Lífið

Læstist inni í flugvél sem var lögð af stað

Tinni Sveinsson skrifar
Tanja Rós Viktoríudóttir tekur þátt í Miss Universe Iceland 2019
Tanja Rós Viktoríudóttir tekur þátt í Miss Universe Iceland 2019

Miss Universe Iceland 2019 fer fram í Hljómahöllinni í Reykjanesbæ 31. ágúst og verður keppnin í beinni útsendingu hér á Vísi. Alþjóðleg dómnefnd velur þar fulltrúa Íslands sem tekur síðan þátt í Miss Universe.

Tanja Rós Viktoríudóttir er meðal þátttakenda. Tanja er fædd í Úkraínu en flutti 13 ára til Íslands. Heilbrigt líferni er Tönju mikilvægt. Eftir að hafa sigrast á búlimíu hefur Tanja unnið sem sjálfboðaliði hjá Rauða krossinum og hjá BUGL og stutt ungar konur í sömu sporum. Lífið yfirheyrði Tönju.

Morgunmaturinn?
Það sem ég finn í ísskápnum heima hjá mér.

Helsta freistingin?
Súkkulaði og nutella.

Hvað ertu að hlusta á?
Tónlist.

Tanja er orkumikil og leiðist að sitja heima og gera ekki neitt.

Hvaða bók er á náttborðinu?
The Land of Laughs eftir Jonathan Carroll.

Hver er þín fyrirmynd?
Langamma mín sem var besta og jákvæðasta manneskja í heimi. Hún verður alltaf fyrirmyndin mín af því að hún kenndi mér mikilvæga hluti í lífinu eins og að vera alltaf góð við aðra og sjálfa mig, að hugsa jákvætt, aldrei gefast upp á draumum, að kunna fyrirgefa fólki mistök þó það geti verið stundum erfitt og aldrei að fordæma fólk, því að við vitum aldrei hvað aðrir hafa gengið í gegnum og hvernig lífssagan þeirra er!

Hvað ætlarðu að gera í sumar?
Fara til útlanda, ferðast og njóta sumarsins á Íslandi, undirbúa mig fyrir keppnina og æfa í Reebok. Svo byrja ég í Háskólanum í Reykjavík í viðskiptafræði og tek þátt í maraþonhlaupinu. Ég ætla að hlaupa fyrir BUGL barna- og unglingageðdeild Landspítalans. Heilsan er það mikilvægasta sem við höfum, sérstaklega fyrir ungt fólk og framtíðina þeirra! Þess vegna mér finnst mjög mikilvægt að öll börn og unglingar fái hjálp ef þau þurfa og fullorðnir þurfi að vera meira vakandi fyrir hlutum eins og einelti í grunnskólum og átröskun ungs fólks. Við hlustum kannski á vandamál barna en við heyrum ekki hvað vandamálið snýst um.

Uppáhaldsmatur?
Allt nema lakkrís.

Uppáhaldsdrykkur?
Latte með karamellusírópi.

Hver er frægasta persóna sem þú hefur hitt?
Christy Nicole Turlington Burns.

Hvað hræðistu mest?
Köngulær og slöngur.

Neyðarlegasta atvik sem þú hefur lent í?
Ég var að vinna á Keflavíkurflugvelli í farþegaþjónustu og fór eitt sinn inn í vél að leita að farþega. Það gleymdist að ég væri inni í vélinni og flugfreyja læsti hurðinni. Ég var föst inni og flugvélin lagði af stað en sem betur fer náði ég að stoppa þetta og komst út áður en vélin var farin upp í loft.
 

Hverju ertu stoltust af?
Ég er stolt af því að vera góð fyrirmynd fyrir aðra og af því að ég gefst aldrei upp á mínum draumum! Ég er mjög sterk manneskja og þegar ég set mér markmið þá stoppa ég aldrei fyrr en ég næ þeim!

Hefurðu einhvern leyndan hæfileika?
Ég myndi ekki kalla það hæfileika en ég kann að teikna og get alveg saumað kjól ef ég nenni.

Hundar eða kettir?
Bæði, ég á einn hund og tvær kisur. Ég elska öll gæludýr.

Hvað er það leiðinlegasta sem þú gerir?
Að gera ekki neitt. Ég er orkumikil manneskja og mér leiðist mjög mikið að sitja heima og gera ekki neitt.

En það skemmtilegasta?
Ég elska að ferðast og að kynnast nýju fólki og menningu í öðrum löndum. Það er það skemmtilegasta og besta sem ég geri.

Hverju vonastu til að Miss Universe skili þér?
Að ég eignist nýjar vinkonur og að eigi skemmtilegt sumar með stelpunum. Að taka þátt í MUI er upplifun sem mig langar að endurtaka aftur og aftur. Mér finnst MIU gott tækifæri til þess að koma skoðunum mínum á framfæri og reynslu. Það er gott að komast út fyrir þægindarammann. Þú þarft ekki að vera hræddur við að prófa eitthvað nýtt og alls ekki láta skoðanir annarra stoppa þig.

Hvar sérðu þig eftir 5 ár?
Ég mun klára nám í HR og eignast mína eigin fjölskyldu. Ég ætla annað hvort að fara í flugnám eftir HR eða stofna fyrirtæki. Kannski mun ég flytja til útlanda með kærastanum mínum og byggja upp framtíð okkar þar.

Lífið kynnir á næstu dögum keppendur til leiks í Miss Universe Iceland 2019. Keppnin fer fram í Hljómahöllinni í Reykjanesbæ 31. ágúst og verður í beinni útsendingu hér á Vísi. Alþjóðleg dómnefnd velur þar fulltrúa Íslands sem tekur síðan þátt í Miss Universe.

Hér fyrir neðan má taka þátt í kosningunni Val fólksins.



Tengdar fréttir

Stoppuð fyrir of hægan akstur

Sara Djeddou Baldursdóttir tekur þátt í Miss Universe Iceland 2019. Sara er alin upp í Mosfellsbæ og Bandaríkjunum. Hún vinnur með einhverfum börnum og stefnir á nám í hagfræði.

Finnst skemmti­legast að ferðast

Tinna María Björgvinsdóttir tekur þátt í Miss Universe Iceland 2019. Hún stundar nám við Fjölbrautaskóla Suðurnesja og hefur áhuga á ballett, dýrum, ferðalögum.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.