Solla stirða vill endurheimta hreyfingarnar sínar

Íslendingar fylgdust grannt með gangi mála á undanúrslitakvöldum Söngvakeppninnar á föstudags- og laugardagskvöld. Fjölmargir tjáðu skoðun sína á samskiptamiðlinum Twitter með því að nota merkið #12stig.

Þessi lög berjast um sætið til Malmö

Fjögur lög tryggðu sér í gærkvöld sæti í úrslitum Söngvakeppninnar í ár. Þau bættust við þau þrjú sem tryggðu sér sæti á úrslitakvöldinu á föstudagskvöld.

184 brautskráðir frá HR

Háskólinn í Reykjavík brautskráði í gær 184 kandídata úr grunn- og framhaldsnámi úr öllum fjórum námsdeildum háskólans; lagadeild, tækni- og verkfræðideild, tölvunarfræðideild og viðskiptadeild.

Pílagrímar þvo af sér syndir sínar

Pílagrímar flykkjast nú í Gangesdalinn í norðurhluta Indlands. Þar munu þeir þvo af sér syndir sínar þar sem stórfljótin Ganges og Yamuna mætast.

Freista þess að stöðva herskáa Íslamista

Sameiginlegar hersveitir Frakklands og Malí nálgast nú stórborgina Timbúktú í Norður-Malí, í suðurjaðri Saharaeyðimerkurinnar, og freista þess að stöðva sókn herskárra Íslamista.

Það átti að koma Ögmundi út

Jón Bjarnason segir það réttmæta gagnrýni að Steingrímur J. Sigfússon, formaður Vinstri grænna, vilji aðeins raða já-fólki í kringum sig.

Sögulegt ár framundan?

Það verður tæplegast skemmtiefni að rýna í uppgjör síðasta árs í Evrópu fyrir flesta bílaframleiðendur, nema helst þá þýsku. Sala á bílum í Evrópu var mjög dræm á síðasta ári og það voru ekki bara bílaframleiðendurnir í suðurhluta Evrópu sem fóru illa út úr rekstrinum í álfunni. Sá hluti General Motors sem snýr að sölu Opel- og Vauxhall-bíla mun þurfa að þola 195 milljarða króna tap sl. ár. Bætist það við 2.060 milljarðs króna tap sem hefur verið á þeim rekstri í Evrópu 12 ár þar á undan. Ford mun tæplega skila minna tapi en 200 milljarða króna á rekstrinum í Evrópu og ekki stefnir í betri útkomu í ár. Peugeot-Citroën toppar þó bæði GM og Ford og mun skila allt að 245 milljarða tapi. Uppgjör Fiat verður aðeins skárra, um 130 milljarðs króna tap og Renault mun skila aðeins betri niðurstöðu, en vænu tapi samt. Öðru máli gegnir um flesta þýsku framleiðendurna og munu Volkswagen, BMW, Mercedes Benz, Audi og Porsche öll skila þokkalegum hagnaði. Hagnaður BMW og Mercedes verður þó minni en árið þar á undan. Allir framleiðendurnir utan Þýskalands eru að skera niður í rekstri og laga sig að erfiðum aðstæðum sem munu að minnsta kosti standa út þetta ár. Ýmsir spádómar hafa fengið flug á þessum erfiðu tíma framleiðendanna í Evrópu, svo sem að Volkswagen muni kaupa Alfa Romeo og Ferrari af Fiat, en Fiat veitir ekki af peningunum til að kaupa upp Chrysler, eins og það áformar. Aðrar raddir herma að GM muni endanlega gefast upp á Opel, en hver kaupir væri óljósara. Þá gæti það gerst að Renault rynni inní Peugeot-Citroën eða yrði keypt af kínverskum bílaframleiðenda sem hyggðist stytta sér leið inná evrópska markaðinn. Þá hafa einnig heyrst raddir um að Fiat/Chrysler muni bindast þriðja aðila og sækja fjármagn í leiðinni og þar væri kínverskir bílaframleiðendur líklegir. Það gæti því orðið nokkuð sögulegt ár í evrópskri bílasögu og miklar væringar.

