Erlent

Treystu á Guð frekar en lækna

Óli Tynes skrifar
Mynd/Ian Britton
Nokkrir trúflokkar í Bandaríkjunum leggja allt sitt í hendur Guðs og sóknarbörnin leita aldrei til læknis, hvað sem á gengur.

Slíkum söfnuði tilheyra Dale og Leilani Neumann. Þau vissu því ekki að ellefu ára dóttir þeirra var alvarlega sykursjúk.

Og þótt hún yrði máttfarnari og máttfarnari leituðu þau ekki til læknis. Undir það síðasta gat hún hvorki talað né borðað.

Jafnvel þegar hún féll meðvitundarlaus í gólfið var ekki hringt í neyðarlínuna. Fyrir rétti sögðu foreldrarnir að þau hefðu trúað því að Guð myndi lækna hana og þau hefðu ekki trúað því að hún myndi deyja.

Hjónin sögðu að þau hefðu beðið ákaft til Guðs um að hann læknaði telpuna. Það tóku dómstólar ekki til greina sem afsökun og þau voru sakfelld fyrir að bera ábyrgð á dauða hennar með vansækslu.

Hjónin eiga yfir höfði sér allt að tuttugu og fimm ára fangelsi.

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið