Við erum ekki hernaðarfyrirtæki - í beinum skilningi

Fyrirtækið E.C.A. hefur sent frá sér fréttatilkynningu meðal annars vegna þess að „reynt hefur verið að slá ryki í augu fólks og gera fyrirtækið tortryggilegt með gífuryrðum og háðsglósum."

Fyrirtækið vill koma upp viðhalds- og þjónustustöð fyrir einkarekinn en vopnlausan æfingaflugher sinn hér á landi. Áformuð fjárfesting nemur 1,2 milljörðum evra, eða um 200 milljörðum á næstu þremur árum. Leyfið er háð pólitísku samþykki en málið er mjög umdeilt á meðal stjórnarliða.

Meðal þess sem kemur fram í tilkynningunni frá fyrirtækinu er að E.C.A .sé ekki hernaðarfyrirtæki í beinum skilningi þess orðs heldur þjónustufyrirtæki og verktaki sem þjónustar ýmsar aðildarþjóðir NATO.

Hér fyrir neðan má lesa yfirlýsinguna í heild sinni.