Efstur í mottukeppninni - missti bróður sinn í síðustu viku

Hljóðfærasmiður og margmiðlunarfræðingur í Reykjavík hefur forystuna í mottukeppni krabbameinsfélagsins. Átakið er honum hjartans mál því bróðir hans lést í síðustu viku úr krabbameini.

Rúnar Sigurðsson sportar ákaflega fallegu yfirvaraskeggi þessa daganan. Hann safnar áheitum á skeggið og er kominn upp í 170 þúsund krónur. Sem er meira en nokkur annar af þeim rúmlega 1000 körlum sem safna áheitum út mánuðinn.

Átakið skiptir rúnar miklu máli því skömmu eftir að hann skráði sig í keppnia lést stóri bróðir hans eftir níu mánaða baráttu við krabbamein. Þannig sé yfirvaraskeggið hans orðið að einskonar virðingarvotti. Hann segir það gleðilegt hversu margir karlmen safni í mottu og taki þátt í baráttuni gegn krabbameini.

Og þó Rúnar taki það fram að það sé huguruinn sem skipti máli og krabbameinsfélagið fái sem mest af peningum þá er keppnisskapið aldrei langt undan.