Innlent

Neitar þreifingum við sjálfstæðismenn

Óskar Bergsson við Ráðhúsið í morgun.
Óskar Bergsson við Ráðhúsið í morgun. MYND/Jón Hákon

Óskar Bergsson, borgarfulltrúi Framsóknarflokksins neitaði því í morgun að þreifingar hefðu staðið yfir undanfarna daga á milli hans og sjálfstæðismanna um nýjan meirihluta í borginni.

Minnihluti og meirihluti í borgarstjórn sitja nú á fundum hvor sínum megin við Tjarnargötuna til þess að fara yfir atburði undanfarinna. Minnihlutinn fundar á skrifstofum gegnt Ráðhúsinu en meirihlutinn í Ráðhúsinu sjálfu.

Óskar sagði í samtali við fréttamann Vísis að hann væri eingöngu mættur á fund til að undirbúa borgarráðsfund með minnihlutanum. Borgarráðsfundur hefst klukkan hálftíu. Óskar sagðist gera sér grein fyrir því að hann hefði verið mikið í umræðunni að undanförnu en skildi ekki hvað lægi í því.

Dagur B. Eggertsson, oddviti Samfylkingarinnar í borgarstjórn, sagði í samtali við Vísi rétt áðan að hann hefði engar upplýsingar um möguleg meirihlutaskipti í borginni. Eins og Vísir greindi frá hafa borist fregnir af því að Sjálfstæðisflokkurinn slíti samstarfinu við F-lista Ólafs F. Magnússonar borgarstjóra og myndi fjórða meirihlutann í borginni á þessu kjörtímabili með Óskari Bergssyni, borgarfulltrúa Framsóknarflokksins. Búist er við að til tíðinda dragi í borginni síðar í dag.




Tengdar fréttir

Miklar líkur á nýjum meirihluta í dag

Meiri líkur en minni eru á að Sjálfstæðisflokkurinn slíti meirihlutasamstarfi við Ólaf F. Magnússon í dag, samkvæmt heimildum Fréttablaðsins. Hanna Birna Kristjánsdóttir verður borgarstjóri og Óskar Bergsson, oddviti Framsóknarflokksins, gengur til samstarfs við Sjálfstæðiflokkinn um myndun nýs meirihluta.

Nýr meirihluti skynsamlegur

„Sjálfstæðisflokkurinn er, samkvæmt skoðanakönnunum, í þannig aðstæðum að það er ekki fýsilegt fyrir hann að klára þennan samning sem hann gerði við Ólaf F. Magnússon borgarstjóra,“ segir Gunnar Helgi Kristinsson, prófessor í stjórnmálafræði.

Fundað beggja vegna Tjarnargötunnar

Minnihluti og meirihluti í borgarstjórn sitja nú á fundum hvor sínum megin við Tjarnargötuna til þess að fara yfir atburði undanfarinna.

Útlit fyrir nýjan meirihluta í borginni í dag

Líklegra þykir en ekki að Sjálfstæðisflokkurinn slíti meirihlutasamstarfi sínu við Ólaf F. Magnússon og F-listann í borgarstjórn og leiti samstarfs við Óskar Bergsson, borgarfulltrúa Framsóknarflokksins.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.