Lífið

Haustspá Siggu Kling – Krabbinn: Líf þitt er búið að vera dálítið óútskýranlegt

Elsku Krabbinn minn, þér finnst að lífið hafi ekki gerst á nógu miklum hraða til að gefa þér þær útkomur sem þú vilt. Líf þitt er búið að vera dálítið óútskýranlegt, þú hefur þá löngun til að sjá hvernig allt verður, lykillinn að þessu hausti hjá þér elskan mín er að finna allar þá leiðir sem hugsanlegar eru til að efla kraftinn þinn, hvorki vorkenna sjálfum þér né öðrum því að orðið að vorkenna er ömurleg orka.

Þú getur ekki bjargað öllum og tekið það fólk með sem farþega í lífi þínu ef þeir eru að sliga þig andlega. Það er svo mikilvægt þú segir sannleikann og hafir sjálfstraust til þess því ef þú ætlar að fela eitthvað þá mun það koma fram í dagsljósið.

Dálítið mikið af rifrildum eiga eftir að eiga sér stað en það er svo merkilegt að þessi æsingur mun hreinsa andrúmsloftið og setja betri tengsl á. Það er fitandi að geyma inni í sér það sem maður þráir að segja við aðra manneskju, láttu allt vaða þó vinsældir fylgi ekki endilega í kjölfarið þá mun jafnvægi komast á, á endanum þegar þú hefur látið það frá þér sem hefur íþyngt þér og í því finnurðu hvað þú ert sterkari persóna og getur gefið miklu meiri ást en þú hefur nokkurn tímann skynjað áður.

Þú átt eftir að tengjast ástinni á svo sannan hátt og það mun framkalla þig sem svo sterka týpu sem enginn fær hindrað því þú hefur horft á sjálfan þig í spegli, tekið ákvörðun og staðið með þér. Mjög mörg verkefni eru framundan sem þér finnast þú þurfir nauðsynlega að ljúka; setningin illu er best aflokið og hálfnað verk þá hafið er hafa svo oft gefið mér kraft þó neikvæðni sé fólgin í þeim.

Þú ert búinn að vera að endurnýja svo margt og ert að fyllast svo miklum skilningi á lífinu, þú færð mörg tækifæri á næstu mánuðum en með stórum stöfum ÞARFTU AÐ ÞORA TIL AÐ SKORA.

Allt sem er að gerast núna er þér til heilla, þó þér líði illa yfir atvikum eða þér finnist svartnætti umlykja þig, þá er það nákvæmlega tíminn sem breytir svörtu í hvítt, þunglyndi í gleði, hatri í ást og svo framvegis.

Þú ert að landa inn í líf þitt góðum samskiptum, samningum eða tækifærum og það sem þú hefur beðið eftir leysist á annan hátt en þú bjóst við.

Frægir Krabbar: Bryndís Schram, Sigga Lorange Ostabúðarskvísa, Auddi Blö, sem við elskum öll, Dagur B. Eggertsson, borgarstjóri og dúlla, Ólafur Stefánsson, handboltakappi og heimspekingur, Edda Sif, Sindri Sindrason, Ásdís Halla Bragadóttir, Hjörvar Hafliðason og Lars Lagerbäck landsliðsþjálfari, Davíð hinn góði skóari í Hafnafirði, Stefán Árni Pálsson fréttamaður, Guðni Th. forseti Íslands, Friðbjörn Europartakóngur, Yesmine Olsen, höfundur og framleiðandi, George Michael, Kristófer Helgason, dagskrágerðamaður, Nuno Alexandre Bentin Servo veitingahúsakóngur, Helga Hafsteinsdóttir, hárgreiðsluséní á Akureyri, Íris Björk Tanya frumkvöðull og hönnuður, Liga Liepina hestaljósmyndari.






Fleiri fréttir

Sjá meira


×