Tónlist

GÓSS sendir frá sér sína fyrstu breið­skífu og boðar tón­leika­ferða­lag í sumar

Sylvía Hall skrifar
Margar helstu dægurlagaperlur þjóðarinnar er að finna á breiðskífunni.
Margar helstu dægurlagaperlur þjóðarinnar er að finna á breiðskífunni. GÓSS

Tríóið GÓSS hefur sent frá sér breiðskífuna Góssentíð sem inniheldur tíu lög. Sveitin samanstendur af þeim Sigurði Guðmundssyni, Sigríði Thorlacius og Guðmundi Óskari en nafn sveitarinnar er myndað úr upphafstöfum þeirra.

Sigríður Thorlacius og Sigurður Guðmundsson eru landsmönnum vel kunnug og hafa lengi verið á meðal dáðustu söngvara þjóðarinnar. Guðmundur Óskar er einn fremsti bassaleikari landsins og hefur leikið með fjölmörgum hljómsveitum. Þá hefur hann einnig starfað sem upptökustjóri.

Sveitin varð til sumarið 2017 en þau þekkjast vel, Guðmundur Óskar og Sigurður eru bræður og þá hafa Guðmundur og Sigríður starfað saman í hljómsveitinni Hjaltalín. Þau hafa áður unnið saman í mismunandi verkefnum og því má segja að samstarf þeirra þriggja hafi verið nokkuð fyrirsjáanlegt.




Upptökur fóru fram í Lágafellskirkju í Mosfellsbæ og var ákveðið að taka fyrir margar vinsælustu dægurlagaperlur þjóðarinnar og má þar helst nefna Ó, blessuð vertu sumarsól, Sólskinsnætur og Draumaprinsinn. 

Sveitin mun fylgja útgáfunni eftir með tónleikahaldi víða um landið en hér að neðan má sjá hvar og hvenær sveitin mun koma fram.

Miðvikudagur 3. júlí - Hafnarfjörður, Bæjarbíó
Fimmtudagur 4. júlí - Vestmannaeyjar, Alþýðuhúsið
Föstudagur 5. júlí - Vík, Víkurkirkja
Laugardagur 6. júlí - Sólheimar í Grímsnesi, Menningarveisla Sólheima
Laugardagur 6. júlí - Þórsmörk, Básar
Sunnudagur 7. júlí - Hvolsvöllur, Midgard
Föstudagur 19. júlí - Borgarfjörður, Brúarás
Laugardagur 20. júlí - Akranes, Gamla Kaupfélagið
Sunnudagur 21. júlí - Þorlákshöfn, Hendur í höfn



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.