005 - Örfáir miðar lausir

Útlit er fyrir að uppselt verði á tvenna jólatónleika Frostrósanna sem haldnir verða í Laugardalshöll næstkomandi laugardag, 10. desember. Þegar er búið að selja tæplega 5.000 miða og eru um 500 miðar lausir. Þetta er einhver mesta ef ekki mesta aðsókn á tónleika íslenskra listamanna sem menn muna eftir.

Elton John giftir sig

Brúðkaup ársins í Bretlandi verður án nokkurs vafa þegar Elton John og David Furnish ganga að eiga hvorn annan þann 21. desember næstkomandi í Berkshire. Berkshire hefur áður komist í heimsfréttirnar fyrir hjónavígslu því þar gengu Karl Bretaprins og Camilla Parker Bowles í hjónaband.

Áttu meistaraverk?

Listasafn Íslands leitar að verkum eftir Snorra Arinbjarnar og Gunnlaug Blöndal. Listasafn Íslands ætlar að halda sýningar snemma á næsta ári á verkum málaranna Snorra Arinbjarnar og Gunnlaugs Blöndal. Þetta verða tvær aðskildar sýningar en nú hefur staðið yfir heimildaöflun hjá safninu á verkum þessara málara.

Það besta við jólin

"Það besta við jólin er að éta," segir Þórunn Guðmundsdóttir í samnefndu lagi, sem komið er út á geisladiski með fimmtán nýjum jólalögum sem hún hefur samið á síðustu árum. Þórunn er söngkennari og hefur auk þess starfað mikið með áhugaleikfélaginu Hugleik, meðal annars samdi hún söngleikinn Kolrössu sem sýndur var við miklar vinsældir fyrir nokkrum árum.

"Gef mér!" syngur Andrea

Andrea Gylfadóttir hefur verið ráðin í hlutverk plöntunnar í uppsetningu Leikfélags Akureyrar á söngleiknum Litlu Hryllingsbúðinni sem frumsýndur verður í febrúar. "Þetta leggst vel í mig og ég geri þetta á minn hátt," segir Andrea.

Allt í rugli hjá Britney

Þeir eru sennilega fáir almannatengslafulltrúarnir núna sem ráðleggja ungu frægu pari að taka upp raunveruleikaþátt um hveitibrauðsdagana sína. Nick Lachey og Jessica Simpson eru skilin og bendir allt til þess að Britney Spears verði brátt einstæð móðir.

Biblía Gilzenegger frestast fram í janúar

Fyrsta bók Gilzenegger, Biblía fallega fólksins, mun að öllum líkindum frestast fram í janúar en hún átti upphaflega að koma út fyrir jólin hjá bókaútgáfunni Eddu. "Ég er búinn að skrifa bókina. En það var vitað allan tímann þegar við fórum í þetta að tíminn væri tæpur. Ég náði samt að kýla á þetta og klára bókina á þremur vikum," segir Gilzenegger, sem er nokkuð sama þótt bókin komi ekki út fyrir jólin.

Frosnu tærnar tilnefndar

Skáldsagan Frosnu tærnar eftir Sigrúnu Eldjárn hefur verið tilnefnd af hálfu Íslands til Barna- og unglingabókaverðlauna Vestnorræna ráðsins árið 2006.

Hljóðsprengja á Grand Rokk

Geimkúrekinn og goðsögnin bandaríska Bob Log III mætti á Grand Rokk á laugardagskvöld og spilaði fyrir stútfullu húsi. Pönk­sveitin Rass hitaði upp áhorfendur með góðum skammti af stjórnarandstöðu og svo mætti Bob á svið í svörtum þröngum galla með flugmannahjálm sem huldi andlit hans.

Jólasprell stórsveitar

Stórsveit Reykjavíkur heldur sína árlegu jólatónleika í Þjóðleikhúskjallaranum í kvöld undir yfirskriftinni Majones jól. Stjórnandi verður Jagúarkappinn Samúel S. Samúelsson og einsöngvari hinn dularfulli, kynþokkafulli og ástsæli raulari Bogomil Font.

Selma og Chanel

Leikkonan Selma Blair hefur krækt sér í samning við Chanel og verður nú andlit Chanel Vision þar sem hún kynnir hátísku hins gríðarstóra tískuhúss. Selma er einmitt sjálf mikill aðdáandi Chanel og klæðist oftar en ekki fötum þaðan, auk þess sem hún þekkir aðalhönnuðinn Karl Lagerfeld persónulega.

Pitt vill ættleiða börn Jolie

Hjartaknúsarinn Brad Pitt ætlar að ættleiða tvö börn kærustu sinnar Angelina Jolie, þau Maddox sem er fjögurra ára og Zahara Marley sem er níu mánaða. Gangi ættleiðingin eftir fá börnin eftirnafnið Jolie-Pitt. Pitt og Jolie kynntust við tökur á myndinni Mr. and Mrs. Smith og hófu ástarsamband. Pitt skildi fyrr á árinu við Jennifer Aniston eftir fjögurra ára hjónaband.

Finnar á Íslandi fagna sjálfstæði

Vetrarborgin seldist best í nóvember

Vetrarborgin eftir Arnald Indriðason seldist best af öllum bókum í nóvember samkvæmt lista Pennans-Eymundssonar yfir metsölubækur. Í tilkynningu frá Eddu-útgáfu segir að allt frá því að bókin kom út 1. nóvember hafi hún verið í stöðugri sölu og í þeim efnum ekkert gefið eftir Kleifarvatni frá því í fyrra, en hún sló þegar upp var staðið öll met og seldist í yfir 20.000 eintökum.

Uppselt á útgáfutónleika

Uppselt er á útgáfutónleika syst­kinanna KK og Ellenar í Fríkirkjunni í Reykjavík næstkomandi fimmtudag. Þau gáfu nýlega út plötuna Jólin eru að koma sem hefur að geyma falleg jólalög í berstrípuðum kassagítarbúningi.