Ölvaður réðst á leigubílstjóra

Lögreglan í Hafnarfirði handtók um eitt leytið í nótt ölvaðan mann sem réðst á leigubílstjóra.

Ekkert ferðaveður á Norðurlandi

Mjög hvasst er á norðanverðu landinu og sömuleiðis á Vestfjörðum. Snjóþekja er á Holtavörðuheiði og ófært á Öxnadalsheiði og Möðrudalsöræfum.

67 dauðir kettir og 99 lifandi fjarlægðir

Bandarísk yfirvöld segja að 67 dauðir og 99 lifandi kettir hafi verið fjarlægðir úr viðurstyggilegu húsi í bænum Wright í New York fylki í Bandaríkjunum.

Gengið til stuðnings auknu skotvopnaeftirliti

Íbúar úr Newtown í Connecticut voru á meðal um eitt þúsund manns í göngu til stuðnings strangari skotvopnalöggjöf í Bandaríkjunum.

Star Wars legó veldur reiði

Tyrkir í Austurríki eru ósáttir með nýtt legó af af höll Jabba úr Star Wars kvikmyndunum. Höllin er sögð minna um of á fræga mosku.

Steingrímur varði olíuleit Íslendinga í Tromsö

Sjávarútvegsráðherra Noregs segir að þar í landi hafi það sýnt sig að fiskveiðar og olíuleit geti vel farið saman. Á Norðurslóðaráðstefnunni í Tromsö, sem lauk í gær, varði Steingrímur J. Sigfússon atvinnuvegaráðherra þá ákvörðun Íslendinga að hefja olíuleit með því að aðrar þjóðir við Norður-Atlantshaf gerðu slíkt hið sama. Í ræðu um olíuáform Íslands sagði Steingrímur að fyrst yrði að tryggja strangar varnir gegn mengun og slysum áður en nokkur olíuvinnsla yrði hugsanlega leyfð. Fréttamönnum sagði hann síðan að það yrði stór ákvörðun ef Ísland eitt ríkja ætlaði ekki að leyfa olíuleit.

Nafngreinir meintan barnaníðing á Facebook

Um hádegisbilið í dag birtist á Facebook frásögn konu þar sem hún nafngreinir karlmann, segir að hann sé barnaníðingur og að hann hafi misnotað son hennar sem reyndi sjálfsvíg fyrir tveimur árum.

Zeman kjörinn forseti Tékklands

Milos Zeman, fyrrverandi forsætisráðherra Tékklands, hefur verið kjörinn forseti Tékklands í fyrstu beinu forsetakosningunum þar í landi.

Ólöglegt að opna "læsta" farsíma

Farsímanotendur vestanhafs eru að öllum líkindum heldur svekktir með ný lög sem tóku gildi í dag. Nú er ólöglegt að láta opna "læsta" farsíma.

Bréfið sem dreift var í Kópavogi í dag

Maður á áttræðisaldri er sakaður um að hafa nauðgað 12 ára stúlku í nafnlausum fjöldapósti sem dreift hefur verið í Kópavogi. Fréttastofa birtir bréfið hér að neðan.

Spáð vonskuveðri um allt land

Veður fer ört versnandi á landinu og verður enn verra síðdegis og í kvöld. Þá gengur í austan og norðaustan hvassviðri eða storm um mest allt land.

VG vill að starfsfólk njóti velgengni í rekstri fyrirtækja

Flokksráðsfundur Vinstri grænna, sem lauk í hádeginu, afgreiddi ályktanir um meðferð aðildarumsóknar að ESB, náttúruvernd og breytingar á útlendingalögum.

Bílvelta við Þorlákshafnarafleggjara

Stór jeppi liggur utan vegar við Suðurlandsveg við afleggjarann til Þorlákshafnar.

26 látnir í óeirðum vegna dauðadóms

Að minnsta kosti 26 eru látnir í óeirðum sem brutust út í Kaíró, höfuðborg Egyptalands, í morgun.

Fundað á Austurvelli

Hópur fólks kom saman klukkan 15 á Austurvelli í dag. Tilefni fundarins er að hvetja alþingismenn til þess að tefja ekki að óþörfu að ný stjórnarskrá verði að veruleika.

