Íslamski klerkurinn Bashir laus úr fangelsi

Yfirvöld á Indónesíu létu í morgun lausan hinn herskáa íslamska klerk Abu Bakar Bashir. Hann var hnepptur í fangelsi fyrir rúmum tveimur árum fyrir að hafa tekið þátt í skipulagninu sprenginga á Balí árið 2002.

Spáir harkalegri lendingu íslenska hagkerfisins

Poul Rawkins, sérfræðingur Fitch Ratings sagði á fundi í London í gær að vaxandi líkur væri á að íslenska hagkerfið stefndi í harkalega lendingu. Það var Fitch Ratings, sem breytti horfum á lánshæfi íslenska ríkisins úr stöðugum í neikvæðar, í febrúar síðastliðnum.

Eiður skrifar undir samning við Barcelona

Eiður Smári Guðjohnsen skrifar í dag undir fjögurra ára samning við Evrópumeistara Barcelona. Fréttamannafundur vegna málsins verður klukkan þrjú.

Þróa byltingarkennda aðferð

Samstarfssamningur Háskóla Íslands og Jarðarstofnunar Kólumbíuháskóla um víðtækt samstarf um rannsóknir og kennslu var undirritaður í gær. Með samningnum er verið að formgera samstarf skólanna sem hefur þróast á undanförnum árum. Áhersla verður lögð á verkefni á sviði loftslagsbreytinga.

Segja kjötverð ekki hafa ýtt undir verðbólgu

Bændasamtök Íslands blása á þær fullyrðingar forsvarsmanna matvælakeðjanna að kjötskortur og þar af leiðandi hærra kjötverð hafi ýtt undir hækkanir á neysluverðsvísitölu. Framkvæmdastjóri samtakanna segir verð á mjólkurvörum hafi hækkað mun meira þrátt fyrir að framleiðendur hafi ekki hækkað verð til smásala síðustu mánuði.

Hlutabréf féllu um allan heim

Hlutabréf féllu um allan heim í gær af ótta við frekari vaxtahækkanir sem draga munu úr hagvexti og hagnaði fyrirtækja. Flestar hlutabréfavísitölur heims eru komnar undir það gildi sem þær stóðu í um áramót eftir miklar hækkanir framan af ári.

Hefur efasemdir um getu Seðlabankans

Gylfi Zoëga, prófessor í þjóðhagfræði, telur að ríkisstjórnin hafi ekki sinnt hagstjórninni nægilega vel. Seðlabankinn hafi staðið einn í baráttunni. Hætta sé á að hann hafi misst trúverðugleika og hafi lítil áhrif á ákvörðun gengis.

Veiðimenn hætt komnir

Vatnsmagn í Norðurá í Borgarfirði hefur sveiflast undanfarna daga og var yfirborðið á tímabili tveimur metrum hærra en þegar það var sem lægst í maí. Svo hörð var áin í fyrradag að hún hreif með sér bát með fjórum veiðimönnum niður foss, en betur fór en á horfðist og sluppu mennirnir ómeiddir.

Unnið samkvæmt álitsgerð

Jón Kristjánsson, fráfarandi félagsmálaráðherra, segir vinnu við breytingar á Íbúðalánasjóði vera vel á veg komna en líklegt má telja að breytingarnar nái fram að ganga á þessu ári.

Mikilvægur áfangifyrir Háskóla Íslands

Háskóli Íslands gerði í gær samkomulag við Jarðarstofnun hins bandaríska Kólumbíuháskóla um fjölþætt samstarf. Áhersla verður lögð á rannsóknir á sviði loftslagsbreytinga þar sem íslenskir vísindamenn eru í fararbroddi.

Telur upptökin hjá samkeppnisaðila

"Mér fannst ég vera staddur í ríki sem hefði eitthvað annað réttarfar en við," sagði Halldór Guðbjarnarson, forstjóri Visa Ísland um húsleit sem Samkeppniseftirlitið gerði hjá fyrirtækinu í gærmorgun samkvæmt dómsúrskurði.

