Fótbolti

Flottasta mark Meistara­deildar­tíma­bilsins var skorað gegn Liver­pool

Óskar Ófeigur Jónsson skrifar
Markið hans Lionel Messi.
Markið hans Lionel Messi. Getty/ Robbie Jay Barratt
Argentínumaðurinn Lionel Messi skoraði fallegasta mark Meistaradeildartímabilsins en markið skoraði hann á móti Liverpool í undanúrslitum keppninnar.

Mark Lionel Messi kom með frábæru skoti beint úr aukaspyrnu á 82. mínútu og með því kom hann Barcelona í 3-0. Það héldu flestir að þetta væri síðasti naglinn í kistu Liverpool liðsins en annað kom nú á daginn.

Liverpool vann seinni leikinn 4-0 og komst í úrslitaleikinn þar sem liðið vann 2-0 sigur á Tottenham.

Mark Messi var valið best í netkosningu á vegum UEFA og Nissan bílaframleiðandans. Tíu mörk voru tilnefnd og flestir völdu mark Messi.





Markið hans Lionel Messi var hans tólfta og síðasta í Meistaradeildinni á leiktíðinni en hann skoraði fjórum mörkum meira en næsti maður sem var Robert Lewandowski hjá Bayern München.








Fleiri fréttir

Sjá meira


×