Enski boltinn

Diop falur fyrir 60 milljónir punda

Ástrós Ýr Eggertsdóttir skrifar
Diop spilaði 38 leiki fyrir West Ham á síðasta tímabili
Diop spilaði 38 leiki fyrir West Ham á síðasta tímabili vísir/getty
West Ham er tilbúið til þess að láta miðvörðinn Issa Diop fara fyrir 60 milljónir punda samkvæmt heimildarmanni Sky Sports.

Manchester United hefur áhuga á varnarmanninum og telur hann ódýrari valkost í vörnina heldur en Harry Maguire og Kalidou Koulibaly.

West Ham heldur því þó fastlega fram opinberlega að leikmaðurinn sé ekki til sölu.

Tilboð upp á 45 milljónir punda auk leikmanns hefur verið rætt, en félögin koma sér ekki saman um það hvaða leikmaður það ætti að vera.

Diop á fjögur ár eftir af samningi sínum við West Ham og er ánægður í herbúðum Hamranna.




Fleiri fréttir

Sjá meira


×