Innlent

Enn enginn jarðskjálfti

Hafsteinn Gunnar Hauksson skrifar
Íbúar Reykjanessbæjar ættu að geta andað rólegar, en kona ein úr Grindavík yfirgaf heimili sitt af ótta við skjálftann.
Íbúar Reykjanessbæjar ættu að geta andað rólegar, en kona ein úr Grindavík yfirgaf heimili sitt af ótta við skjálftann. Mynd/GVA
Minna varð úr stóra skjálftanum sem Lára Ólafsdóttir miðill spáði í tímaritinu Vikunni en efni stóðu til.

Lára hafði spáð því að skjálftinn riði yfir í kvöld klukkan 23:15 í grennd við Krýsuvík. Samkvæmt sjálfvirkum skjálftamælingum á heimasíðu Veðurstofu Íslands hefur hins vegar enn engrar skjálftavirkni orðið vart á landinu síðan í morgun.

Skjálftaspáin hafði ollið nokkrum titringi og sagði fréttastofa frá því að móðir í Grindavík hafði flúið heimili sitt með börn sín.

Þá hafa fleiri haft samband við fréttastofu í kvöld til að spyrjast fyrir um skjálftann og haft áhyggjur af honum.

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið