Fjölskylduharmleikur við Lækjartorg

Kolbeinn Tumi Daðason skrifar 10. febrúar 2021 09:44

Jón Baldvin hugsi í dómsal áður en aðalmeðferðin hófst. Vísir/Vilhelm

Aðalmeðferð er hafin í meiðyrðamáli Jóns Baldvins Hannibalssonar, fyrrverandi sendiherra og ráðherra, gegn Aldísi Schram dóttur hans, Sigmari Guðmundssyni fréttamanni og Ríkisútvarpinu. Reiknað er með því að aðalmeðferðinni ljúki á föstudaginn með málflutningi lögmanna aðila.

Málið snýr að ummælum sem féllu í Morgunútvarpi Rásar 2 þann 17. janúar árið 2019 og í framhaldi á Facebook-síðu Aldísar 5. febrúar. Jón Baldvin krefst ómerkingar á fjórtán ummælum sem féllu í þættinum og hann telur að séu ærumeiðandi.

Jón Baldvin krefst 2,5 milljóna króna í bætur frá Sigmari en gerir ekki kröfu um fjárhagslegar bætur frá dóttur sinni.

Miskabótakrafan á hendur Sigmari byggir á því að hann hafi með alvarlegum hætti vegið að æru Jóns Baldvins; framið ólögmæta meingerð gagnvart Jóni og beri á því ábyrgð; „enda um ærumeiðandi aðdróttanir að ræða sem bæði eru rangar og bornar út og birtar opinberlega gegn betri vitund. Það er ljóst að virðing stefnda hefur beðið hnekki, sem og æra hans og persóna.“

Jón Baldvin, Aldís og Sigmar munu öll gefa skýrslu í dag. Sömuleiðis er reiknað með því að Bryndís Schram, eiginkona Jóns Baldvins, komi fyrir dóminn auk Kolfinnu Baldvinsdóttur dóttur þeirra hjóna.

Deilur Jóns Baldvins og Bryndísar við dóttur þeirra Aldísi hafa verið áberandi í fjölmiðlum undanfarin misseri. Hafa hjónin lýst deilum sínum við Aldísi sem fjölskylduharmleik.

Að neðan má sjá myndir sem Vilhelm Gunnarsson, ljósmyndari Vísis, tók í Héraðsdómi Reykjavíkur við Lækjartorg áður en aðalmeðferð í málinu hófst.

Kolfinna Baldvinsdóttir kom við á Te & kaffi á leiðinni í Héraðsdóm Reykjavíkur í Lækjartorg.Vísir/Vilhelm

Jón Baldvin hugsi í dómsal áður en aðalmeðferðin hófst.Vísir/Vilhelm

Aldís Schram mætir og heilsar Gunnari Inga lögmanni sínum.Vísir/Vilhelm

Vilhjálmur tekur af sér leðurhanskana við komuna í héraðsdóm.Vísir/Vilhelm

Sigmar Guðmundsson brosti áður en fólki var hleypt inn í dómsal.Vísir/Vilhelm

Jón Baldvin ásamt Vilhjálmi H. Vilhjálmssyni lögmanni sínum.Vísir/Vilhelm

Aldís ásamt Gunnari Inga Jóhannssyni lögmanni sínum.Vísir/Vilhelm

Stefndu ásamt verjendum sínum í dómsal í morgun.Vísir/Vilhelm

Dómsmál Fjölmiðlar Mál Jóns Baldvins Hannibalssonar

Tengdar fréttir

Um mannréttindi og misnotkun þeirra

Hvað er til ráða þegar sjálfskipaður ritdómari leyfir sér að fara rangt með allar lykilstaðreyndir í umfjöllun sinni um nýútkomna bók móður minnar „Brosað gegnum tárin“?

22. nóvember 2020 16:00

Bryndís fagnar útkomu uppgjörsbókar sinnar

Líf og fjör að heimili þeirra Bryndísar og Jóns Baldvins um helgina.

15. september 2020 14:52

Segir Bryndísi hafa beðist fyrirgefningar á atvikinu

Kona sem kærði Jón Baldvin Hannibalsson fyrrverandi utanríkisráðherra fyrir kynferðisbrot segir að eiginkona hans hafi beðið fyrirgefningar á atvikinu á sínum tíma. Lögmaður Jóns Baldvins segir að ásakanirnar eigi ekki við rök að styðjast.

7. september 2020 19:30

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.