Viðskipti innlent

Rúmlega þúsund kröfur vegna Gaman ferða

Stefán Ó. Jónsson skrifar
Bragi Hinrik Magnússon, Skúli Mogensen, Þór Bæring Ólafsson og Engilbert Hafsteinsson þegar tilkynnt var árið 2015 að WOW hefði eignast 49 prósent í Gaman-Ferðum.
Bragi Hinrik Magnússon, Skúli Mogensen, Þór Bæring Ólafsson og Engilbert Hafsteinsson þegar tilkynnt var árið 2015 að WOW hefði eignast 49 prósent í Gaman-Ferðum. Wow Air

Ferðamálastofa áætlar að nokkurn tíma muni taka að fara yfir þann mikla fjölda krafna sem gerður var í tryggingafé ferðaskrifstofunnar Gaman ferða, sem lögðu upp laupana í vor. Kröfurnar voru alls 1038 talsins en kröfufrestur rann út á miðnætti fimmtudaginn 20. júní.

Gamanferðir voru í 49% eigu flugfélagsins WOW Air, sem hætti starfsemi í lok mars. Tæpum tveimur vikum síðar skilaði Þór Bæring Ólafsson, framkvæmdastjóri Gaman ferða, inn ferðaskrifstofuleyfi félagsins. Í samtali við Vísi sagði Þór að fall WOW hafi reynst meira áfall en búist var við en ferðaskrifstofan skipulagði að mestu leyti ferðir í kringum flug félagsins.

Lausafjárstaða félagsins var auk þess ekki nógu sterk til að tryggja áframhaldandi rekstur. Því hafi verið tekin ákvörðun um að hætta starfsemi til að þjónusta best hagsmunum viðskiptavina og starfsfólks.

Gaman ferðir báru lögbundnar tryggingar sem ferðaskrifstofum er skylt að hafa, sem ætlað er að grípa inn í og og endurgreiða þeim sem ekki komast í fyrirhugaðar ferðir. Það var svo í höndum Ferðamálastofu að vinna úr kröfum í tryggingaféð.

Á vef Ferðamálastofu segir að framundan sé yfirferð og vinnsla krafna en í ljósi fjöldans megi búast við að nokkurn tíma taki að fara yfir og taka afstöðu til þeirra. „Reynt verður að hraða ferlinu eins og hægt er en þó má í fyrsta lagi búast við að mál fari að skýrast með haustinu. Hafi kröfuhafi sent inn fleiri en eina kröfu, vegna sömu ferðar, verður litið svo á að seinni krafan dragi til baka fyrri kröfur.“


Tengdar fréttir

Gaman Ferðir hætta starfsemi

Ferðaskrifstofan Gaman Ferðir, sem var að 49% hlut í eigu WOW Air, hefur skilað inn ferðaskrifstofuleyfi sínu og er hætt rekstri.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
ICEAIR
2,84
50
304.659
BRIM
0,9
4
13.951
REITIR
0,54
6
97.741
EIM
0,53
3
22.430
MAREL
0,49
15
329.308

Mesta lækkun dagsins


Félag
Br.%
Fjöldi
Velta*
ORIGO
-1,82
5
37.198
KVIKA
-1,49
6
94.217
ICESEA
-0,92
5
8.654
SYN
-0,91
3
26.200
HEIMA
-0,86
4
3.247
Velkomin á Vísi. Þessi vefur notar vafrakökur. Sjá nánar.