Körfubolti

Matthías og Hugrún á leið til Bandaríkjanna

Eiríkur Stefán Ásgeirsson skrifar
Matthías í leik með ÍR í vetur.
Matthías í leik með ÍR í vetur. Vísir/Valli
Matthías Orri Sigurðarson, körfuboltamaður úr ÍR, og Hugrún Elvarsdóttir, knattspyrnukona úr FH, eru á leið í nám til Bandaríkjanna.

Parið heldur utan í haust sem þýðir að Matthías Orri hefur spilað sitt síðasta tímabil fyrir ÍR í bili og þá er viðbúið að Hugrún muni missa af lokaspretti Pepsi-deildarinnar í sumar.

Matthías Orri hefur verið í hópi lykilmanna ÍR og var með 19,2 stig, 5,6 fráköst og 5,9 stoðsendingar að meðaltali í leik. ÍR hafnaði í tíunda sæti deildarinnar í vetur og komst ekki í úrslitakeppnina.

Hugrún kom við sögu í ellefu leikjum með FH síðastliðið sumar en hún greindi frá tíðundunum á Instagram-síðunni sinni í gær.




Fleiri fréttir

Sjá meira


×