Innlent

Löggan fylgdi smyglurum eftir eins og skugginn

Frá Strikinu í Kaupmannahöfn. Lögreglumenn fylgdu þeim Alvari og Guðbjarna eftir við hvert fótmál.
Frá Strikinu í Kaupmannahöfn. Lögreglumenn fylgdu þeim Alvari og Guðbjarna eftir við hvert fótmál. MYND/GVA

Íslenskir lögreglumenn fylgdu seglskútusmyglurunum Alvari Óskarssyni og Guðbjarna Traustasyni eftir við hvert fótmál þega þeir ferðuðust frá Íslandi til Noregs þar sem þeir fóru um borð í skútuna sem flutti rúm sextíu kíló af fíkniefnum til Fáskrúðsfjarðar.

Heimildir Vísis herma að lögreglumennirnir hafi nánast andað ofan í hálsmálið á mönnunum á ferð sinni. Þeir Guðbjarni og Alvar flugu frá Keflavík til Kaupmannahafnar þann 10. ágúst síðastliðinn og höfðu þeir ekki hugmynd um að lögreglumenn fylgdu þeim eftir eins og skugginn. Eftir stutt stopp í Kaupmannahöfn tóku þeir ferju til Osló og þaðan ferðuðust þeir fyrst til Stafangurs og loks til Björgvinjar hvaðan skútan lét úr höfn. Allan þennan tíma voru lögreglumennirnir fast á hæla þeirra félaga.

Lögreglan fylgdist síðan grannt með ferð skútunnar yfir Atlantshafið og þegar smyglararnir þurftu að stoppa í nokkra daga í Færeyjum vegna vélarbilunar voru lögreglumennirnir mættir til þess að fylgjast með þeim. Heimildir Vísis herma að þeir hafi gist hjá félaga sínum í Færeyjum og að þar sé um að ræða íslendinginn sem nú er í haldi þar í landi vegna málsins.


Tengdar fréttir

Greint frá fíkniefnafundi í dönskum fjölmiðlum

Greint er frá fíkniefnafundinum á Fáskrúðsfirði í vefútgáfu danska dagblaðsins BT. Þar segir að tveir Íslendingar hafi verið handteknir í Kaupmannahöfn vegna málsins og að þá hafi danska lögreglan einnig lagt hald á fíkniefni.

Í gæsluvarðhaldi til 18. október vegna smyglskútumáls

Héraðsdómur Reykjavíkur hefur að kröfu lögreglustjórans á höfuðborgarsvæðinu úrskurðað karl á þrítugsaldri í áframhaldandi gæsluvarðhald til 18. október vegna rannsóknar á aðild hans að fíkniefnamálinu á Fáskrúðsfirði.

Stóra smyglskútumálið á Fáskrúðsfirði

Tíu menn voru handteknir á Norðurlöndunum í dag vegna stærsta smyglmáls Íslandssögunar. Lögreglan fann rúmlega 60 kíló af eiturlyfjum í seglskútu í Fáskrúðsfjarðarhöfn og handtók þrjá menn á staðnum. Undir lok dags höfðu fimm menn verið dæmdir í gæsluvarðhald á Íslandi. Þrír til viðbótar eru í haldi lögreglu Færeyjum og Noregi. Þá hefur pari sem handtekið var í Danmörku verið sleppt.

Húsleit gerð í grennd við Laugardal

Hópur sérsveitarmanna og óeinkennisklæddra lögreglumanna réðst í kvöld inn í hús í grennd við Laugardal. Ekki er vitað hvort aðgerðin tengist Stóra smyglskútumálinu á Fáskrúðsfirði en lögreglan verst allra frétta af málinu. Einn til tveir menn voru handteknir í aðgerðinni. Samkvæmt heimildum Vísis var lögreglan búin að fylgjast með húsinu í allan dag og lét svo til skarar skríða um kvöldmatarleitið.

Umfangsmikil lögregluaðgerð á Fáskrúðsfirði

Lögreglan hefur boðað til blaðamannafundar nú fyrir hádegið þar sem upplýsa á um þær lögregluaðgerðir sem fram fóru á Fáskrúðsfirði í morgun. Talið er að um stórt fíkniefnamál sé að ræða.

