Innlent

Bróðir barnaníðings dæmdur fyrir misnotkun á barnungri dóttur sinni

Félagsmálayfirvöld reyndu að svipta barnaníðing forsjá dóttur sinnar en fengu ekki.
Félagsmálayfirvöld reyndu að svipta barnaníðing forsjá dóttur sinnar en fengu ekki.

Karlmaður var dæmdur í tveggja ára fangelsi fyrir að misnota dóttur sína ítrekað frá árunum 2006 til nóvember 2008. Dóttir hans er þriggja og hálfs árs gömul í dag. Þá var amma barnsins einnig grunuð um verknaðinn til að byrja með en síðan var fallið frá þeim gruni. Hálfbróðir mannsins er sjálfur dæmdur barnaníðingur samkvæmt dómsorði en hann er núna búsettur í Taílandi.

Maðurinn var handtekinn í nóvember og var síðar hnepptur í gæsluvarðhald vegna gruns um að hafa unnið dóttur sinni skaða. Þegar rætt var við barnið lýsti hún kynlífsathöfnum með dúkkum en faðir hennar hélt því fram að barnið hefði hugsanlega geta lært það þegar hún sá hann og konu hans stunda kynlíf.

Framburður hans var reikull hvað það varðaði, hann gaf ýmsar skýringar á hegðun stúlkunnar eins og að Pólverjar hafi átt hlut að máli. Þá hélt hann því einnig fram að móðir sín hefði hugsanlega misnotað stúlkuna eða hálfbróðir sinn, sem er dæmdur kynferðisbrotamaður. Loks taldi hann fóstrur í leikskóla stúlkunnar ættu hlut að máli, hann taldi það reyndar ólíklegt.

Maðurinn og móðir stúlkunnur voru bæði skjólstæðingar félagsmálayfirvalda en maðurinn hafði greinst með alvarlega geðsjúkdóma og er öryrki. Barnaverndaryfirvöld gerðu kröfu, eftir fæðingu stúlkunnar, að foreldrarnir yrðu sviptir forsjá barnsins. Sú krafa náði ekki fram að ganga fyrir dómi.

Faðir stúlkunnar var dæmdur í tveggja ára fangelsi en tveggja mánaða gæsluvarðhald dregst frá. Þá var honum einnig gert að greiða barninu níu hundruð þúsund krónur í miskabætur.

















Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


×