Fimmtíu hrefnur verða veiddar í ár

Ákveðið hefur verið að veiða 50 hrefnur á þessu ári en ekki 39 eins og í fyrra. Skynsamlegt að flýta rannsóknunum, segir Einar K. Guðfinnsson sjávarútvegsráðherra. Markmiðið er að kanna hlutverk hrefnu í vistkerfinu við landið.

Stefnt að sátt um samninga í vikunni

Halldór Ásgrímsson vonast til þess að samkomulag náist um kjarasamninga fyrir vikulok. Ríkisstjórnin hafnaði kröfum Alþýðusambandsins um nýtt skattþrep og breytingar á eftirlaunakerfi æðstu embættismanna um helgina.

Gatnamót Kringlumýrar- og Miklubrautar verða mislæg

Fjölgun hjúkrunarrýma fyrir aldraða, lækkun leikskólagjalda, útgáfa frístundakorta, opnun gæsluvalla og skipulagning íbúðabyggðar í Örfirisey er meðal þess sem nýr borgarstjórnarmeirihluti ætlar að gera á kjörtímabilinu. Þá á að hefja og ljúka framkvæmdum

Tíu ára öku-maður tekinn

Enn skortur á svínakjöti

Skortur er á kjöti og ekki víst að úr rætist þó að landbúnaðarráðuneytið hafi heimilað innflutning á tæplega 320 þúsund kílóum af kjöti.

Braut rifbein, borð og rúðu

Karlmaður á sextugsaldri var á mánudag dæmdur í tveggja mánaða fangelsi í Héraðsdómi Suðurlands fyrir líkams­árásir­ og eignaspjöll, skilorðsbundið til tveggja ára.

Kaupmenn tala um kjötskort

Matvörukarfan verður stöðugt dýrari. Þetta kemur fram í verðbólgumælingu Hagstofunnar sem kynnt var í gær. Verðbólgan er nú átta prósent og er það fyrst og fremst vegna þess að viðhald á eigin húsnæði er dýrara og svo hefur verð á mat- og drykkjarvörum hækkað verulega.

Finn fyrir nokkurri depurð

"Ég finn fyrir nokkurri depurð í dag og það er í fyrsta sinn síðan úrslit kosninganna lágu fyrir," sagði Steinunn Valdís Óskarsdóttir, fráfarandi borgarstjóri, rétt áður en hún afhenti Vilhjálmi Þ. Vilhjálmssyni, nýjum borgarstjóra, lyklana að skrifstofu borgar­stjóra í gær.

Geir víðförlasti ráðherrann

Þrír nýir ráðherrar munu taka sæti í ríkisstjórn á morgun. Jón Sigurðsson fer í iðnaðar- og viðskiptaráðuneytið, Jónína Bjartmarz í umhverfisráðuneytið og Magnús Stefánsson í félagsmálaráðuneytið.

Færir liðinu gæfu

Lukkudýr japanska knattspyrnulandsliðsins er kannski krúttlegt, en nafnið á því vekur sannarlega upp spurningar. Þessi tíu ára hundur ber nafnið Rommel, en hann er ekki fyrstur í sögunni til að bera þetta nafn, því nafni hans er þýski nasistaforinginn Erwin Rommel.

Karl Rove ekki ákærður

Einn helsti ráðunautur Hvíta hússins, Karl Rove, fékk í fyrradag að vita að ekki verða lagðar fram ákærur gegn honum vegna aðildar hans að leka á nafni leyniþjónustumanns. Fyrrverandi starfsmannastjóri Dick Cheney varaforseta, Lewis Libby, hefur verið ákærður vegna málsins.

Hert áætlun til að koma á friði

Forsætisráðherra Íraks, Nouri al-Maliki, mun í dag setja af stað nýjar aðgerðir til að stilla til friðar í Bagdad og nærhéruðum. Aðgerðirnar fela í sér að 75 þúsund hermenn verða settir í öryggisgæslu í borginni og hefur ráðherrann ekki gefið upp nein tímamörk á hvenær aðgerðunum muni ljúka.

Þrýst á endurkomu Tómasar

Lögmaður Tómasar Zoëga læknis hefur sent forstjóra Landspítalans erindi þar sem óskað er eftir því að haft verði samráð við lækningaforstjóra spítalans um það hvenær Tómas taki aftur við starfi yfirlæknis geðsviðs.

