Mikilvægur sigur hjá KR

KR-ingar unnu í dag mikilvægan 3-2 sigur á HK í botnbaráttunni í Landsbankadeild karla. Sigur KR var verðskuldaður í kuldanum í vesturbænum og þar á bæ er útlitið örlítið bjartara fyrir vikið.

Silvestre spilar ekki meira á leiktíðinni

Franski varnarmaðurinn Mikael Silvestre hjá Manchester United spilar ekki meira með liði sínu á leiktíðinni. Hann sleit krossbönd í leiknum gegn Everton í gær og rannsókn hefur nú leitt þessi leiðinlegu tíðindi í ljós. United verður því án krafta þessa þrítuga og fjölhæfa varnarmanns á leiktíðinni.

City lagði Villa í leiðinlegum leik

Michael Johnson skoraði eina mark leiksins þegar Manchester City tryggði sér fullkominn árangur á heimavelli með 1-0 sigri á Aston Villa í ensku úrvalsdeildinni í dag. Villa-menn reyndu án afláts að jafna metin eftir markið en höfðu ekki heppnina með sér.

KR-ingar hafa yfir gegn HK í hálfleik

Nú er kominn hálfleikur í leikjunum fjórum sem standa yfir í Landsbankadeild karla í knattspyrnu. KR-ingar hafa yfir 2-1 gegn HK í vesturbænum í botnbaráttuleiknum. Grétar Ólafur Hjartarson kom KR yfir á 17 mínútu leiksins en Hörður Magnússon jafnaði með glæsilegu þrumuskoti utan teigs á sömu mínútunni. Það var svo Sigmundur Kristjánsson sem kom KR aftur yfir þegar hann skoraði skömmu áður en flautað var í te.

Góður sigur hjá FCK

Einn leikur var á dagskrá í dönsku úrvalsdeildinni í handbolta í dag. Arnór Atlason skoraði 5 mörk og var næstmarkahæstur í liði FCK sem vann góðan útisigur á AaB 27-24 eftir að hafa verið undir í hálfleik 13-12. FCK er því með fullt hús stiga eftir tvo leiki líkt og Kolding og Arhus.

Ótrúleg vika hjá Di Natale

Antonio Di Natale hjá Udinese kórónaði frábæra viku í dag þegar hann skoraði sigurmark liðsins í 1-0 útisigri á toppliði Juventus í ítölsku A-deildinni. Natale skoraði bæði mörk Ítala í 2-1 sigri liðsins á Úkraínumönnum á miðvikudaginn. Roma er komið á toppinn í A-deildinni eftir 2-0 útisigur á Reggina og meistarar Inter lögðu Catania heima 2-0.

Leikir Portland teknir af sjónvarpsdagskrá

Lið Portland Trailblazers varð fyrir miklu áfalli á dögunum þegar ljóst varð að miðherji liðsins Greg Oden gæti ekki spilað á nýliðaárinu vegna hnéuppskurðar. Þetta kemur sér vitanlega afar illa fyrir liðið, en ekki bara innan vallar.

Raikkönen sigraði örugglega í Belgíu

Kimi Raikkönen saxaði forskot Lewis Hamilton niður um tvö stig í keppni ökuþóra í Formúlu 1 í dag þegar hann vann öruggan sigur á Spa brautinni í Belgíu. Félagi hans Felipe Massa náði öðru sætinu og heimsmeistarinn Fernando Alonso varð þriðji.

Benitez: Ferguson stafar ógn af okkur

Rafa Benitez, stjóri Liverpool, segist ekki vilja láta egna sig út í orðastríð við Sir Alex Ferguson. Ferguson hefur sakað Benitez og félaga um að vera í fýlu af því félaginu tókst ekki að krækja í Gabriel Heinze, en Benitez telur að Ferguson sé hræddur við Liverpool eftir góða byrjun liðsins í haust.

Spáð í spilin - Man City - Aston Villa

Eftir frábæra byrjun á tímabilinu horfa lærisveinar Sven-Göran Eriksson nú fram á að afstýra þriðja tapinu í röð í deildinni í þessum leik á meðan Aston Villa leitar að þriðja sigrinum í röð. Leikurinn er sýndur beint á Sýn 2 klukkan 15.

Liverpool rænir Sevilla á ný

Rafa Benitez hefur látið til skarar skríða á Spáni enn eina ferðina og í dag staðfestu forráðamenn Sevilla að Liverpool hefði náð samningum við varnarmanninn efnilega Daniel Sanchez Ayala. Þessi 17 ára leikmaður kemur úr unglingaliði Sevilla og sagt er að hann muni ganga frá þriggja ára samningi við þá rauðu í næstu viku.