Aðeins Íslendingar fá að eiga fasteign

Í drögum að frumvarpi um breytingar á lögum um eignarétt og afnotarétt fasteigna á Íslandi felst að aðeins Íslendingar geta eignast fasteignir hér á landi.

Hafnfirðingar lána Reykvíkingum salt

Snjóhreinsun hefur gengið vel í Reykjavík bæði á götum og gönguleiðum í dag. Þá sjá Hafnfirðingar Reykvíkingum fyrir salti þar sem saltbirgðir borgarinnar eru á þrotum.

Stjórnlagafrumvarpið afgreitt

Sex af níu fulltrúum í stjórnskipunar- og eftirlitsnefnd Alþingis greiddu atkvæði með því að stjórnlagafrumvarpið yrði afgreitt úr nefndinni.

Atvinnuleysi í Saab-bænum 16%

Þrátt fyrir mesta atvinnuleysi í Svíþjóð í heimabæ Saab, Trollhättan, ríkir þar nokkur bjartsýni. Ástæða þess er sú að hjólin fara aftur að snúast í verksmiðju Saab í ágúst. Í fyrstu verða smíðaðir þar venjulegir Saab 9-3 bílar með dísilvél en seinna meir verða þeir knúnir rafmagni. Í verksmiðjunni hefur ekki verið nein starfssemi í næstum tvö ár. Fjöldi starfsmanna í verksmiðjunni fyrir lokun var 3.400, sem samsvarar 7% af íbúum Trollhättan. Nýr eigandi Saab er kínverskur fjárfestingasjóður sem er mjög einarður í því að útvega kínverjum rafmagnsbíla. Fyrst skal þó búa til fjármagn með framleiðslu og sölu hefðbundinna Saab bíla og markmiðið að selja 120.000 bíla árið 2016. Yrði það nálægt sölumeti Saab frá árinu 2006 er það seldi 133.000 bíla. Margir eru efins um að þessar áætlanir gangi eftir. Það gæti þó að miklu leiti hangið á áætlunum kínverskra yfirvalda að setja upp 400.000 hleðslustöðvar fyrir rafmagnsbíla í 20 þarlendum borgum til og með árinu 2015. Draumur kínverskra yfirvalda er að árið 2015 muni seljast 500.000 rafmagnsbílar, en salan nam 12.791 bíl í fyrra. Það er því langt í land. Eigandi Saab ætlar að byggja aðra Saab verksmiðju í kínversku borginni Qingdao og hafa borgaryfirvöld þar fjárfest í Saab fyrir 307 milljónir dollara og fengið fyrir vikið 22% eignarhald í Saab.

Saka nágranna sinn um nauðgun á tólf ára stúlku

Maður á áttræðisaldri er sakaður um að hafa nauðgað 12 ára stúlku í nafnlausum fjöldapósti sem dreift hefur verið í Kópavogi. Maðurinn hefur kært málið til lögreglu en nauðgunin á að hafa átt sér staða fyrir mörgum áratugum.

Kjarnorkuver í Vestmannaeyjum

Áform voru uppi um að reisa kjarnorkuver í Vestmannaeyjum um miðja síðustu öld. General Electric gerði Rafmagnsveitum ríkisins tilboð í kjarnorkuver árið 1958.

Úlfi spáð góðu gengi

Vefmiðillinn Flavorwire segir Úlf Hansson einn þeirra tónlistamanna sem vert sé að fylgjast með og sjá á tónleikum árið 2013.

Stefnt að afgreiðslu stjórnarskrárfrumvarpsins úr nefnd í dag

Stjórnskipunar- og eftirlitsnefnd alþingis fundar um stjórnarskrárfrumvarpið nú í hádeginu.

Frábært skíðaveður á Akureyri en lokað í Bláfjöllum og Skálafelli

Skíðaáhugafólk norðan heiða og á höfuðborgarsvæðinu á ólíku saman að jafna í dag.

Skákdagurinn haldinn hátíðlegur

Skákdagurinn til heiðurs stórmeistaranum Friðriki Ólafssyni er haldinn hátíðlegur um allt land í dag. Fjölmörg skákmót, fjöltefli og skákheimsóknir verði af því tilefni í dag.