Yfirheyrslur yfir amfetamínsmyglurum halda áfram

Rannsókninni á smyglskútumálinu sem kom upp á Fáskrúðsfirði á fimmtudag miðar vel en yfirheyrslur yfir sakborningunum halda áfram, að því er fram kemur í fréttatilkynningu frá lögreglunni. Í Noregi var einn aðili handtekinn vegna málsins en sá er laus úr haldi. Í Færeyjum voru tveir handtekni.

Stærsti fíkniefnafundur sögunnar

Lögregla lagði hald á tugi kílóa af ætluðum fíkniefnum í skútu á Fáskrúðsfirði í morgun. Nokkrir hafa verið handteknir en leit stendur enn yfir í skútunni. Rannsókn málsins hefur teygt anga sína til margra landa, að sögn lögreglustjórans á Höfuðborgarsvæðinu.

Fimm í gæsluvarðhald

Þeir fimm Íslendingar sem handteknir hafa verið vegna fíkniefnafundarins á Fáskrúðsfirði hafa verið dæmdir í gæsluvarðhald. Fjórir voru dæmdir í varðhald til 18. október en einn í viku. Tveir hafa kært úrskurðina til Hæstaréttar.

Íslendingur og Dani teknir með tvö kíló í Færeyjum

Færeyska lögreglan handtók klukkan sjö í gærkvöld einn Íslending og einn Dana í tengslum við spíttskútumálið. Í aðgerðum lögreglu voru haldlögð tvö kíló af amfetamíni. Skútan sem tekinn var í gærmorgun á Fáskrúðsfirði með um 60 kíló af eiturlyfjum hafði viðkomu í Færeyjum áður en henni var siglt hingað til lands.

Grunaðir bræður komu á skútu til Fáskrúðsfjarðar 2005

Tveir af mönnunum, sem nú sitja í gæsluvarðhaldi vegna smyglmálsins í skútunni á Fáskrúðsfirði, eru þeir sömu og sigldu skútu til Fáskrúðsfjarðar í september fyrir tveimur árum og báru við vélarbilun. Þá fóru þeir í land og fengu að hringja, líkt og skútumennirnir gerðu í gærmorgun.

Varðskipið farið frá Fáskrúðsfirði

Smyglskútan,sem kom til Fáskrúðsfjarðar, var hífð upp á flutningavagn í morgun og verður ekið til Reykjavíkur til frekari rannsóknar.

Sýndi norsku lögreglunni Lucky Day

Logi Freyr Einarsson, sem handtekinn var í Noregi í tengslum við smyglskútumálið á Fáskrúðsfirði segist ekki hafa komið nálægt smygluna. Hann sýndi norksum lögreglumönnum skútuna Lucky Day sem liggur við festar í Stafangri.

Smyglskútan flutt til Reykjavíkur

Smyglskútan á Fáskrúðsfirði verður flutt til Reykjavíkur á morgun. Heimildir Vísis herma að báturinn verði fluttur landleiðina á flutningabíl. Skútur af þessari stærð eru með þónokkuð burðarþol og ætti að vera hægðarleikur að smygla nokkur hundruð kílóum til landsins í einni ferð, miðað við að tveir séu í áhöfn.

Verði áfram í gæsluvarðhaldi

Gæsluvarðhalds­úrskurður yfir pilti um tvítugt, sem handtekinn var á bílaleigubíl á Fáskrúðsfirði á fimmtudaginn í síðustu viku, rennur út í dag en lögreglan hyggst óska eftir því að hann verði áfram í haldi. Það staðfesti Friðrik Smári Björgvinsson, yfirmaður rannsóknardeildar lögreglu höfuðborgarsvæðisins, við Fréttablaðið í gær.

Lítil áhrif á fíkniefnamarkaðinn

Fíkniefnafundur lögreglunnar á Fáskrúðsfirði mun ekki hafa mikil áhrif til verðhækkana á fíkniefnamarkaði til langs tíma litið að mati Þórarins Tyrfingssonar, yfirlæknis á Vogi. Hann segir nægt magn fíkniefna nú þegar til staðar hér á landi til að anna eftirspurn.