Lánaði Chimbonda 2,3 milljónir króna

Umboðsmaður knattspyrnumannsins Pascal Chimbonda hjá Tottenham hefur viðurkennt að hafa lánað leikmanninum á þriðju milljón króna skömmu eftir að hann gekk í raðir Tottenham. Chimbonda var handtekinn í síðustu viku vegna gruns um fjármálamisferli.

Heskey verður frá keppni í sex vikur

Enski landsliðsmaðurinn Emile Heskey verður ekki með landsliðinu í leikjunum gegn Eistum og Rússum í næsta mánuði. Í dag var ótti forráðamanna Wigan staðfestur þegar í ljós kom að framherjinn tábrotnaði í leik með liðinu í gær og getur ekki spilað næstu sex vikurnar eða svo.

Mourinho vill að línuvörðurinn biðjist afsökunar

Jose Mourinho, stjóri Chelsea, vill að aðstoðardómarinn Peter Kirkup biðjist afsökunar eftir að hann dæmdi mark Salomon Kalou af í leiknum gegn Blackburn í gær. Miklar deilur hafa staðið yfir vegna hins meinta marks sem flestir vilja meina að hafi verið fullkomlega löglegt.

Mourinho fer í sjálfsmorðshugleiðingar ef ég spila ekki

Varnarjaxlinn John Terry hjá Chelsea segist ekki ætla að láta meiðsli stöðva sig í að ná árangri á knattspyrnuvellinum - jafnvel þó það eigi eftir að koma niður á heilsu hans eftir að hann leggur skóna á hilluna.

United fylgist með 18 ára Kóreumanni

Manchester United er nú sagt hafa augastað á hinum 18 ára gamla miðjumanni Ki Sung-yong sem leikur með FC Seul í Suður-Kóreu. Leikmaðurinn vakti athygli enska félagsins þegar það lék æfingaleiki við Seul í júlí og talað er um að hann gæti jafnvel farið til Englands til reynslu fljótlega ef marka má fregnir í fjölmiðlum þar í landi.

Eriksson: Richards er ómetanlegur

Sven-Göran Eriksson, knattspyrnustjóri Manchester City, vill ólmur að félagið nái að gera nýjan langtímasamning við varnarmanninn Micah Richards, því það megi alls ekki við því að missa hann. Richards hefur skotið hratt upp á stjörnuhimininn á síðasta ári þar sem hann hefur fest sig nokkuð í sessi í enska landsliðinu.

Drogba: Búinn að finna til í hnénu í mánuð

Framherjinn Didier Drogba hjá Chelsea segist vera búinn að finna sársauka í hægra hné í einn mánuð og segir ekki koma til greina að spila á ný fyrr en hann verði góður af meiðslunum. Hann á ekki von á að spila gegn Rosenborg í Meistaradeildinni á þriðjudaginn.

Markalaust í Manchester í hálfleik

Ekkert mark er enn komið í Manchester þar sem heimamenn í City taka á móti Aston Villa í leik dagsins í ensku úrvalsdeildinni. Leikurinn hefur verið bragðdaufur til þessa og hætt við því að Sven-Göran lesi vel yfir sínum mönnum í hálfleik, enda hefur City tapað tveimur leikjum í röð.

Stóri-Sam myndi drepa mig

Jose Mourinho var spurður að því á blaðamannafundi fyrir helgina hvaða stjóra í ensku knattspyrnunni hann myndi síst vilja slást við í kjölfar hnefahöggsins sem Luis Scolari hjá portúgalska landsliðinu veitti Ivica Dragutinovic á miðvikudagskvöldið.

Woods heldur sínu striki

Tiger Woods er enn í forystu fyrir lokahringinn á Tour meistaramótinu í golfi sem fram fer á East Lake í Atlanta. Woods lék á sex höggum undir pari í dag, 64 höggum, og er því samtals á 19 höggum undir pari. Landi hans Mike Calcavecchia kemur næstur á 16 höggum undir pari.

Stelpurnar luku keppni á sigri

Íslenska kvennalandsliðið í körfubolta batt í kvöld enda á sumarvertíðina hjá landsliðunum með góðum sigri á Írum í Dublin 67-62. Þetta var fyrsti útisigur liðsins í Evrópukeppni og tryggði hann því þriðja sætið í riðlinum á eftir Hollendingum og Norðmönnum. Helena Sverrisdóttir skoraði 33 stig og hirti 12 fráköst fyrir íslenska liðið.

Rússar og Spánverjar leika til úrslita á EM í körfu

Það verða Rússar og Spánverjar sem leika til úrslita á Evrópumóti landsliða í körfubolta. Þetta varð ljóst í kvöld eftir að Rússar unnu glæstan sigur á Litháum í undanúrslitum 86-74. Rússarnir höfðu yfirhöndina frá fyrstu mínútu leiksins og leika nú til úrslita á Evrópumóti í fyrsta sinn síðan árið 1993.