Rok og rigning í Reykjavík

Veðurhorfur eru ekki góðar fyrir íbúa höfuðborgarsvæðisins næstu vikuna. Samkvæmt veðurstofu byrjar að rigna á þá í dag og verður bleyta og rok fram yfir helgi. Ástæðan er lægð sem er að ganga yfir landið í kjölfar hæðarhryggs, en henni fylgja skýjasvæði sem orsaka rigninguna.

Þagði um félagana vegna ótta

Maður á þrítugsaldri, Mikael Már Pálsson, var í gær dæmdur í fjögurra ára fangelsi í Héraðsdómi Reykjavíkur fyrir stórfelld fíkniefnabrot og fleiri afbrot.

Eve in China

Man ekki eftir að vera sviptur

Maður var dæmdur í Héraðsdómi Reykjaness fyrir að aka bifreið án ökuréttinda og undir áhrifum róandi lyfja í tvígang. Maðurinn hafði verið sviptur ökuréttindum ævilangt en var gripinn við að aka bifreið tvo daga í röð í ágústmánuði í fyrra. Hann bar við minnisleysi vegna heilablóðfalls.

Endurupptöku málsins hafnað

Endurupptökubeiðni Hannesar Hólmsteins Gissurarsonar vegna dómsmáls Jóns Ólafssonar gegn Hannesi í Englandi var fyrir nokkru hafnað en í dag verður áfrýjun Hannesar vegna úrskurðarins tekin fyrir í breskum dómstóli.

Bush kom óvænt til Írak

George Bush Bandaríkjaforseti flaug óvænt til Íraks í gær, en hann hvetur aðrar þjóðir til að standa við gefin loforð um fjárframlög til hernaðarins.

Fjögur hringormasmit í fólki

Á undanförnum tveimur árum hafa greinst fjögur tilfelli af hringormasmiti í mönnum á Tilraunastöð Háskólans að Keldum. Þeir sem smitast hafa eiga það sameiginlegt að hafa borðað hráan eða illa soðinn fisk, að því er segir í Farsóttafréttum Landlæknis.

Kveikt í blaðabunka

Slökkvilið höfuðborgarsvæðisins var kallað út að gamla Hampiðjuhúsinu við Brautarholt í fyrrinótt. Þetta er í annað skiptið sem slökkvilið höfuðborgarinnar er kallað út vegna elds í húsinu á rúmum mánuði.

274 nemendur brautskráðir

Háskólinn í Reykjavík brautskráði 274 nemendur síðastliðinn laugardag. Nemendurnir voru af átján brautum og úr þremur deildum. Úr lagadeild útskrifuðust 53 nemendur, úr viðskiptadeild 119 nemendur, 78 nemendur útskrifuðust úr tækni- og verkfræðideild og 24 voru brautskráðir af frumgreinasviði.

Lithái áfram í gæsluvarðhaldi

Hæstiréttur hefur staðfest gæsluvarðhald til 21. júní yfir Litháa sem grunaður er um aðild að innflutningi á tæpum tveimur lítrum af amfetamíni í vökvaformi, en það nægir til að framleiða rúm 13 kíló af amfetamíni í duftformi. Héraðsdómur Reykjavíkur dæmdi manninn í gæsluvarðhald á föstudag en úrskurðurinn var kærður.

Rúta valt á Bláfellshálsi

Hópferðabíll með 16 erlendum ferðamönnum valt á Bláfellshálsi á Kjalvegi í gær. Tveir sjúkrabílar voru sendir á staðinn og var ökumaður bílsins fluttur á Landspítalann til aðhlynningar. Hann var þó ekki alvarlega slasaður og sakaði aðra farþega ekki.

Býst ekki við áframhaldi á risarækjueldi

Guðlaugur Þór Þórðarsson, nýr stjórnarformaður Orkuveitu Reykjavíkur, á ekki von á því að mikill áhugi verði hjá nýjum meirihluta borgarstjórnar að halda áfram risarækjueldi á vegum fyrirtækisins.

