Lífið

Ágústspá Siggu Kling - Sporðdrekinn: Næsta lest mun fara með þig á betri stað

Sigga Kling skrifar
Elsku Sporðdrekinn minn, það hefur verið mikill erill í höfðinu á þér og hugsanir þínar þjóta fram og til baka og þú átt svo auðvelt með að ímynda þér það versta. Þér finnst þú vera stopp í augnablikinu og ekkert vera að gerast eins og þú óskaðir þér, og reyndar ertu á smá stoppistöð, en þú ert bara að skipta um lest sem mun fara með þig á betri stað.

Þú byggir upp sjálfstraust á þessum dögum og þú leitar í allavegana sjálfshjálpartæki til þess og vinnur þig áfram eins og vindurinn og verður svo fylginn þér, leggur þig allan fram við það sem þú þarft að gera að fólk stendur í röðum til að panta næsta tíma lausan hjá þér. Sýn þín á lífið verður öðruvísi, bæði svo miklu léttari og skemmtilegri og þú verður svo aðlaðandi með þessu hugarafli.

Þú þarft að hafa mikið persónulegt frelsi og þolir ekki þegar þrengt er að þér, staðnað líferni er eins og eitur í þínum beinum svo það besta sem þú gerir er að breyta þínum áætlunum þegar þér dettur það í hug; það verða margar leiðir í boði, veldu þær sem gefa þér mesta fjörið og frelsið.

Þú tekur beinskeyttar ákvarðanir og getur slitið sambandi við fólk í kringum þig eins og ekkert sé hvort sem það tengist ástinni eða öðrum, en það er mikil spenna í ástinni svo gerðu ekkert í fljótfærni því þú verður að vera viss.

Þú færð aukið hugrekki og staðfestu sem gæti hrætt fólkið í kringum þig og stundum er það bara alveg ágætt og það sem þú þarft að gera. Þú færð tækifæri til að upplifa hversu sterkur þú ert og um leið og þú sérð hvað í raun og veru þú getur opnast ótrúlegustu dyr!

Kossar og knús, Sigga Kling

Sporðdreki 23. október - 21. nóvember

Birkir Már Sævarsson, landsliðsmaður í fótbolta, 11. nóvember 

Helga Braga Jónsdóttir, leikkona, 5. nóvember 

Emmsjé Gauti, rappari, 17. nóvember 

Björk Guðmundsdóttir, tónlistarmaður, 21. nóvember 

Karl Bretaprins, 14. nóvember 

Hillary Clinton, stjórnmálamaður, 26. október 

Leonardo DiCaprio, leikari, 11. nóvember 

Magnús Scheving, frumkvöðull, 10. nóvember 

Hörður Ágústsson Macland snillingur, 24. október 

Sigríður María Egilsdóttir, varaþingmaður Viðreisnar, 1. nóvember 

Þorgerður Katrín Gunnarsdóttir, formaður Viðreisnar, 4. október 

Þórdís Kolbrún Reykfjörð Gylfadóttir, Dómsmálaráðherra, Ferðamála-, iðnaðar- og nýsköpunarráðherra, 4. nóvember 

Jón Jónsson, tónlistarmaður, 30. október 

Króli, tónlistarmaður, 2. nóvember 

Bergur Ebbi, grínisti, 2. nóvember






Fleiri fréttir

Sjá meira


×