Rooney verður með á miðvikudaginn

Sir Alex Ferguson hefur staðfest að framherjinn Wayne Rooney muni leika með Manchester United þegar liðið mætir Sporting Lissabon í Portúgal í Meistaradeildinni á miðvikudaginn. Rooney var ekki látinn spila í leiknum gegn Everton í dag samkvæmt læknisráði, en verður búinn að æfa á fullu í fimm daga þegar að leiknum í Lissabon kemur í vikunni.

Heppnin með Valencia

Stórlið Real Madrid og Valencia á Spáni voru ekki sérstaklega sannfærandi í kvöld þegar þau unnu sigra á lægra skrifuðum andstæðingum sínum. Valenca hafði heppnina með sér þegar slysalegt mark tryggði sigurinn gegn Valladolid.

Þú veist ekkert hvað þú ert að gera

Þetta sungu stuðningsmenn Bolton í dag þegar knattspyrnustjóri liðsins framkvæmdi varnarsinnaðar skiptingar á liði sínu þegar það var undir 1-0 gegn Birmingham. Lee ætlar ekki að hætta þrátt fyrir að hafa tapað fimm af síðustu sex leikjum með Bolton.

Spánverjar í úrslit á EM

Spánverjar tryggðu sér í kvöld sæti í úrslitaleik Evrópumóts landsliða í körfubolta þegar liðið lagði Grikki 82-77 í undanúrslitum. Pau Gasol og Javier Navarro skoruðu 23 stig fyrir Spán og Jose Calderon 18, en Vasileios Spanoulis var langbestur í liði Grikkja með 24 stig og 5 stoðsendingar. Spánverjar mæta Rússum eða Litháum í úrslitum á morgun.

Mourinho óhress með dómarana

Jose Mourinho var afar ósáttur við að mark Salomon Kalou hafi verið dæmt af hans mönnum í Chelsea gegn Blackburn í dag. "Aðeins dómarinn og línuvörurinn geta útskýrt af hverju í ósköpunum þetta mark fékk ekki að standa. Við spiluðum án markaskorara eins og Lampard, Pizarro og Drogba og það er erfitt," sagði Mourinho.

Króatar og Þjóðverjar í undankeppni ÓL 2008

Króatar og Þjóðverjar tryggðu sér í dag keppnisrétt í undankeppni Ólympíuleikanna í körfubolta þegar liðin unnu leiki sína í keppninni um 5-8. sætið á EM á Spáni. Króatar lögðu Frakka 86-69 og Slóvenar klúðruðu öðrum leik sínum í röð á lokasprettinum þegar þeir lágu 69-65 fyrir Þjóðverjum.

Milan slapp með skrekkinn

Einn leikur fór fram í ítölsku A-deildinni í dag. Siena náði þá nokkuð óvænt 1-1 jafntefli gegn stórliði Milan á hemavelli sínum. Massimo Maccarone kom heimamönnum yfir í fyrri hálfleik en varnarmaðurinn Alessandro Nesta jafnaði fyrir Milan í uppbótartíma. Ancelotti þjálfari hvíldi lykilmenn á borð við Kaka í leiknum og það var nálægt því að kosta liðið tap í dag.

Óvænt úrslit í þýska handboltanum

Nokkrir leikir voru á dagskrá í þýska handboltanum í dag. Guðjón Valur Sigurðsson skoraði 7 mörk fyrir Gummersbach og Róbert Gunnarsson 4 þegar liðið vann 29-23 útisigur á Lubbecke. Þá litu nokkur óvænt úrslit dagsins ljós.

Stál í stál á Ewood Park

Chelsea varð að láta sér lynda stig á heimavellli gegn þrjóskum og baráttuglöðum Blackburn-mönnum í lokaleik dagsins í ensku úrvalsdeildinni. Jose Mourinho og félagar þóttust hafa skorað löglegt mark á 57. mínútu, en mark Salomon Kalou var dæmt af vegna rangstöðu og niðurstaðan því 0-0 jafntefli.

Celtic skaut granna sína af toppnum

Glasgow Celtic skaut granna sína í Rangers af toppi skosku úrvalsdeildarinnar í dag þegar liðið burstaði Inverness 5-0 í dag. Hollenski markahrókurinn Jan Vennegoor of Hesselink skoraði tvö marka Celtic, en á meðan tapaði Rangers 4-2 fyrir Hearts og um leið sínum fyrsta leik á tímabilinu. Celtic hefur 16 stig á toppnum en Rangers stigi minna.

