Formúla 1

Ferrari mætir með vélaruppfærslu til Spánar

Bragi Þórðarson skrifar
Besti árangur Ferrari á árinu er þriðja sætið
Besti árangur Ferrari á árinu er þriðja sætið Getty
Ekkert hefur gengið upp hjá ítalska liðinu það sem af er tímabils og situr Ferrari nú 74 stigum á eftir Mercedes í keppni bílasmiða.

Mercedes hefur átt sannkallaða draumabyrjun þar sem þeir Valtteri Bottas og Lewis Hamilton hafa endað allar keppnir ársins í fyrsta og öðru sæti.

Til að stoppa blæðinguna hefur Ferrari ákveðið að mæta með uppfærða vél til Barcelona þar sem fimmta umferð mótsins fer fram um helgina.

Uppfærslan var upprunalega plönuð fyrir Kanada kappaksturinn en ítalska liðið færði hana framar.

,,Við erum orðnir eftirá í heimsmeistaramótinu sem þýðir að þróunarvinnan verður lykill að velgengni í ár’’ sagði Mattia Binotto, liðsstjóri Ferrari í vikunni.

Ferrari mætti með uppfærða vængi til Bakú fyrir tveimur vikum sem virtist hafa lítil áhrif. Það dugar ekkert nema sigur um helgina ætli liðið sér eitthverja möguleika á titli í ár.

 




Fleiri fréttir

Sjá meira


×