Pissuðu á Stjórnarráðið á 17. júní

Þrír piltar pissuðu á dyr Stjórnarráðsins aðfaranótt 17.júní síðastliðinn. Þegar piltarnir voru að klára að kasta af sér vatninu varð lögreglan var við brotið og ætlaði að sekta piltana. Við það reyndu þeir að hlaupa í burtu upp Hverfisgötuna en þeir komust þó ekki langt þar sem lögreglan var á bíl og náði þeim fljótt. Hún náði þó aðeins tveimur piltum, sá þriðji komst undan.

Samkvæmt lögreglunni í Reykjavík er málið litið alvarlegum augum. Tekin var skýrsla var piltunum tveimur og er búist við því að þeir fái sekt fyrir brotið. Varðstjóri gat ekki svarað til um það hvort að gefin verði út ákæra í málinu.