Lukaku með sex í sex

Romelu Lukaku er kominn með sex mörk í sex deildarleikjum fyrir Manchester United.

United sótti Southampton heim í ensku úrvalsdeildinni í dag og skoraði Lukaku eina mark leiksins á 20. mínútu.

United er því með 5 sigra eftir sex umferðir, og er jafnt grönnunum í Manchester City á toppi deildarinnar. Liðið er þó fyrir neðan City á markatölu.

Jose Mourinho, stjóri United, var sendur upp í stúku undir lok leiksins.

Öfugt við undanfarna leiki náði United ekki að nýta sér stórsókn andstæðingsins undir lok leiks til þess að skora mörk, og fór aðeins með 0-1 sigur.