Uppgjör: Hamilton fékk sigurinn á silfurfati Bragi Þórðarson skrifar 1. apríl 2019 22:00 Leclerc gat ekki verið sáttur er hann stóð á verðlaunapalli í fyrsta skiptið í Formúlu 1 Getty Önnur umferðin í Formúlu 1 fór fram í Barein í gær. Kappaksturinn var mjög líflegur, mikið var um framúrakstur á brautinni og mikið drama. Charles Leclerc, hinn 21 árs Mónakó-búi, byrjaði á ráspól um helgina eftir frábæran árangur í tímatökum. Leclerc átti þó hræðilegan fyrsta hring og datt niður í þriðja sætið eftir fyrstu beygjurnar. Þessi bráðefnilegi ökuþór ætlaði þó ekki að sætta sig við það og með snilldar akstri var Leclerc kominn aftur upp í fyrsta sætið á sjötta hring. Charles varð þar með fimmtugasti ökuþórinn til að leiða keppni fyrir Ferrari.Það var nóg um að vera á Barein-brautinni um helginaGettyVettel í vandræðum Liðsfélagi Leclerc, Sebastian Vettel, átti engin svör við unga og efnilega liðsfélaga sínum. Vettel varð að gefa forusta af hendi á sjötta hring eftir að hafa hrifsað hana af Leclerc í fyrstu beygju. Ástandið átti eftir að verða verra fyrir Þjóðverjann. Eftir annað dekkjastopp sitt kom hann út á brautina rétt á undan Mercedes ökuþórnum Lewis Hamilton. Hamilton hafði náð að minnka bilið á milli þeirra úr fimm sekúndum niður í eina og hálfa í þjónustuhléunum. Nú setti Bretinn pressu á keppinaut sinn og komst loks framúr á hring 37. Ekki nóg með að Vettel missti sætið til Hamilton heldur þá snéri Þjóðverjinn Ferrari-bíl sínum í átökunum. Þetta sáum við margoft í fyrra og virðist Vettel lítið hafa lært í vetur. Eftir að hafa misst framvæng sinn seinna á hringnum endaði Sebastian í fimmta sæti í eyðimörkinni. Charles Leclerc hélt uppteknum hætti og sýndi sannkallaða meistaratakta næstu hringi. Var ekkert að keyra of hratt en var þó að byggja upp gott forskot á Mercedes bílana. Þegar aðeins 12 hringir voru eftir hafði Mónakó-búinn rúmlega tíu sekúndna forskot á Hamilton, en þá gripu máttarvöldin í taumanna.Vettel og Leclerc börðust um forustuna á sjötta hringGetty,,Það er eitthvað að vélinni’’ Þetta fengu liðsstjórar Ferrari að heyra frá Leclerc á 46. hring af 57. Þá hafði rafmagnsmótorinn í bílnum bilað, þessi mótor veitir bílunum auka 160 hestöfl. Með ekkert aukaafl var Leclerc ráðalaus og tveimur hringjum seinna var Hamilton kominn í fyrsta sætið. Valtteri Bottas, sigurvegari fyrstu umferðarinnar, komst einnig framúr vélarvana Ferrari-bílnum og þurfti Leclerc því að sætta sig við þriðja sætið í Barein. Aðra keppnina í röð enda Mercedes bílarnar í fyrsta og öðru sæti, þrátt fyrir að Ferrari voru lang hraðastir alla helgina. ,,Þvílík óheppni hjá Leclerc, þetta er góður sigur en við höfum verk að vinna drengir’’ sagði Hamilton til liðsins í lok keppninnar. Það þótti engum að undra þegar að Charles Leclerc var kosinn ökumaður kappakstursins í gær. Charles náði sínum fyrsta verðlaunapalli í Formúlu 1 en var að vonum vonsvikinn eftir keppnina.Mónakó-búinn niðurbrotinn á verðlaunapallinum í BareinGettyHefði getað farið verr fyrir Leclerc Max Verstappen kom fjórði í mark þó að allt leit út fyrir að Red Bull ökuþórinn myndi ná þriðja sætinu af Leclerc á lokahringjunum. En þar sem öryggisbíllinn var kallaður út þegar aðeins þrír hringir voru eftir var Max að sætta sig við fjórða sætið. Hollendingurinn hafði klárað síðustu sex keppnir á verðlaunapalli. Ástæða þess að