50 til 60 kíló af amfetamíni um borð í bátnum

50 til 60 kíló af ætluðu amfetamíni voru um borð í smyglskútunni á Fáskrúðsfirði. Fimm Íslendingar hafa verið handteknir vegna málsins. Þetta kemur fram í tilkynningu frá Europol. Aðgerðir lögreglu hafa farið fram í Danmörku, Færeyjum og í Noregi auk Íslands. Tveir hafa verið handteknir í Danmörku og einn í Noregi.

Höfuðpaurarnir taldir vera tveir

Bjarni Hrafnkelsson, 35 ára gamall Hafnfirðingur, og Einar Jökull Einarsson, 27 ára gamall Garðbæingur, eru samkvæmt heimildum Vísis taldir vera höfuðpaurar í Stóra smyglskútumálinu sem kom upp á Fáskrúðsfirði í gær. Þeir voru báðir handteknir á höfuðborgarsvæðinu í gærmorgun og úrskurðaðir í fjögurra vikna gæsluvarðhald í framhaldinu.

Krefjast framlengingar á gæsluvarðhaldi

Lögreglan hefur krafist framlengingar á gæsluvarðhaldi yfir manni, sem handtekinn var á bryggjunni á Fáskrúðsfirði þegar skúta með fíkniefnum kom þangað í síðustu viku. Hann var úrskurðaður í skemmri gæslu en aðrir, sem tengdust málinu.

Lögregluaðgerðum lokið á Fáskrúðsfirði

Lögregluaðgerðum er lokið á Fáskrúðsfirði. Eins og Vísir greindi frá í morgun voru tveir menn handteknir sem komu með skútu á leið til hafnar í morgun. Talið er að í skútunni hafi verið tugir kílóa af fíkniefnum. Skútunnar beið aðkomubíll á bryggjunni og var ökumaður bílsins handtekinn. Að lögregluaðgerðinni komu fjölmennt lið lögreglunnar á Fáskrúðsfirði, Landhelgisgæslan, tollgæslan, lögreglan á höfuðborgarsvæðinu og sérsveit ríkislögreglustjóra.

Reyndu að smygla bæði amfetamíni og e-pillum

Búið er að handtaka tíu menn í tengslum við fíkniefnamálið á Fáskrúðsfirði, fimm á Íslandi, tvo í Færeyjum, tvo í Danmörku og einn í Noregi. Allir eru Íslendingar nema einn sem er Dani.

Íslensku pari sleppt í Kaupmannahöfn

Íslendingunum tveimur sem handteknir voru í Kaupmannahöfn í tengslum við smyglskútumálið á Fáskrúðsfirði hefur verið sleppt úr haldi. Fréttamaður Stöðvar 2 í Danmörku, Sighvatur Jónsson, segir að mál þeirra sé höndlað sem staðbundið fíkniefnamál í Kaupmannahöfn og tengist ekki smyglmálinu. Heimildir Vísis herma að um sé að ræða karl og konu á þrítugsaldri.

Smyglarar ekki stressaðir að sjá

„Þeir komu vel fyrir,“ segir starfsmaður frystihússins á Fáskrúðsfirði um skútumennina tvo sem handteknir voru þar í bænum á áttunda tímanum í gærmorgun.

Einn Norðmaður meðal þeirra handteknu

Einn Norðmaður er meðal þeirra átta sem handteknir voru í tengslum við fíkniefnafundinn á Fáskrúðsfirði í morgun. Þetta er fullyrt í vefútgáfu norska dagblaðsins Stavanger Aftenbladet.

Krafist gæsluvarðhalds yfir mönnunum

Alls hafa átta manns í þremur löndum verið handteknir í tenglum við það sem talið er stærsta fíkniefnamál Íslandssögunnar. Fimm þeirra voru handteknir hér á landi og verður gæsluvarðhalds krafist yfir þeim í héraðsdómi Reykjavíkur í kvöld. Þrír menn voru handteknir á Fáskrúðsfirði í morgun og tveir til viðbótar í Reykjavík.

Mest lesið


Fleiri fréttir

Sjá meira


×

Mest lesið