Zlatan stal númerinu af Anthony Martial

Svíinn Zlatan Ibrahimovic er orðinn leikmaður Manchester United en hann ætlar að láta menn bíða aðeins eftir því að hann spili fyrsta leikinn fyrir félagið.

Zlatan Ibrahimovic er enn í fríi eftir EM í Frakklandi og er sem dæmi ekki með Manchester United í æfingaferð liðsins til Kína.

Zlatan Ibrahimovic er aftur á móti kominn með númer fyrir komandi tímabil og það vakti talsverða athygli að hann tók níuna af franska landsliðsmanninum Anthony Martial.

Anthony Martial spilaði í númer níu á síðasta tímabili en færi sig núna yfir í treyju númer ellefu.

Manchester United hefur gefið út númer leikmanna á komandi tímabili á heimasíðu sinni.

Nýju mennirnir Eric Bailly og Henrikh Mkhitaryan fá númerin 3 og 22 á sína treyjur.

Sænska Aftonbladet hefur heimildir fyrir því að fyrsti leikur Zlatan Ibrahimovic með Manchester United verði væntanlega á móti Galatasaray í Gautaborg 30. júlí næstkomandi.

Númerin hjá Manchester United 2016-17:

1: De Gea 3: Bailly 4: Jones 5: Rojo 7: Memphis 8: Mata 9: Ibrahimovic 10: Rooney 11: Martial 12: Smalling 14: Lingard 15: Januzaj 16: Carrick 17: Blind 18: Young 19: Rashford 20: S. Romero 21: Herrera 22: Mkhitaryan 23: Shaw 24: Fosu-Mensah 25: Valencia 27: Fellaini 28: Schneiderlin 31: Schweinsteiger 32: Johnstone 33: McNair 36: Darmian 38: Tuanzebe 43: Borthwick-Jackson 44: Pereira 48: Keane

#MUFC's provisional squad numbers for 2016/17: pic.twitter.com/dlwFy62Iaq

— Manchester United (@ManUtd) July 21, 2016