Forysta Bayern aðeins eitt stig

Bayern Munchen þurfti í dag að sætta sig við 1-1 jafntefli á heimavelli gegn Schalke í toppleiknum í þýsku úrvalsdeildinni í knattspyrnu. Þrumufleygur Iva Rakitic á 36. mínútu sló þögn á 66,000 áhorfendur á Alianz Arena, en Miroslav Klose jafnaði metin fyrir heimamenn níu mínutum eftir hlé.

Heskey tábrotinn?

Draumavika framherjans Emile Heskey hjá Wigan kann að hafa endað í martröð í dag þegar leikmaðurinn þurfti að fara meiddur af velli í leiknum gegn Fulham. Heskey var fluttur á sjúkrahús og grunur leikur á um að hann sé tábrotinn. Ef svo er verður hann frá í að minnsta kosti einn mánuð og það myndi þýða að draumur hans um sæti í enska landsliðinu væri úti í bili.

Fjölnir lagði Þrótt í uppgjöri toppliðanna

Fjölnismenn héldu í dag áfram ótrúlegri sigurgöngu sinni í 1. deild karla í knattspyrnu þegar liðið lagði topplið Þróttar að velli 3-1. Þrótti nægði jafntefli í dag til að tryggja sér sigur í deildinni en nú munar tveimur stigum á liðunum fyrir lokaumferðina. Grindvíkingar eru í þriðja sæti deildarinnar, þremur á eftir Þrótti, en leik liðsins gegn ÍBV í dag var frestað til morguns vegna veðurs.

Koumas tryggði Wigan stig gegn Fulham

Jason Koumas hélt upp á 300. deildarleik sinn í dag með því að skora jöfnunarmark slakra Wigan-manna í 1-1 jafntefli á heimavelli við Fulham. Clint Dempsey hafði áður komið gestunum yfir. Wigan varð fyrir því áfalli að missa landsliðsframherjann Emile Heskey meiddan af velli.

Fyrsti heimasigur Birmingham

Birmingham tryggði sér í dag fyrsta heimasigurinn í ensku úrvalsdeildinni þegar liðið lagði lánlausa Bolton-menn 1-0 með marki framherjans Oliver Kapo. Heimamenn áttu frekar náðugan dag gegn slöppum gestunum, sem sýndu ekki lífsmark fyrr en í lok leiksins. Lærisveinar Sammy Lee hafa því enn ekki náð að sigra á útvelli á leiktíðinni og Birmingham náði í afar mikilvæg stig.

West Ham lagði Middlesbrough

Íslendingalið West Ham vann í dag nokkuð öruggan 3-0 sigur á Middlesbrough í ensku úrvalsdeildinni þar sem framherjinn Dean Ashton skoraði sitt fyrsta mark síðan í úrslitaleik enska bikarsins í fyrra. Middlesbrough fékk aragrúa færa í leiknum en náði ekki að nýta þau.

Tilfinningaþrunginn sigur hjá Sunderland

Sunderland vann í dag sanngjarnan 2-1 sigur á Reading og heiðraði um leið minningu hins nýlátna Ian Porterfield, fyrrum leikmanns liðsins sem lést á þriðjudaginn. Framherjinn Kenwyne Jones stal senunni þegar hann skoraði fyrra mark Sunderland og lagði upp það síðara.

Tottenham hafði geta unnið leikinn

Arsene Wenger, stjóri Arsenal, segir að Tottenham hefði líklega haft sigur í grannaslag liðanna í dag ef því hefði tekist að skora annað markið. Hann segir jöfnunarmark Emmanuel Adebayor því hafa verið algjört lykilmark í leiknum.

Martin Jol: Við nýttum ekki færin okkar

Martin Jol, stjóri Tottenham, segir að klaufaskapur sinna manna fyrir framan mark andstæðinganna hafi verið helsta ástæðan fyrir því að liðið tapaði enn eina ferðina fyrir grönnum sínum í Arsenal.

Benitez sáttur

Rafa Benitez sagðist nokkuð sáttur með frammistöðu sinna manna í Liverpool í dag þegar liðið gerði markalaust jafntefli við Portsmouth á útivelli. Hann segist ekki geta fundið neitt að vítaspyrnudómnum sem var nálægt því að kosta hans menn tap.

Redknapp: Fínt að fá stig gegn Liverpool

Harry Redknapp var sáttur við jafntefli sinna manna gegn Liverpool þrátt fyrir að lið hans hefði misnotað vítaspyrnu í leiknum. Hann fór auk þess fögrum orðum um nann leiksins Papa Bouba Diop sem fór á kostum í sínum fyrsta leik fyrir Portsmouth.

Ferguson: Everton verður sífellt sterkara

Sir Alex Ferguson var mjög ánægður með sigur sinna manna á Everton í ensku úrvalsdeildinni í dag og segir liðin í deildinni ekki eiga öfundsverða hluti framundan þegar þau sækja þá bláu heim á Goodison Park.