öryggisbíllinn var kallaður út er sú að báðir Renault bílarnir biluðu á nákvæmlega sama stað, á sama tíma. Ótrúleg uppákoma og urðu bæði Daniel Ricciardo og Nico Hulkenberg frá að hverfa á lokasprettinum. Lando Norris, eini unglingurinn í Formúlunni komst þar með upp í sjötta sætið á sínum McLaren. Þetta er aðeins önnur keppni Bretans en landi hans, Jenson Button, náði sama árangri á sínu fyrsta tímabili. Kimi Raikkonen kom sjöundi í mark fyrir Alfa Romeo. Þess má til gamans geta að þegar Kimi keppti sína fyrstu keppni var Norris aðeins sextán mánaða gamall.Raikkonen og Norris sjást hér berjast um sjötta sætiðGettyÁhugaverð staða í mótinu Úrslit helgarinnar þýða að Valtteri Bottas leiðir enn heimsmeistaramót ökuþóra, einu stigi á undan liðsfélaga sínum, Lewis Hamilton. Max Verstappen er þriðji og Charles Leclerc fjórði. Á þessum tímapunkti í fyrra hafði Sebastian Vettel 17 stiga forskot á Hamilton, en þessir tveir hafa barist um titilinn síðustu ár. Þrátt fyrir forskot Vettel í byrjun tímabils í fyrra varð það Hamilton sem hreppti sinn fimmta titil. Nú er það hinsvegar Hamilton sem hefur 21 stigs forskot á Vettel þegar tveimur umferðum er lokið. Næsta keppni fer fram í Kína eftir tvær vikur. Sjanghæ brautin er þekkt fyrir að vera mjög skemmtileg og bíður upp á mikinn framúrakstur. Í vetur var reglum breytt í Formúlunni til að bjóða uppá skemmtilegri keppnir. Það er alveg ljóst að þessar reglubreytingar hafa virkað gríðarlega vel og stefnir allt í frábært tímabil í Formúlu 1. Formúla Mest lesið „Hef enga trú á því að Þjóðarhöll verði risin árið 2031“ Handbolti Guardiola: Palmer bað um að fá að fara í tvö ár Enski boltinn Leik lokið: HK - FH 0-2 | Tveir sigrar í röð hjá FH-ingum Íslenski boltinn Garnacho búinn að biðjast afsökunar Enski boltinn Fylgist með þessum í Bestu deildinni í sumar Íslenski boltinn Håland tæpur fyrir stórleikinn gegn Chelsea Enski boltinn „Ef þetta er rautt, af hverju komast aðrir upp með að brjóta miklu oftar?“ Íslenski boltinn Fyrrverandi hirti fernu-boltann Enski boltinn „Voru greinilega ósáttir við þessa hlaupandi konu“ Sport „Þá prófaði ég það í fyrsta skipti“ Íslenski boltinn Fleiri fréttir Verstappen átján sætum á undan Hamilton á ráspólnum á morgun Hamilton segir enn langt í það að hann hætti Verstappen aftur á sigurbraut eftir árekstur á fyrsta hring Liðsfélagarnir fremstir eftir tímatökur í Japan Fjórfaldi heimsmeistarinn íhugar að hætta við að hætta Eigandi Formúlu 1 festir kaup á MotoGP Verstappen efstur á óskalista Mercedes: Ummæli Toto kynda undir sögusagnir Verstappen óvænt úr leik eftir örfáar mínútur og Ferrari fagnaði Getur ekki keppt í formúlu 1 af því að liðið gaf öðrum bílinn hans Forseti FIA hreinsaður af ásökunum um hagræðingu úrslita Stal senunni en vill meira Krefst ellefu milljarða króna í skaðabætur Munu ekki standa í vegi fyrir Verstappen vilji hann fara Heimsmeistarinn á verðlaunapalli í hundraðasta sinn Áfall fyrir Ferrari: Sainz á leið í aðgerð - Keppir ekki um helgina Ráku konuna sem sakar Horner um óviðeigandi hegðun Forsetinn reyndi að koma í veg fyrir að keppt yrði í Vegas Friðarviðræður milli umboðsmanns Verstappens og Horners Forsetinn til rannsóknar fyrir meinta tilraun til að eiga við úrslit Faðir Verstappens vill losna við Horner Heimsmeistarinn Verstappen byrjar á sigri Horner heldur áfram að hneyksla og gæti misst starfið Stefnir í spennandi keppni í Barein: „Nánast ekkert þarna á milli“ Sjá meira
