Enski boltinn

Zlatan kom Man Utd til bjargar | Sjáðu mörkin

Ingvi Þór Sæmundsson skrifar
Zlatan Ibrahimovic kom Manchester United til bjargar gegn Blackburn Rovers í 16-liða úrslitum ensku bikarkeppninnar á Ewood Park í dag. Lokatölur 1-2, United í vil.

Zlatan byrjaði á bekknum en var sendur inn á ásamt Paul Pogba á 62. mínútu. Og 13 mínútum síðar bjuggu þeir félagar sigurmark United til. Pogba átti langa sendingu inn fyrir vörn Blackburn og Zlatan kláraði færið af öryggi.

United lenti undir á 17. mínútu þegar Danny Graham skoraði eftir góðan undirbúning Marvins Emnes.

Tíu mínútum síðar átti Henrikh Mkhitaryan glæsilega utanfótar sendingu inn fyrir vörn heimamanna á Marcus Rashford sem lék á Jason Steele og skoraði.

Það var svo Zlatan sem skoraði sigurmarkið á 75. mínútu eins og áður sagði.




Fleiri fréttir

Sjá meira


×