Bjargvættur Star Trek leikstýrir næstu Star Wars mynd

Bandaríkjamaðurinn J.J. Abrams mun leikstýra næstu Star Wars myndinni. Myndin verður sú sjöunda í röðinni.

Yfir 100 sjúkraflutningar í nótt

Tilkynnt var um kaldavatnsleka í íbúðarhúsi að Hraunbraut í Kópavogi um klukkan ellefu í gærkvöld.

Nýir dómarar skipaðir

Innanríkisráðherra hefur skipað í embætti tvo nýja dómara við Héraðsdóm Reykjavíkur frá og með 1. febrúar, þær Ingibjörgu Þorsteinsdóttur, settan héraðsdómara, og Ragnheiði Snorradóttur, héraðsdómslögmann.

Viðræðum hjúkrunarfræðinga við Landspítala frestað

Samninganefnd Landspítalans og hjúkrunarfræðingar ákváðu snemma í gærkvöldi að fresta viðræðum um endurskoðun stofnanasamnings til mánudags.

Ráðist á mann í Hafnarstræti í nótt

Ráðist var á mann í Hafnarstræti í Reykjavík um klukkan hálf fjögur í nótt.

Fullur og skóf ekki af bílnum

Ökumaður bifreiðar var stöðvaður í Garðabæ klukkan fjögur í nótt en sá reyndist ekki hafa hreinsað snjó nægilega vel af rúðum bifreiðar sinnar. Við nánari skoðun reyndist hann einnig vera ölvaður og var tekin skýrsla af honum í kjölfarið.

Kviknaði í þurrkara

Eldur kom upp í þurrkara í þvottahúsi á 5. hæð í fjölbýlishúsi að Asparfelli 12 í Breiðholti á ellefta tímanum í gærkvöld.

21 knattspyrnuáhorfandi dæmdur til dauða

Dómstólar kváðu í gær upp dauðadóm yfir 21 knattspyrnuáhorfanda í Port Said í Egyptalandi. Óeirðir brutust út að loknum knattspyrnuleik í borginni í febrúar á síðasta ári þar sem 74 létu lífið.

Heimsmet í reykspólun

Þessi hálffáránlegi atburður hefur verið skráður í Guiness heimsmetabókin sem fjölmennasta samhliða reykspólið. Þar þöndu 69 ökumenn hestöflin í bílum sínum svo af hlaust verra skyggni en á gamlárskvöld á Íslandi í skotgleðinni miðri. Á þetta horfðu 10.000 manns á bílasýningu í Canberra í Ástralíu og höfðu örugglega gaman af. Voru þarna að verki 35.000 hestöfl sem breyttu gúmmíi í þéttan reyk í allskonar lit, enda sumir með sérstaka litaglaða hjólbarða til verksins. Það tók 6 mánuði að skipuleggja atburðinn en ekki ekki nema 30 sekúndur að framkvæma hann.

Segir blaðið ótengt Framsókn

Nýtt blað undir merkjum Tímans mun koma út í fyrsta sinn fimmtudaginn 31. janúar næstkomandi. Þetta staðfestir Helgi Þorsteinsson, sem hefur veg og vanda af útgáfunni og mun ritstýra blaðinu, að minnsta kosti fyrst um sinn.

Á að móta áætlun um aukna hagsæld

Myndaður hefur verið samráðsvettvangur sem á að móta langtímaáætlun um verkefni sem eiga að tryggja hagsæld á Íslandi. Allir formenn stjórnmálaflokka, aðilar vinnumarkaðarins, háskólasamfélagið og stjórnsýslan eiga sæti við borðið.

15 milljarðar í lottóvinning

Íslendingar geta nú tekið þátt í lottóleiknum EuroJackpot þar sem lágmarksupphæð fyrsta vinnings er 10 milljónir evra eða 1,7 milljarðar króna.

Rússar hreinsa til í Norður-Íshafinu

Nokkrir rússneskir kjarnorkukafbátar og verulegt magn af rússneskum kjarnorkuúrgangi er enn á hafsbotni í Norður-Íshafinu. Rússar eru farnir að taka þennan vanda alvarlega og hyggjast hreinsa þetta hafsvæði eftir því sem unnt reynist.