Önnur umferðin í Formúlu 1 fór fram í Barein í gær. Kappaksturinn var mjög líflegur, mikið var um framúrakstur á brautinni og mikið drama. Charles Leclerc, hinn 21 árs Mónakó-búi, byrjaði á ráspól um helgina eftir frábæran árangur í tímatökum. Leclerc átti þó hræðilegan fyrsta hring og datt niður í þriðja sætið eftir fyrstu beygjurnar. Þessi bráðefnilegi ökuþór ætlaði þó ekki að sætta sig við það og með snilldar akstri var Leclerc kominn aftur upp í fyrsta sætið á sjötta hring. Charles varð þar með fimmtugasti ökuþórinn til að leiða keppni fyrir Ferrari.Það var nóg um að vera á Barein-brautinni um helginaGettyVettel í vandræðum Liðsfélagi Leclerc, Sebastian Vettel, átti engin svör við unga og efnilega liðsfélaga sínum. Vettel varð að gefa forusta af hendi á sjötta hring eftir að hafa hrifsað hana af Leclerc í fyrstu beygju. Ástandið átti eftir að verða verra fyrir Þjóðverjann. Eftir annað dekkjastopp sitt kom hann út á brautina rétt á undan Mercedes ökuþórnum Lewis Hamilton. Hamilton hafði náð að minnka bilið á milli þeirra úr fimm sekúndum niður í eina og hálfa í þjónustuhléunum. Nú setti Bretinn pressu á keppinaut sinn og komst loks framúr á hring 37. Ekki nóg með að Vettel missti sætið til Hamilton heldur þá snéri Þjóðverjinn Ferrari-bíl sínum í átökunum. Þetta sáum við margoft í fyrra og virðist Vettel lítið hafa lært í vetur. Eftir að hafa misst framvæng sinn seinna á hringnum endaði Sebastian í fimmta sæti í eyðimörkinni. Charles Leclerc hélt uppteknum hætti og sýndi sannkallaða meistaratakta næstu hringi. Var ekkert að keyra of hratt en var þó að byggja upp gott forskot á Mercedes bílana. Þegar aðeins 12 hringir voru eftir hafði Mónakó-búinn rúmlega tíu sekúndna forskot á Hamilton, en þá gripu máttarvöldin í taumanna.Vettel og Leclerc börðust um forustuna á sjötta hringGetty,,Það er eitthvað að vélinni’’ Þetta fengu liðsstjórar Ferrari að heyra frá Leclerc á 46. hring af 57. Þá hafði rafmagnsmótorinn í bílnum bilað, þessi mótor veitir bílunum auka 160 hestöfl. Með ekkert aukaafl var Leclerc ráðalaus og tveimur hringjum seinna var Hamilton kominn í fyrsta sætið. Valtteri Bottas, sigurvegari fyrstu umferðarinnar, komst einnig framúr vélarvana Ferrari-bílnum og þurfti Leclerc því að sætta sig við þriðja sætið í Barein. Aðra keppnina í röð enda Mercedes bílarnar í fyrsta og öðru sæti, þrátt fyrir að Ferrari voru lang hraðastir alla helgina. ,,Þvílík óheppni hjá Leclerc, þetta er góður sigur en við höfum verk að vinna drengir’’ sagði Hamilton til liðsins í lok keppninnar. Það þótti engum að undra þegar að Charles Leclerc var kosinn ökumaður kappakstursins í gær. Charles náði sínum fyrsta verðlaunapalli í Formúlu 1 en var að vonum vonsvikinn eftir keppnina.Mónakó-búinn niðurbrotinn á verðlaunapallinum í BareinGettyHefði getað farið verr fyrir Leclerc Max Verstappen kom fjórði í mark þó að allt leit út fyrir að Red Bull ökuþórinn myndi ná þriðja sætinu af Leclerc á lokahringjunum. En þar sem öryggisbíllinn var kallaður út þegar aðeins þrír hringir voru eftir var Max að sætta sig við fjórða sætið. Hollendingurinn hafði klárað síðustu sex keppnir á verðlaunapalli. Ástæða þess að öryggisbíllinn var kallaður út er sú að báðir Renault bílarnir biluðu á nákvæmlega sama stað, á