Innlent

Rúta sökk í Blautulón með 22 ferðamenn innanborðs

Mynd/Frikki
Rúta með 22 tékkneska ferðamenn innanborðs hafnaði ofan í Blautulóni á Fjallabaksleið nyrðri á fimmta tímanum í dag. Ferðamennirnir komust allir á þurrt land af sjálfsdáðum og gátu hringt eftir aðstoð.

Björgunarsveitir á svæðinu fóru til aðstoðar ásamt Landvörðum, en björgunarsveitir frá Vík, Kirkjubæjarklaustri, Skaftártungu og Álftaveri voru kallaðar út. Flugbjörgunarsveit Hellu var hinsvegar fyrst á staðinn þar sem hún var í hálendisvakt björgunarsveita á svæðinu þegar kallið barst.

Rauði krossinn á Vík mun taka við fólkinu en farangur þeirra og persónulegir munir eru enn um borð í rútunni, sem er á bólakafi í Blautulóni. Verið er að vinna í því að skoða björgun á bílnum, en ekki er ljóst á hvaða dýpi bíllinn er.

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið