Innlent

Rannsóknarnefnd sjóslysa óstarfhæf

Jón Hákon Halldórsson skrifar

Rannsóknarnefnd sjóslysa er óstarfhæf þessa dagana vegna þess að dregist hefur að skipa í nefndina. Samkvæmt reglugerð er nefndin skipuð af samgönguráðherra til fjögurra ára og í henni eiga að sitja fimm menn.

Hlutverk hennar er að kanna orsakir allra sjóslysa þegar íslensk skip farast. Nefndin rannsakar einnig öll slys þar sem manntjón verða svo og önnur sjóslys sem hún telur ríka ástæðu til að rannsaka.

Skipunartími rannsóknarnefndar sjóslysa rann út þann 31. ágúst síðastliðinn og hefur dregist að skipa nýja nefnd. Samkvæmt heimildum frá samgönguráðuneytinu er málið í vinnslu og má búast við að ný nefnd verði skipuð innan skamms.





Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


×