Innlent

Laxveiðimaður hætti að treysta á sjálfan sig og vann 62 milljónir

Kolbeinn Tumi Daðason skrifar
Sá heppni hefur venjulega giskað sjálfur á úrslitin. Nú lét hann vélina um að velja fyrir sig með góðum árangri.
Sá heppni hefur venjulega giskað sjálfur á úrslitin. Nú lét hann vélina um að velja fyrir sig með góðum árangri. Vísir/Vilhelm

Það var heldur betur gáttaður vinningshafi sem mætti í Laugardalinn með miðann sinn úr sunnudagsseðli Getrauna en miðinn færði honum vinning upp á tæpar 62 skattfrjálsar milljónir króna. Er það stærsti vinningur í getraunum sem komið hefur til Íslands. 

Vinningshafinn tekur þátt í getraunum í hverri viku, velur táknin venjulega sjálfur með misjöfnum árangri, og styrkir í leiðinni sitt íþróttafélag. Í þetta skiptið leist honum ekkert á seðilinn og ákvað því að taka sjálfval með þessum stórkostlega árangri, segir í tilkynninu frá Íslenskrum getraunum.

„Svo vildi til að vinningshafinn var staddur í laxveiði og hafði brugðið sér á klósettið. Hann var inni á klósettinu með símann og miðann góða og datt í hug að kanna úrslit helgarinnar. Þar komst hann að því að hann var einn með 13 rétta og hafði hirt allan pottinn. Það var víst lítið veitt næstu daga,“ segir í tilkynningunni.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.