sama tíma. Ótrúleg uppákoma og urðu bæði Daniel Ricciardo og Nico Hulkenberg frá að hverfa á lokasprettinum. Lando Norris, eini unglingurinn í Formúlunni komst þar með upp í sjötta sætið á sínum McLaren. Þetta er aðeins önnur keppni Bretans en landi hans, Jenson Button, náði sama árangri á sínu fyrsta tímabili. Kimi Raikkonen kom sjöundi í mark fyrir Alfa Romeo. Þess má til gamans geta að þegar Kimi keppti sína fyrstu keppni var Norris aðeins sextán mánaða gamall.Raikkonen og Norris sjást hér berjast um sjötta sætiðGettyÁhugaverð staða í mótinu Úrslit helgarinnar þýða að Valtteri Bottas leiðir enn heimsmeistaramót ökuþóra, einu stigi á undan liðsfélaga sínum, Lewis Hamilton. Max Verstappen er þriðji og Charles Leclerc fjórði. Á þessum tímapunkti í fyrra hafði Sebastian Vettel 17 stiga forskot á Hamilton, en þessir tveir hafa barist um titilinn síðustu ár. Þrátt fyrir forskot Vettel í byrjun tímabils í fyrra varð það Hamilton sem hreppti sinn fimmta titil. Nú er það hinsvegar Hamilton sem hefur 21 stigs forskot á Vettel þegar tveimur umferðum er lokið. Næsta keppni fer fram í Kína eftir tvær vikur. Sjanghæ brautin er þekkt fyrir að vera mjög skemmtileg og bíður upp á mikinn framúrakstur. Í vetur var reglum breytt í Formúlunni til að bjóða uppá skemmtilegri keppnir. Það er alveg ljóst að þessar reglubreytingar hafa virkað gríðarlega vel og stefnir allt í frábært tímabil í Formúlu 1.
Formúla Mest lesið „Hef enga trú á því að Þjóðarhöll verði risin árið 2031“ Handbolti Guardiola: Palmer bað um að fá að fara í tvö ár Enski boltinn Leik lokið: HK - FH 0-2 | Tveir sigrar í röð hjá FH-ingum Íslenski boltinn Garnacho búinn að biðjast afsökunar Enski boltinn Fylgist með þessum í Bestu deildinni í sumar Íslenski boltinn Håland tæpur fyrir stórleikinn gegn Chelsea Enski boltinn „Ef þetta er rautt, af hverju komast aðrir upp með að brjóta miklu oftar?“ Íslenski boltinn Fyrrverandi hirti fernu-boltann Enski boltinn „Voru greinilega ósáttir við þessa hlaupandi konu“ Sport „Þá prófaði ég það í fyrsta skipti“ Íslenski boltinn Fleiri fréttir Verstappen átján sætum á undan Hamilton á ráspólnum á morgun Hamilton segir enn langt í það að hann hætti Verstappen aftur á sigurbraut eftir árekstur á fyrsta hring Liðsfélagarnir fremstir eftir tímatökur í Japan Fjórfaldi heimsmeistarinn íhugar að hætta við að hætta Eigandi Formúlu 1 festir kaup á MotoGP Verstappen efstur á óskalista Mercedes: Ummæli Toto kynda undir sögusagnir Verstappen óvænt úr leik eftir örfáar mínútur og Ferrari fagnaði Getur ekki keppt í formúlu 1 af því að liðið gaf öðrum bílinn hans Forseti FIA hreinsaður af ásökunum um hagræðingu úrslita Stal senunni en vill meira Krefst ellefu milljarða króna í skaðabætur Munu ekki standa í vegi fyrir Verstappen vilji hann fara Heimsmeistarinn á verðlaunapalli í hundraðasta sinn Áfall fyrir Ferrari: Sainz á leið í aðgerð - Keppir ekki um helgina Ráku konuna sem sakar Horner um óviðeigandi hegðun Forsetinn reyndi að koma í veg fyrir að keppt yrði í Vegas Friðarviðræður milli umboðsmanns Verstappens og Horners Forsetinn til rannsóknar fyrir meinta tilraun til að eiga við úrslit Faðir Verstappens vill losna við Horner Heimsmeistarinn Verstappen byrjar á sigri Horner heldur áfram að hneyksla og gæti misst starfið Stefnir í spennandi keppni í Barein: „Nánast ekkert þarna á milli“ Sjá meira