Nýr leiðtogi Al Kaída í Írak hótar árásum á næstu dögum

Nýr leiðtogi Al Kaída samtakanna í Írak, Abu Hamza al-Muhajer, heitir því að hefna fyrirrennara síns, al-Zarqawis, og hótar hræðilegum árásum á næstu dögum. Þetta kemur fram í yfirlýsingu frá al-Muhajer sem birt var á internetinu í dag.

Mótmælum flaggað á Sigurboganum

Sigurboginn í París varð óvænt vettvangur mótmæla gegn Íransstjórn í dag þegar andstæðingar kjarnorkuáætlana Íransstjórnar flögguðu skilaboðum sínum uppi á boganum.

Landsflug rifti samningnum vegna vanefnda

Landsflug hefur rift samningi sem gerður var við Flugfélag Vestmannaeyja um kaup á flugvélum Landsflugs og yfirtöku á innanlandsflugi Landsflugs. Þá hefur Landsflug dregið til baka uppsagnir flugmanna og annarra starfsmanna sem sagt var upp störfum eftir að kaupsamningur var undirritaður 24. maí síðastliðinn. Framkvæmdastjóri Landsflugs segir vanefndir Flugfélags Vestmannaeyja ástæður riftunar.

Framkvæmd EES samningsins rædd á fundi ráðherraráðs

Framkvæmd EES samningsins var meðal þess sem rætt var á fundi ráðherraráðs Evrópska efnahagssvæðisins í Lúxemborg í gær. Á fundinum voru fulltrúar frá Noregi; Liechtenstein, Íslandi, Austurríki og Finnlandi, auk fulltrúa framkvæmdastjórnar ESB.

Dæmdur í átta mánaða fangelsi fyrir smygl á fíkniefnum

Karlmaður var í dag dæmdur í átta mánaða fangelsi í Héraðsdómi Austurlands fyrir innflutning á rúmum þremur kílóum af hassi og tæpum fjörtíu og sjö grömmum af kókaíni. Maðurinn reyndi að smygla fíkniefnunum til landsins í bíl með farþegarferjunni Norrænu en efnin fundust við leit tollvarða og lögreglu á Seyðisfirði 7. mars. Maðurinn hefur setið í gæsluvarðhaldi frá því 8. mars og kemur gæsluvarðhaldið til frádráttar fangelsisdómi hans.

Albert varð ekki að fellibyl

Íbúar Flórídaríkis búa sig undir að hitabeltisstormurinn Albert gangi á land. Búist er við mikilli úrkomu tengdri óveðrinu en líkurnar á að það verði að fyrsta fellibyl ársins eru sagðar dvínandi.

Telur að rekja megi húsleitina til samkeppnisaðila

Samkeppniseftirlitið gerði fyrr í dag húsleit hjá Vísa Íslandi vegna gruns um brot á samkeppnislögum. Framkvæmdastjóri VISA segist ekkert skilja í aðgerðunum og telur að rekja megi þetta allt til samkeppnisaðila.

Dæmdur fyrir stórfelld skattalagabrot og bókhaldsbrot

Karlmaður var í dag dæmdur í sjö mánaða skilorðsbundið fangelsi í þrjú ár í Héraðsdómi Suðurlands fyrir stórfelld skattalagabrot og bókhaldsbrot. Maðurinn framdi brot sín með því að skila ekki skýrslum til skattyfirvalda vegna sjálfstæðrar atvinnustarfsemi og með því að hafa komið sér undan því að greiða tekjuskatt og úrsvar á árunum 1998 til 2002. Manninum er einnig gert að tuttugu og fimm milljónir króna í sekt. Greiði hann ekki sekt sína innan fjögurra vikna skal hann sæta fangelsi í sex mánuði.

Eve Online fer vel af stað í Kína

Yfir þrjátíu þúsund notendur skráðu sig inn á netleikinn Eve Online á fyrstu klukkustundunum eftir að opnað var fyrir aðgang að honum í Kína í dag. Það er íslenska fyrirtækið CCP sem á og rekur leikinn, en hann gerist úti í geimnum eftir mörg þúsund ár. Fram kemur í tilkynningu frá forsvarsmönnum CCP að yfir 200 þúsund manns hafi skráð sig til leiks á opnunardeginum sem nálgast fjölda íslensku þjóðarinnar.